Read SEBR SÕNGO, 1998 A izayi sebre 48 Bible Online

A izayi sebre 48 - SEBR SÕNGO, 1998 bible

A izayi sebre 48

¹Kelg-y woto, Zakoob kamba, b sẽn boond yɛs tɩ Israyɛl kamba tɩ y sũur tosd kaam! Kelg-y woto, sẽn yit-b Zɩɩda tẽn-peelmẽ. Ade, yãmb wẽenda ne Soaala yʋʋre, n wɩngd ne Israyɛl Wẽnda boolgo, n yaool n ka boond ne yam tɩrga, n ka boond ne pʋ-peelem ye.

²Kelg-y woto, yãmb fãa sẽn paame tɩ b boond-y tɩ Tẽn-sõnga kamba, n yet tɩ y sẽn dell Wẽnd ninga, yaa Israyɛl Wẽndã, yaa dũni fãa Wẽndã!

³Ade, yaa al daar zãra la m togs yɛl niyns sẽn loogã, maam n dag n wilg-b ne m noor gomde; vugri bala m tʋlgame tɩ b taase, la b taasame.

⁴M da miime t'a Israyɛl yaa bi-tõtre, t'a yubla yaa kẽnkẽ wa kutu, t'a zuga keelma yɩɩd kutu.

⁵M bãnga rẽ n togs yɛlã tɩ b nan ket n zãra, n togs yɛlã tɩ b nan ka wa ye, tɩ f ra wa tudg f menga n yeele: «Wã yita mam wẽnda nengẽ, yaa mam nin-naandã, mam kutã n yeel tɩ rẽ yɩ.»

⁶Fo wʋma rẽ fãa; fo yãee rẽ fãa, f tõe n le kɩɩsame bɩ? Marsã, m wata ne koe-paalse, koees sẽn solge, ned ba a ye sẽn nan ka mi.

⁷Ka bũmb sẽn naan al pĩnd ye, Israyɛl, yaa mars marsã bala, la fo na n yãend-ba, sã n ka rũnda bala, f zɩɩ n wʋm ye. Woto f kõn saag n yeel tɩ f ra miime ye.

⁸Sã n ya sɩda, Israyɛl, f pa kelg ye, f ka tʋlg n wʋm bũmb ye, f zɩ n maan gũusg ye. M mi f kamba wa sudum dãmba; bãmb la b ra boond tɩ ka pʋg rãmba, al tɩ b nan ket n paoodẽ.

⁹Ya m sẽn zoet m yʋʋrã sãoongo, la m sẽn da yõk m sũuri, ya m sẽn da baood m yʋʋrã pẽgre, la m da sĩnda, la m ka sɩbg-f ye.

¹⁰Ade, m yɩlg-f lame, la ka bugmẽ la m lob-f tɩ f yɩlg wa wanzurf ye, m yɩlg-f-la ne sulg-m-menga.

¹¹Yaa mam yĩnga, maam m yembr yĩnga la m sẽn maan woto wã, tɩ m yʋʋr da sãam ye, la ned a to me da reeg pẽgre sẽn ya m dẽnd ye.

¹² [88†] Kelg-ma, Zakoob, kelg-ma, m biiga Israyɛl, yaa maam la sɩngre, maam la baasgo.

¹³Ya m nugu n sigl tẽnga, yaa mam dɩtgo n yɛdg saaga. Maam n yagl sẽn be yĩngra fãa m sã n bool-ba, vugr bala, b watame.

¹⁴Tigim-y taaba n kelge: m tara m zoa sẽn na n pids m daaba fãa, n pids m sẽn togs fãa Babilon poorẽ, la Babilon dãmb na bãng tɩ maam n so-ba. La yãmb sʋka ãnd n tõog n wilg rẽnna? Ned ba a ye!

¹⁵Yaa maam n gome, yaa maam n bool m nedã, maam n kɩt t'a wa, maam n na n kɩt t'a tõog n pids m daabo.

¹⁶Kolg-y n kelg woto: Wakat ka tol n zĩndi tɩ m solg-y bũmb ye. Yɛla fãa sɩnga m nifẽ. Marsã wã Soaalã n tʋmd-ma, yaa maam la b tool b Vʋʋsem.

¹⁷Woto la Wẽnd gomda, woto la f Fãagda, a Israyɛl Nin-Sõngã, gomda: «Maam la Soaala, f Wẽnde, maam n wilg-f sẽn ya yõodo, maam n kẽes-f sor ninga f sẽn kẽnd a soab pʋgẽ.

¹⁸Fo sã n da reegẽ-la m noya, f rugdẽ la laafi pʋgẽ wa kʋɩlgẽ, tɩ f sõmblema yɛdg n dɩgẽ wa mogr koom.

¹⁹Buuda yaẽ-la wala bĩisri, fo yagensa yaẽ-la wala zẽka. Fo yʋʋra kõn tõog n menemẽ, a kõn tõog n yẽesẽ m taoor abada.»

²⁰ [89†] Yi-y Babilon tẽnga! Zoe-y n bas-y Kalde rãmba! Tãs-y tɩ b wʋme. Moon-y tɩ ta tẽnga sɛtmẽ, yeel-y woto: «Wẽnd fãaga b sõgen, a Zakoob.»

²¹Ko-yũud pa yõk-b we-raoogẽ, b sẽn tall-ba n gõtem zĩig ninga ye. Bãmb yĩnga b kɩtame tɩ pĩig pusg koom. Pĩiga sẽn wẽ la koom sẽn zoe n sigi.

²² [90†] Nin-wẽns bal n ka na n paam laafi. Soaala-Wẽnd n yeele.