Read SEBR SÕNGO, 1998 Ezekiyɛl 2 Bible Online

Ezekiyɛl 2 - SEBR SÕNGO, 1998 bible

Ezekiyɛl 2

¹Koɛɛga yeela maam: «Ninsaal biiga, yik yĩngri tɩ m na n goma ne foom.»

²Koɛɛga sẽn waa n gomd ne-ma, Wẽnd pãng n kẽe maam n kɩt tɩ m yals yĩngri la m kelgd sẽn da gomda ne maama.

³A yeel-m lame: «Ninsaal biiga, m tʋmda foom Israyɛl kamba nengẽ; b yaa tõatba, b yik n zaba ne maam. Wala b yaab rãmba, b zɩɩ n vʋʋs ne mam tõdgr ye.

⁴Ad nin-bãmba zuga yaa kɛgenga, b sũura kʋɩɩme la yaool n yaa bãmb nengẽ la m tʋmd-fo. Tɩ wilg-b tɩ yaa Soaala meng n gomde.

⁵Bãmb sẽn ya kɩɩsdb zãng kas, b kelgd tɩ b pa kelgd me, b na bãnge tɩ Wẽnnaam no-rɛɛs n be b sʋka.

⁶Sã n ya foom, Ezekiyɛl, da zoe-ba, da zoe b goama rabeem ye. B na n kɩɩsame tɩ f vɩɩma lebg wala b lob-f-la gõos la nams sʋka. Da zoe b goama rabeem ye; ra zoe-b tɩ b kʋɩɩsa b sũuri n yaa kɩɩsdb bala a yeyn-ye.

⁷Sõng tɩ m koeesa ta tõatba buudu. B nong bɩ a kelge, b nong bɩ b ra kelg ye.

⁸La foom, ninsaal biiga, kelge m sẽn na n yeel-fã, ra yɩ kɩɩsd wala bãmb ye. Yaag f noorã n deeg la f wãb bũmb ninga m sẽn na n kõ fooma.»

⁹Mam sẽn gese, nugu n zãad seb-pilimdi n teesd maam,

¹⁰[12†] a pilg-a-la mam taoore. B ra gʋlsa a nens a yiibã fãa. Bũmb a to ra ka be sebra pʋgẽ n zʋʋg yãbre, waasgo la sõngr kosg ye.