Read SEBR SÕNGO, 1998 A izayi sebre 59 Bible Online

A izayi sebre 59 - SEBR SÕNGO, 1998 bible

A izayi sebre 59

¹Soaala-Wẽnd tara pãnga tɩ sek a fãag-do; b tʋbr pa yẽde tɩ d gomd tɩ b sĩnd ye.

²Yaa tõnd wẽnema n ning gɩdgre tõnd ne Wẽnd tẽnsʋka, yaa yel-wẽna yĩnga la b wẽnemd b neng n pa rat n kelgd-d ye.

³Yãmb nus rẽgma ne zɩɩm, yãmb nus-bi soba ne yel-wẽna, y sã n yaag y noore, ya zirẽ la y yagda, bɩ yaa rõadg la y rõata.

⁴Bʋʋd zĩigẽ, y wata ne yɛl sẽn pa sɩda. Ned ba a ye pa gomd ne pʋ-peelem ye, y sẽn lʋɩɩsd taoora yaa yɛl-faado, y sẽn gomd n na n yiis y meng yellẽ wã yaa gom-vɩɩd zãnga; y raaba yaa sãoong raab bala, y sẽn na n tõog n wa ne bũmb ning yaa yel-beedo.

⁵Y sẽn dat bũmb ninga yaa bũmb sẽn na n wa ne y bõne, wa ned sẽn wũnugd wag-gɛla. Lebga sɩɩs n bao f kũum, tɩ gella sẽn lake, la põeer sẽn yi.

⁶Pɛɛl niyns y sẽn wʋgdã yaa sʋlg gaam-gaam la y gaamda; y ka wʋgd-ba n na n yeelg ye, ka waood la y rat n dig ye, yaa yel-beed la y rata; y sã n kẽes y nug tʋʋmnẽ, ya pãn-tõog bal la y rat n tʋme.

⁷Y nao wã sẽn tõe yaa wudg tao-tao n tɩ maan yelle, yaa zoe tao-tao n tɩ raag zɩɩm, n daag sẽn ka tara a toorẽ yell zɩɩm. Y ka bilgd bũmb a to tɩ ka wẽng bilgri ye, y sẽn tũ sor ninga yaa sãoongo la wãabo.

⁸ [123†] Y zɩ n dɩk laafi sor ye, y zɩ n tuk sor n kõ zemsgo ye. Yãmb soya yaa so-golomse; sẽn dɩka yãmb soya kõn tãag laafi tẽng ye.

⁹Yaa rẽ yĩnga la Soaala pa yãgd ne tõnd ye, n gũud beoogo n na pids b sẽn kãabe. Tõnd da gũuda vẽenem, la ket n yaa lik zĩig zãnga, d da gũuda sõore, la d ket n kẽnda ne yʋngo.

¹⁰D babenda wala zoanga sẽn yegd lalga, wala zoanga, nao wã sordame n pa zẽkdẽ ye. D lagsda wĩnto-sʋka wala zĩ-lik menga, d kẽnda ne laafi, la d pa são sẽn ki-b ye.

¹¹D fãa zĩ n waasda wala we-rũnga, la d guusda wala malwalle. D da tẽedame tɩ Soaala-Wẽnd na n lʋɩɩsa b toogo, la zaalem; fãagre la d da gũuda, la d ket n zãr ne-a.

¹²Yãmb taoore tõnd beegra yaa wʋsgo, Soaala, la tõnd yel-wẽna n paalgd tõnd bʋʋdo. D yel-wẽna dɩga d taoore, d mi d kongrã sẽn yaa a soaba.

¹³D ka sulg d meng y taoor ye, Soaala-Wẽnde, d zãgsa y pʋgbo, yãmb d Soaala. Sẽn be d noorẽ bala, ya maan to pãnga, ka rẽ bɩ d zoe n yi yãmb soolmẽ. Sẽn be tõnd sũurẽ, sẽn be tõnd yamẽ, ka bũmb a to n zʋʋg zirẽ-beed ye.

¹⁴Rɩk so-tɩrgã, kẽn tɩrga ka le noom-d ye. Paam tɩ bʋʋda bʋ tɩrse lebga toogo. Raaga pʋga, togs sɩd le ka ye, zãmb geels geendame n kalemd fãa.

¹⁵Ned ba a ye ka le togsd sɩd ye, sẽn ka rata wẽnga yẽ soab la b maan wẽnga, n deeg a sẽn tar fãa. Soaala-Wẽnd yãee rẽnna. B yãee ne sũ-sãanga tɩ bʋʋd ka le bʋʋd ye.

¹⁶ [124†] Bãmb yɛɛsa ned sẽn ka ningd a toogã, tɩ b yet tɩ b na ges rẽ b toore, tɩ b yet tɩ b na n della b zemsgo la b teeg b meng pãnga, n le wa ne fãagre.

¹⁷ [125†] B dɩka zemsgã n yeelg wa kut fuugu, fãagrã n lebg b kut pugla. B yeelga b zab-n-dok-sũur fu-yorgo, la wala fu-goabga, b rɩka b nonglma sẽn ka mi belgrã n pil b menga.

¹⁸Ninsaalba na n deega sɩbgr ning b sẽn tog ne, Soaala na n basame tɩ b sũura pusgi n waag b bɛɛba gilli, ba sẽn be-b yɩɩgã.

¹⁹La woto b yʋʋra na paam waoogre yaang la taoore, goabg la rɩtgo, b sẽn na n wa ne ziira raare, n wa wala kʋɩl-bɛɛg koom sob-raoog sẽn tusd ne pãnga.

²⁰ [126†] Soaala-Wẽnd na n waame, Zerizalɛɛm la b na n wa fãage, n paas Israyɛl kamb niyns sẽn tuub b wẽnema. Dẽ yaa bãmb meng n togse.

²¹Soaala-Wẽnd paasame: «Sã n ya maam, zooda na n yõga woto: m Vʋʋsma sẽn be ne fooma, m goama m sẽn ning f noorẽ wã, bãmb bal la f na n togse, bãmb bal la f yagensa na n pore, maam, Naaba-Wẽnd, n gomde, na n yɩɩ boto zamaan ne zamaana.»