Read SEBR SÕNGO, 1998 A izayi sebre 6 Bible Online

A izayi sebre 6 - SEBR SÕNGO, 1998 bible

A izayi sebre 6

¹ [8†] Dĩm a Oziyas kaalem yʋʋmde, m yãee Soaala-Wẽnde tɩ b zĩ b naan goeel zugu. Naama goeel da vigla yĩngri, Wẽnd futa ra pida rooga fãa.

²Malɛk rãmb n da pẽ-ba. Ned kam fãa tara pɩgs a yoobe: a yiib tarame n lut nenga, t'a yiib tar n lut nao, t'a yiib tar n yɩgda.

³[9†] B ra moondame n deesd taaba: «Sõmblem Naaba, Sõmblem Naaba, Sõmblem Naaba la Wẽnde, dũni fãa Soaala! Yĩngri la tẽnga pida ne bãmb ziiri!»

⁴ [10†] La yɩɩla sẽn pʋdã, kʋɩlensa deeg n dĩmsame la bug-zõos n wẽneg n pid wẽnd doogã.

⁵La mam yeelame: «Ade, m ka le tõe n yaag m noore, tɩ m noor yaa rẽgdo, m ka tõe n naag n pẽg ye; pʋs n yaa m buuda zãnga n ya rẽgdo. M sẽn yaool n yãend a soaba yaa Dĩma, dũni fãa Soaala.»

⁶Malɛk a ye yɩk n kolga maam, a saka bug-saalle maan-kugra zugu ne yɩʋʋgo,

⁷la a sɩɩsa m no-gãongã n yetẽ: «Bug-saala sẽn sɩɩs f noorã, f yel-wẽna yẽesa zãnga, f wẽnema peka zãnga.»

⁸La m wʋma Soaala sẽn soke: «Ãnda la m na n tʋme, ãnda n na n taas m koɛɛgã?» La m yeelame: «Ad-ma, tʋm-y maam!»

⁹La b yeelame: «Kẽnge la f tɩ togs neba: B rat bɩ b yoog b tʋba, b kõn wʋm fɩ, b rat bɩ b puk b nini, b kõn yãend fɩ.

¹⁰ [11†] Pag nin-bãmba yam la b tʋba la b nini tɩ b legb zoeense la wʋmse la yam kɩdg rãmba, tɩ b zʋga da tedg ye, tɩ m pa rat b sãoogr ye.»

¹¹Dẽ la m sok yã: «Na n talla woto n tãag wakat bʋgo, Soaala?» La b leok-m lame: «M na gũu tẽnsã sẽn wat n lebg vɩɩdo, tɩ ned ba a ye ka le kẽed-b ye, tɩ pʋʋg ba a ye pa le tar koaad ye.»

¹²Soaala na n tɩ kẽesa neb wʋsg al yɩɩga, woto vɩʋʋg na n yãenda wʋsg tẽnga pʋga.

¹³La tẽn-kãnga pʋgẽ, nin-yend sã n põse, neb piig sʋka, ad-y b na n wẽnega tɩ-tobendo, kʋk bɩ tɩ-wok tobendo. Ad-y b na n lebga rũms rɩɩbo. La bãng-y tɩ tɩɩga yagenga na n yɩɩ bõn-paall a to sɩngre.