Read SEBR SÕNGO, 1998 Sõadga 11 Bible Online

Sõadga 11 - SEBR SÕNGO, 1998 bible

Sõadga 11

¹Daar a ye Israyɛl kamba waa n yik n guglma wʋsgo ne Naaba-Wẽnde. La Soaala-Wẽnd sẽn wʋme, pa ta b yam ye. Soaala-Wẽnd sũura puugame tɩ bugum sig tẽnga n yõog neba la a rɩ sika kɩrenga.

²Neba kelma a Moyiiz tɩ yẽ yõk Soaala-Wẽnd sɛɛga, tɩ bugma ka le kẽng taoor ye.

³B pʋda zĩ-kãng tɩ Tabera, tɩ bugum, Soaala-Wẽnd sẽn kɩt tɩ bugma rɩ Israyɛl kamba yĩnga.

⁴Daar a ye, sãamba sẽn da kalem Israyɛl kamba waa n yik n yãbda velem. Israyɛl kamba meng naag n sɩnga waasgo n yetẽ: «Ãnda n na n kõ tõnd nemd tɩ d wãbe?

⁵D ket n tẽrame tɩ d da rɩta d yam, Ezipt tẽnga, kʋɩl-zẽedo, niiri, yoaga, kʋmba, gãmdo, albasle la zẽ-nood buud fãa.

⁶Dũnna d zĩime tɩ d vɩɩma ka le wẽnd ye, d ka le tar bũmb ye. D nin sẽn ne bala yaa man, ka-mi-sẽn-ya-lã.»

⁷Man ra wẽnda kẽnebd biisi, n ya peels wa siili.

⁸[14†] Neba ra yit n saad n wʋkd-a lame; b ra werd-a-la neerẽ bɩ b ra tood-a-la teoogẽ, n dʋgl-a rʋkẽ, n wa lebg-a wa samsa, t'a ya noosẽnde wa miisdu.

⁹[15†] Meenema sã n wa rʋʋgd yʋngo, man me rʋʋgdame.

¹⁰A Moyiiz wʋma a neba sẽn tigim roog-roogo, sɛka rignoorẽ, n zabd ne Soaala-Wẽnde. Soaala sũur puuga wʋsgo la a Moyiiz me zaba ne-ba,

¹¹n yeel-ba: «Bõe tɩ y rat wẽnga ne y sõgna? Bõe tɩ zooda sãame, bõe tɩ y zɩlg-m y buuda tõr zɩɩbo?

¹²Maam n dog-b bɩ tɩ y yet-m tɩ m deeg ba m naoẽ wala ma-wubdg sẽn deegd a biiga? La ka yam-yam ka meng ye, yaa y sẽn kãab b ba rãmb tẽng ninga la m na n tall-b n taase.

¹³Yɛɛlẽ la m na n yãe nemdo n kõ zãma sẽn ta woto fãa la sẽn pʋgd-m ne nintãm la a maanẽ: Kõ-d nemd tɩ d wãbe?

¹⁴Ad-y m pa tõe, m yembre, n zɩ zɩɩb a woto fãa ye, looga m pãnga.

¹⁵Y sã n na n zã m vɩɩma woto, ad-y m sẽn kiid n são. Y sã n maan-m-la yardo bɩ yell a woto buud da le lʋɩ m zug ye.»

¹⁶Soaala-Wẽnd yeela a Moyiiz: «Tigim nin-kẽems pisopoe, a Israyɛl buuda sʋka, nin-kẽems sẽn wilg tɩ b tõe n zãa neba. Tall-ba n wa sɛka roog noore, tũ-y taab n wa.

¹⁷Be la m na n wa gom ne foo. M na yãk kũun ning f sẽn paama bilfu n kõ-ba la b na naag foom n tʋk zɩɩbã, fo kõn le zɩ-a f ye ye.

