Read SEBR SÕNGO, 1998 Amos 3 Bible Online

Amos 3 - SEBR SÕNGO, 1998 bible

Amos 3

¹Israyɛl kamba, buud ning Soaala-Wẽnd sẽn yiis Ezipt tẽnga, kelg-y gomd ning b sẽn togsd y poorẽ:

²«Buuda toor-toor sẽn be tẽnga zugã, yaa yãmb buuda la m yama kẽ yã. Yaa rẽnda me yĩng la m na n sok sẽn tũ ne bũmb ninga tɩ y wa beegd-m woto fãa.»

³Neb a yiib na naag taab n dɩk sore tɩ b ka reng n wʋm taab moore?

⁴Gɩgemd na ning rãamd weoogẽ t'a ka yãe a sẽn na n yõke? Gɩgemd pol na yiis a koɛɛg a gãagẽ t'a ka yõk bũmbu?

⁵Luiil na yõk a meng bẽdgẽ tɩ b ka bẽd-a ne bũmbu? Tãoog na fisg n ka yõk bũmbu?

⁶Tõntõog na peeb tẽng pʋgẽ tɩ neb pɛleng ka yɩkẽ? Yel-beed na maan tẽng pʋgẽ tɩ Soaala-Wẽnd zɩ tiiri?

⁷Sɩd sɩda, Soaala-Wẽnd ka maand bũmbu, tɩ b ka reng n wilg b raabã b bãngdbã sẽn ya b sõgen-kamba ye.

⁸Gɩgemd kelem yã, ãnna n ka na n digi? Soaala-Wẽnd gomyã, ãnna n ka na n deeg n togse?

⁹Togame tɩ Asdod na-zaka rota zugu, togame tɩ Ezipt na-zaka rota zugu bɩ b moon woto: «Tigs-y taab Samari tãms zutu la y ges bũmb ning fãa sẽn ka zemsa sẽn be tẽnga pʋga, n ges pãn-tõoga sẽn maand tẽnga pʋga.»

¹⁰Naaba-Wẽnd yetame: «Samari tẽng rãmb ka mi tʋʋmd sõng sẽn yaa a soab ye. B samda b zakẽ, b pãn-tõoga la b zɛɛba sẽn kõt-b bũmb ninga.»

¹¹Yaa rẽ me yĩnga la Soaala-Wẽnd yeta: «Bɛ n na n wa kẽ tẽngã, a na n luba a lalsa sẽn me tagd-tagdã la a na n zɛɛ dĩma roogo.»

¹²Ad Soaala-Wẽnd sẽn yete: «Wala rũm-kɩɩma sẽn paame n fãag gɩgemd noorẽ, a rũng kars a yi bɩ tʋbre, wotome sẽn na kees Israyɛl kamba sẽn kẽed Samari wã wat n yɩ-la b goeel bɩ b gãag bʋgsg karga.»

¹³Kelg-y yã, la y wilg a Zakoob zakẽ dãmba, Soaala-Wẽnde, Pãng rãmba fãa Wẽnd, sẽn yeele.

¹⁴[11†] M sẽn waa n na n sɩbg Israyɛl a tʋʋm wẽna yĩnga, m na menesa Betɛl maan-kugã. B wẽn-naandsa maan-kuga na kaoo n lʋɩ tẽnga.

¹⁵Y rota buud toor-toorã, m na n wã-b lame, n wã zags niyns sẽn maneg ne fan-teedo wa wob yẽna, n wãa ro yalemsã. Yaa woto la Soaala gomda.