Read SEBR SÕNGO, 1998 Zowɛl 3 Bible Online

Zowɛl 3 - SEBR SÕNGO, 1998 bible

Zowɛl 3

¹ [6†] Soaala paasa woto: «Dẽ poore ninsaal buud fãa na n paama m Vʋʋsma. Yãmb kom-dibli la y kom-pugli na n goma bãngr goama. Yãmb nin-kẽems na n paama zãmsdo tɩ y kom-bɩɩba paam likri.

²Baraare, f yaa yamba, paga, raoa, mam Vʋʋsma na n siga y fãa zutu.

³M na n waa ne yɛl sẽn yɩkd pɛlenga, yĩngr bɩ tẽng zug yɛla. Y na n yãenda zɩɩm, bugum, bug-zõos la sawato.

⁴[7†] Wĩntoog na n sobame, tɩ kiuuga moog wa zɩɩm, tɩ Soaala-Wẽnd daara nan ka ta ye. B daara na n yɩɩ daar sẽn wat ne rabeem kãsenga.

⁵[8†] Sẽn pʋʋs-b Wẽnd fãa na n paama fãagre. Zerizalɛɛm pʋga, Siõ tãnga zugu, kẽer na n paam n põsa yel-beedã, wala Soaala sẽn kãabe. Yaa b sẽn dat b rãmb ne vɩɩma la bãmba.»