Read SEBR SÕNGO, 1998 Oze 3 Bible Online

Oze 3 - SEBR SÕNGO, 1998 bible

Oze 3

¹Naaba-Wẽnd yeela maam yɛsa: «Modg tɩ f yama kẽ pʋg kãnga sẽn tar doell la a vɩ yoob vɩɩma. Yõg zoodo la nong-a wala maam, Naaba-Wẽnd, sẽn nong a Israyɛl kamba ne b sẽn bas maam n pʋgd wẽn-naandsã la b pidsd b pʋga ne kũuna b sẽn kõt-bã, ne miisda sẽn dõosd ne bugsuntund biisã.»

²Mam maana wa Soaala sẽn yeelã, m sõda wakɩ koeems piig la a nu, la ki pet bɛd piig la a yiibu n tɩ kɩs la paga le wa-la m nengẽ.

³La m yaool n yeel-a lame: «Bas tɩ kaoos tɩ f be m zakẽ wã bala n pa yit ye, n ka yood ye. Fo na n basa rao fãa pẽnegre, la mam meng na n zãaga ne foo.»

⁴Na n yɩɩ woto tɩ bala Israyɛl kamba na n kaoosame n ka naaba, n ka dĩma, n ka maoongo n ka ra-luga, n ka bag-korgo la bag-kuga.

⁵Na n kaoosame tɩ b yaool n le lɛɛg n wa kẽ Soaala, n le wẽnemd b neng n tees b Wẽnd la b tees b dĩm a Daviid yagense. La wakat n wate tɩ b na n yik n baood Soaala ziira pẽnegre la b baood b kũun sõma.