¹⁸Yeel zãma wã: ‹Yɩlg f meng beoog yĩnga n tõog n wãb nemdo. Ka yãmb n kelem tɩ Soaala wʋm bɩ: Ãnda n na n kõ-d nemd tɩ d wãbe? Bõe n da paoogd-d Ezipt tẽnga! Ade, Soaala na n kõ-y-la nemd tɩ y wãbe,

¹⁹la ka na n yɩ daar a ye bɩ rasem a yiib bala, ka na n yɩ rasem a nu, rasem piig bɩ pisi,

²⁰na n yɩɩ kiuug tõre t'a wa yit y yõe bogdẽ, t'a yʋʋr sã n pʋde bɩ y rat n wʋbe. Na n yɩɩ boto tɩ y basa Soaala kɛɛnga la bãmb yaool n be-la y sʋka. Na n yɩɩ boto tɩ y saag n yeelame: Bõe yĩng tɩ y pʋs n yiis-d Ezipt tẽnga?› »

²¹Dẽ me la a Moyiiz leok yã: «M sẽn vɩ ne b rãmba taa neb tus kobs-yoobe. Yãmb na n yɩɩ wãn n yeele: ‹M na n kõ-b-la nemdo tɩ b wãb kiuug tõre?›

²²B kood b rũmsa gilli, bɛd la bõonego, na tõog n sek sɩda? Sã n da tõe n vaagẽ mogra zĩm zãnga n kõ-ba, na sekẽ?»

²³Tɩ Soaala-Wẽnd na n leok a Moyiiz: «Soaala-Wẽnd pãnga menem n kẽe yɛ? Marsã la f na n bãng m sẽn togsã sã n na n yɩɩme bɩ sã n pa na n yɩ.»

²⁴A Moyiiz yii sɛka roogẽ n taas zãma wã Soaala-Wẽnd leokrã. A yãka nin-kẽems pisopoe n yals-ba n gilg sɛka roogo.

²⁵Soaala-Wẽnd tũu sawadgã n sig n gom ne a Moyiiz. A Moyiiz yama la b yãk n pʋdg bãmb pisopoe wã. B sẽn paam kũuna b vẽneg n sɩngame n gomd bãngr goama, la ka yãe n kaoos ye.

²⁶Ad-y neb a yiibu n da pa sikẽ wã: yaa a Eldad la a Medad. Kũuna taa bãmb me, tɩ b ra yãka bãmba la b ra pa yi n ta sɛka roog ye. Bãmb me ra gomda bãngr goama la yaa sikẽ wã.

²⁷Biig n wudg n wa yeel a Moyiiz: «Mik waa, a Eldad la a Medad be sika pʋg n gomd bãngr goama!»

²⁸A Nun biig a Zozuwe, da sõngda a Moyiiz al t'a nan paooda Yẽ n kolg n yeele: «Moyiiz, m zu-soaba, da bas-y-b tɩ b gom ye!»

²⁹T'a Moyiiz na n leok-a: «Bõe tɩ f maand wa rẽ wata ne mam bõne? M nongẽ lame tɩ Soaala-Wẽnd buuda zãng paamẽ Soaala-Wẽnd vẽnegre, n gomnẽ bãngr goama!»

³⁰Dẽ poore, a Moyiiz ne nin-kẽemsã leba sika pʋgẽ.

³¹Soaala-Wẽnd kɩtame tɩ sobg kaooge; sobga yii mogra noorẽ n wa fabg pitr-lʋɩɩse n gil sikã la a yɛdg-b-la wʋsg-wʋsgo. A yɛdg-b-la taoko, na ta kãntɩɩs a yiibu.

³²Neba talla b wʋkre wĩntoogo, yʋngo la vẽkẽmbeoogo. Sẽn paam-a bilf paama sẽn ta bõeens a yiib zɩlgre. B yɛdg-b lame tɩ kʋɩ, b yɛdg-b-la zĩig zãnga n gilg sikã.

³³La neba sẽn waa n da ket n sakemd nemdã b noore, n nan ka paam n vel-a, Soaala-Wẽnd sũur yika ne zãma wã la b nug yɩɩ toaaga.

³⁴Dẽ yĩng la b pʋd zĩiga tɩ Kibrot Taava, tɩ vels yaoogo, tɩ yaa zĩ-kãng la b mum velma sẽn da yõk b rãmbã.

³⁵Neba yii Kibrot Taava n dig Aserot. Be la b wẽ b sika.