Read SEBR SÕNGO, 1998 A Barʋk 5 Bible Online

A Barʋk 5 - SEBR SÕNGO, 1998 bible

A Barʋk 5

¹Zerizalɛɛm, yeeg f sũ-pa-noanga fuugu, la bas tɩ Soaala pil-fo ne b meng ziiri.

²Rɩk Ka-sɩng-kõn-zĩnd-sɛɛb pẽgrã n pil wa fu taoko, n paam fãagre, n paam Soaala meng fãagre. Bɩ Wẽnd dɩk b ziirã n fõgneg f zuga wa naam pugla.

³Tɩ Wẽnd dat n wilga dũni wã gilli b sẽn yeelg foo ne ziir ningã.

⁴Yʋʋr ning b sẽn na n bool-f daar fãa lebga laafi la zemsgo, lebga Wẽnd tũud pid ne ziiri.

⁵Zerizalɛɛm, yiki, dʋ tãngã n yalse, la f karg n ges f kamba sẽn tigimd taab yaang n wat nin-taoore, Soaala koɛɛg sẽn lʋɩ b tʋbrẽ. Ges-b sẽn noogd b sũuri b Nin-sõnga sẽn tẽeg b yella yĩnga.

⁶B yii ka, nao-tẽnga, tɩ b bɛɛb legend-ba. La Wẽnd le tar b lame n wat ne pẽgre, wala dĩm sẽn zao a naam zaoore.

⁷Wẽnd na n sirga tãn-bɛd la tãn-bi, la b sĩd zĩ-longo, tɩ tẽng yɩ saalle, t'a Israyɛl tũud-a n wat ne bãane, ne Wẽnd pẽgre.

⁸Wẽnnaam n kõ noor tɩ wetã la tɩɩsa fãa wa ne maasem a Israyɛl yĩnga. B kõ-b-la noor tɩ b yelg b puuda yũ-noog a Israyɛl yĩnga.

⁹Wẽnd na n gesa a Israyɛl yell t'a gãe ne sũ-noogo la ziiri; b na n gesa a yell ne b nimbãan-zoeer la b zemsgo sẽn ka be sɛɛbo.