Read SEBR SÕNGO, 1998 Maan-kʋʋr sebre 18 Bible Online

Maan-kʋʋr sebre 18 - SEBR SÕNGO, 1998 bible

Maan-kʋʋr sebre 18

¹Wẽnd goma ne a Moyiiz

²n yeel-a t'a wilg a Israyɛl kamba woto: «Maam la Soaala, yãmb Wẽnnaam.

³Da maan-y wala y sẽn zĩnd ne b rãmb Ezipt tẽnga sẽn da maanda ye. Da maan-y wala b sẽn maand Kanaã tẽnga, tẽng ning m sẽn tar-y n dabdẽ wã ye. Y ka na n tũ b manesma ye.

⁴Yaa mam daab la y na n tũ. Yaa maam noya la y na n deege, y vɩɩma na n tũu noya m sẽn wilgi. Maam la Naaba-Wẽnde!

⁵ [28†] Deeg-y m noya, maan-y m daabo. Sẽn tũud-a na paam vɩɩm. Maam la yãmb Wẽnnaam rũnda la beoogo.

⁶Ned ba a ye da kolg a roagda n yo ne-a ye. Maam la y Naaba-Wẽnde.

⁷Da lodg f ba kur-wĩir ye. Da sẽk f ma fuugu ye, ya f ma, da sẽk a fuug ye.

⁸ [29†] Da sẽk f ba pag fuug ye tɩ yaa f ba meng la f ningd yãnde.

⁹ [30†] Da sẽk f tão fuug ye, a yaa f ba biiga bɩ f ma biiga, sẽn dog f ba zakẽ bɩ tẽng a to, da sẽk a fuug ye.

¹⁰Da sẽk f yageng fuug ye, a yaa f bi-ribl biiga, a yaa f bi-pugl biiga, bɩ f da saag ye. F ning-b yãnde, f ninga f meng yãnde.

¹¹Da sẽk f ba pag biig fuug ye. Y ma wã sã n ka a ye me, y ba wã yaa a ye, dɩlla yaa f tão, da sẽk a fuug ye.

¹²Da sẽk f pʋgdb fuug ye t'a zɩɩma yaa f ba zɩɩm.

¹³Da sẽk f ma yao bɩ f ma kẽem fuug ye t'a yĩnga yaa f ma yĩnga.

¹⁴ [31†] Da ning f ba kẽema bɩ a yao yãnde, n kolg a pag ye, tɩ yaa f ba yao bɩ f ba kẽem paga.

¹⁵ [32†] Da sẽk f bi-pag fuug ye, tɩ yaa f biig paga, da sẽk a fuug ye.

¹⁶ [33†] Da sẽk f kẽem bɩ f yao pag fuug ye tɩ yaa f kẽem bɩ f yao la f ningd yãnde.

¹⁷ [34†] Da sẽk pag fuug n le lɛɛg n sẽk a biig fuug ye, da sẽk a yageng fuug ye: tɩ b yĩnga yaa yĩng a ye la yaa bũmb sẽn ka toge.

¹⁸F pag yao da kul-f ye, pʋg-taar yĩnga. Da kẽes-a, f paga sã n ket n vɩ ye.

¹⁹ [35†] Da kẽ ne f paga a sã n ne a kiuug ye, tɩ wakat kãnga a yaa rẽgdo.

²⁰ [36†] Da kẽ ne tẽngen-paga n dẽgem f meng ye.

²¹ [37†] Da rɩk f biig n kɩs tɩ b kʋ a Molɛk maoong ye. Y sã n maan dẽ y paoogda maam, yãmb Wẽnnaam.

²² [38†] Da kẽ ne rao wala f kẽe ne pag ye: yaa wɩɩbdo.

²³ [39†] Da lagem ne rũng ye tɩ f na n dẽgma f menga, pag me ra lagem ne rũng ye, dẽ me yaa wɩɩbdo.

²⁴Da rẽgem-y y meng ne manesem a woto buud ye. Yaa rẽ n dẽgem buud niyns m sẽn menes yãmb taoorã.

²⁵Tẽnga lebga rẽgdo tɩ m yẽeg-a, a beegra yĩnga, t'a kong n wʋb a nebã wa bõn-beedo.

²⁶Sã n ya yãmba, tũ-y m daabo, da sak-y wɩɩbd ye, f yaa a Israyɛl buud ned, bɩ f nok-a lame.

²⁷Yaa wɩɩbd a woto buud n dẽgem neb niyns sẽn da kẽed-b tẽn-kãensã.

²⁸Yãmb sã n lebg rẽgdo, tẽnga ko wʋb yãmb wala a sẽn wʋb pipi rãmba sɩda?

²⁹Sɩda, ned ninga sẽn sak n wɩɩb woto a yaa ninsaal bɩ rũnga, bãmb fãa na n yiisa buudẽ.

³⁰Vɩɩnd-y wala m sẽn wilg yã, da tũ-y pĩnd dãmba soy yooda ye, woto b manes yooda kõn dẽgem-y ye. Maam la yãmb Wẽnnaam.»