Read SEBR SÕNGO, 1998 Zeremi 47 Bible Online

Zeremi 47 - SEBR SÕNGO, 1998 bible

Zeremi 47

¹Koɛɛg ning Soaala-Wẽnd sẽn togs bãngd a Zeremi Filisti rãmb poorẽ, dẽ tɩ Ezipt dĩma nan ka yik zabr ne Gaza ye.

²Soaala koɛɛga yɩɩ woto: Ad koom sẽn yit Goabg n watẽ, a lebga kʋɩl-kãsenga t'a kooma pidi, n zoet zĩis fãa. A limda tẽnga, la roto, neba tara yãbre, tẽnga rãmb fãa yɩɩnda b kʋʋr yɩɩlle.

³B wʋmda wiidi nao sẽn tibda, b wʋmda bilim-bilma sẽn maand bʋʋr kãsenga, n wʋmd bilim-bilma gʋla sẽn tõgd tẽnga. Ba rãmb ka le tẽr b kamb yell yɛs ye, n wa tong n zĩ zaalem.

⁴Daara taame, Filisti rãmb wãab raare. Ned ka le ket n na n sõng Tir la Sidõ ye. Filisti rãmb tẽns wãa zãnga, b bu-kella la Kaftor rãmba.

⁵Gaza rãmb zut põngame, yaa kʋʋre. Bʋʋr ka le yit Askalõ ye. Yãmb fãa, nin-wogda yagensã, y na n kell n kɩɩsa y yĩngã n ta da-bʋre?

⁶Yãmb n zĩi n maandẽ: «Da-bʋre la Soaala sʋʋga na n vʋʋse, da-bʋre la a na n vʋʋs a wʋʋgẽ?»

⁷ [85†] Soaala kõ-a-la noore, a na n vʋʋsa wãn wãna? Yaa Askalõ la mogra noorẽ, yaa be la a tog n ta.