Read SEBR SÕNGO, 1998 A izayi sebre 55 Bible Online

A izayi sebre 55 - SEBR SÕNGO, 1998 bible

A izayi sebre 55

¹ [116†] Ko-yũud sẽn tar b rãmb fãa, wa-y tɩ koom bee ka ba y ka tar ligdi bɩ y wa. Wa-y tɩ kood me la b kẽes raaga la ka yiisd ligdi n daadẽ ye. Bĩisim la rãam me yaa boto.

²Bõe tɩ y na n sãam y ligdi n da bur sẽn ka yiisd kom, bõe tɩ y na n nams y mense n yaool n ka ne yõodo? Y sã n sak n kelg-ma, y na paam rɩ-sõng n dɩ, y na tɩgs y mens ne sẽn ya sõmb n yɩɩda.

³ [117†] Kelg-y neere, wa-y mam nengẽ! Kelg-y tɩ y na vɩɩnde! Ad-y yaa Soaala n gomde: «Yaa zood sẽn kõn sɛ la m na n yõg ne yãmba. A Daviid sẽn paam kũun niynsa la m na n kõ yã.

⁴Ade, m kɩtame t'a Daviid kõ bu-zẽmba kaseto kaset tɩ m pãnga labsa, m kɩtame t'a soog-ba, n dɩ naam b zugu.

⁵Foo me, Israyɛl, fo na n kamsa sãamba neb sẽn ka mi-fu, tɩ fo me ka mi-b ye, la mam yĩnga b na n zoe n waame, tɩ maam, Soaala-Wẽnd, a Israyɛl Nin-Sõngo n kõt-f zu-noog kãnga.»

⁶Bao-y Soaala-Wẽnde tɩ y ket n tõe n yãend-ba, yõk-y Soaala-Wẽnd sɛɛga tɩ b nan ket n pẽ.

⁷Bɩ nin-wẽng yi a so-wẽng pʋgẽ, tɩ yel-wẽn-maand bas a tags wẽnse. B sã n lɛɛg n wa Soaala-Wẽnd nengẽ, Wẽnd na n zoe-la b nimbãanega, tɩ tõnd Soaala-Wẽnda sũur yalma, la b pa mongd b sugr ye.

⁸Soaala-Wẽnd n yeele: «Yãmb tagsgo ne mam dẽnna ka a ye ye, mam soya ne yãmb dẽnna ka a yembr ye.

⁹Wala saaga ne tẽnga sẽn zãr ne taaba, woto me la tõnd soya zãr taaba, woto me la mam tagsgã zʋʋg yãmb dẽnna.

¹⁰ [118†] Tʋʋlgo bɩ waoodo, saaga pa rʋʋgde tɩ kooma le lɛɛg n kul yĩngri tɩ tẽnga ka madg ye. A madgda tẽnga tɩ b bʋde, tɩ sẽn bʋd yi n wom biisi, tɩ koaada paam a rɩɩbo.

¹¹Woto me Wẽnd gomna ka yit b noorẽ n ka wom biis ye, n ka pids b sẽn dag n dat bũmb ninga ye.»

¹²N-ye! Yãmb na n yii ne sũ-noogo n lɛɛg n wa y tẽngẽ, tɩ bũmb pa maan-y ye. Tãmse la kunkuba na n kilsa b sũ-noogo, tɩɩsa fãa na n pãba nug-pogse.

¹³Gõosa zĩigẽ yaa taamse n na n yi, sɩlg-nao-yẽesa zĩig na n yɩɩ luiili sibi. Rẽ na n waa ne Soaala-Wẽnd pẽgr kãsenga a na n yɩɩ zood kaseto, zood sẽn ka tõe wã abada.