Read SEBR SÕNGO, 1998 Maan-kʋʋr sebre 17 Bible Online

Maan-kʋʋr sebre 17 - SEBR SÕNGO, 1998 bible

Maan-kʋʋr sebre 17

¹Soaala-Wẽnd yeela a Moyiiz

²t'a taas a Aarõ ne a kamba, la Israyɛl kamba gilli koe-bãmba:

³A Israyɛl buud ned ning sẽn na n saag n kʋ naafo, pesgo bɩ bʋʋga, sika pʋg bɩ we-kɛɛnga,

⁴n ka wa sɛka roog noore n dɩk-a n kõ Soaala-Wẽnde, b na sok a soab zɩɩma a sẽn daagã: b yiisd-a-la buudẽ.

⁵Dẽ yĩnga, a Israyɛl kamb wata ne rũms niyns b sẽn na n kõ Soaala-Wẽnde, sɛka roog noore: Yaa laafi kosg maoong la b na n kʋ, Soaala-Wẽnd taoore.

⁶Maan-kʋʋda tẽkda zɩɩma n mes maan-kugra, sɛka roog noore la a yõogda kaama t'a yũuga noog Soaala-Wẽnd sũuri.

⁷Woto b kõn le kʋ wẽn-yaalsa maoong n dẽgem b mens ye. La rẽ me la noor m sẽn kõt-b yʋʋm sẽn kõn sɛ yĩnga.

⁸Yeel-b yɛsa: A Israyɛl buud ned bɩ sãan ninga fãa sẽn be ne yãmba n dat n kʋ yũ-noog maoongo, bɩ maoong a to,

⁹n yaool n ka reng n tall rũnga n wa kõ Soaala-Wẽnd sɛka roog noore, yeel-y-b tɩ b yiis-a buudẽ.

¹⁰ [25†] A Israyɛl buud ned la ned ninga fãa sẽn bɛ-a ne yãmba n dɩt zɩɩm, sẽn ya zɩɩm ning fãa, mam na yik zabr ne-a la m na yiis-a-la buudẽ.

¹¹[26†] Bõn-vɩɩg vɩɩm be-la a zɩɩmẽ. [27] Y paama m nengẽ tɩ maan-kugra zug zɩɩm wat ne y sugri, la rẽ yaa zɩɩma sẽn ya vɩɩma.

¹²Yaa rẽ yĩng la m yeel a Israyɛl kamba: Ned da saag n dɩ zɩɩm ye; sãan sẽn vɩ-a ne yãmba kõn dɩ zɩɩm ye.

¹³Ned ning fãa sẽn ya-a a Israyɛl biiga, bɩ sãan sẽn vɩ ne Israyɛl kamba, a sã n kẽng soom-saar n paam rũnga, bɩ luiila, b sẽn tõe n wãbe, bɩ a kodga n kedg n bao tom n bus zɩɩma.

¹⁴Nin vɩɩg fãa vɩɩm be-la a zɩɩmẽ. Dẽ me la m yeel a Israyɛl kamba: Da rɩ-y bũmb ba a ye ne a zɩɩm ye tɩ zɩɩm yaa vɩɩm la sẽn kɩɩsa n dɩ bɩ b yiis-a buudẽ.

¹⁵Ned ning fãa, tẽngen-ned bɩ sãana, sẽn wãb rũng sẽn ki, rũng a to sẽn yõke, tog n peka a futu la a so koom ne rẽ fãa a na n kell n paa ne rẽgdo n ta zaabre. Zaabr sã n ta a lebgda yɩlemde.

¹⁶A sã n ka pek a futã, a sã n ka pek a yĩnga, a tʋka yell a zugu.