Read SEBR SÕNGO, 1998 Zeremi 10 Bible Online

Zeremi 10 - SEBR SÕNGO, 1998 bible

Zeremi 10

¹Israyɛl buudu, kelg-y Soaala-Wẽnd koɛɛga.

²Yaa woto la b gomda: Da nong-y n dɩk bu-zẽmba sor ye, Da maan-y dabeem ne bõn-bãna yãmb sẽn yãet yĩngrã, ba neb a taab sã n zoet-b rabeem.

³N-yẽe! Buud a taaba wẽn-tũudma ka bũmb a to n zʋʋg sobg ye. Gese, raoog bal la b kɛɛgd tʋgrẽ tɩ da-pɛɛsa pees wẽn-naande.

⁴B bolgd-a-la ne wanzurfu bɩ sãnem. B baooda kaadse la bũmb sẽn na n tall n ka, n maneg n ka sẽn peesã t'a tõog n yaas tɩrga

⁵La wala belsem-belsem sẽn yag niir pʋʋgẽ, luiili yĩnga, ad-y wẽn-bãmb yɛsame la b ka mi goam ye; b sẽn pa kẽndã, dɩll b põk-ba. Da zoe-y bãmb rabeem ye, b pʋs n ka tõe n maan bũmb ye, b ka tõe bõn-wẽng y yĩnga, wa b sẽn ka tõe bõn-sõng y yĩnga.

⁶Soaala-Wẽnde, yãmb bal n ka tar mak-n-taaga Yãmb yʋʋra naaga y pãngã n sãag n ta zĩig zãnga.

⁷ [20†] Dĩm dãmba fãa ne b soolma da tog n sulga b mens yãmb taoore, dẽ togame la segdame. Yam vẽenem dãmba fãa sʋka, y ka tar y to moog ye.

⁸Bãmb fãa gill kɛpi, yaa yalemse. Buud a taaba karen-doogẽ, f kõn bãng b wẽn-tũudma naoor n dɩk ye, f kõn zãms sẽn be yõod ye.

⁹Ya wanzurf sẽn yi Tarsis bɩ sãnem sẽn yi Ufaz, la b bẽesd pakls-paklse n tabend wẽn-naandsã sẽn na n yɩlẽ n paas b neerem. Pɛɛsã n peesd-ba tɩ yõaka tablgdẽ. B yeelgd-b-la fu-miidu, fu-mismiidu. Wẽn-naandsa fãa yaa ninsaal nug sẽn tʋme, a nug sẽn tʋm ne minim la bãngre.

¹⁰Sã n ya Soaala-Wẽnde, bãmb sɩd yaa Wẽnnaam, b yaa Wẽnd sẽn vɩ, b yaa Na-kãsenga, daar fãa yĩnga. B sã n puug b sũuri, tẽnga fãa miimdame; b sã n puug b sũuri, bu-zẽmba fãa ka le tar daood ye.

¹¹Ad yãmb sẽn na n togs bu-zẽmba, togs-y-ba tɩ wẽn-naandsã, ka bãmb n naan yĩngr la tẽng ye la b na n menes-b-la tẽng zugu, weer ka na le zĩnd bãmb yĩnga, saaga tẽngr ye.

¹²Soaala-Wẽnd naana tẽngã n wilg b pãnga, b wilga b yẽesma n naan dũniyã; b wilga b yama-zulum n yɛdg saaga.

¹³Soaala-Wẽnd sã n gome kooma sẽn be yĩngra tigimda taaba, Sawad-tagd zẽkda yĩngri. Sa-yãgr sikda sa-koom, sobda kaoogdame n fugda.

¹⁴Sẽn yãenda woto fãa yɛsa yɛɛ, n ka wʋmd võor ye. Yãnd tara sẽn dõog-a wẽn-naandsã; b dõoga belsem-belsem, bũmb sẽn ka vɩ ye.

¹⁵B yaa wa sobg bala b yaa bũmb sẽn wat ne laado. Rẽ fãa yaa bũmb sẽn na n menese, Soaala-Wẽnd sã n wa yik ne-ba.

¹⁶Ad-y Soaala ka wẽnd bãmb ye, bãmb me ka wẽnd a Israyɛl Pʋɩɩr sõnga ye, b ka wẽnd dũni wã fãa Naanda ye. Dũni fãa Naanda la a Israyɛl Wẽnde, b yʋʋra la dũni fãa Soaala.

¹⁷Zerizalɛɛm, bɛɛba sẽn pag n gilgi wʋk f teedo n looge!

¹⁸Ad Soaala gomda woto: «Mam na n diga tẽn-kãnga rãmba n zãag wʋsgo, la m sẽn na n pʋg-b pʋgb ningã, ba a ye kõn põs ye.»

¹⁹Zerizalɛɛm yeta woto: Kato! Mam sãmpogra yaa kãsenga. La m da baas n yetame tɩ bãaga yaa mam bãaga, tɩ m na sak n deeg toogã.

²⁰Mik m dooga sirgame, m sẽn ti-a ne pɛɛla, a wĩ wã fãa kaoome; mam kamba zoe n basa maam, ned ka le be n na n yik m doogã, tɩ m le paam m sẽn na n kẽẽ ye.

²¹Ad-y yaa taoor dãmba yelle, b maana yalemdo, b ka sok Soaalã n paam b leokr ye. Yaa rẽ la b raaba ka pids ye, yaa rẽ la b sẽeg b neba zãnga.

²²Kelg-y rãamde, bʋʋr n kolgde: yaa bũmb n yit nug goabga, la a wata ne zũnd-zãnde; a na n kɩtame tɩ Zɩɩda tẽnsã lebg we-raoogo n kẽesd rabeem, n lebg we-yũus roogo.

²³Mam miime, Soaala-Wẽnde, tɩ ninsaal ka so a vɩɩm ye, so-toagd ka mi a sor sẽn na n baas to-to ye.

²⁴Soaala-Wẽnde, sɩbg-y-ma, la ra yɩ ne sũ-puur ye, ra yɩ toog wʋsg ye, ka rẽ y wã-m-la zãnga.

²⁵Ypug-y y sũuri ne bu-zẽmbã, ne neb niyns sẽn ka mi-b yãmbã, la ne neb niyns toog sẽn ka be ne yãmbã. Bãmb dãmb n zɛɛd y buudã, n zɛɛd a sẽn tar fãa, n wãad a tẽnga zãnga.