Read SEBR SÕNGO, 1998 Sõadga 2 Bible Online

Sõadga 2 - SEBR SÕNGO, 1998 bible

Sõadga 2

¹Naaba-Wẽnd goma woto ne a Moyiiz la a Aarõ:

²«Bɩ Israyɛl kamba ti b roto n gũbg b tãb-kaoore. Tiidame n zãag bilfu ne sɛka roogo.

³Yaanga la tãb-biisã sẽn fãoog-b ne a Zɩɩda na n ti n gũbg b tãb-kaoore. A Zɩɩda rooga kãsem la a Aminadab biig a Nasõ.

⁴A tãb-biisa sõor yaa tus pisopoe la a naase la kobs-yoobe. (74 600)

⁵Sẽn na n fãoog-b ne yẽnda, yaa Isakar la a Zabulõ. A Isakar rooga kãsem la a Suwar biig a Netanɛl.

⁶A tãb-biisa sõor yaa tus pis-nu la a naase la kobs-naase. (54 400)

⁷A Zabulõ roog kãsem la a Elon biig a Eliyab.

⁸A tãb-biisa sõor yaa tus pis-nu la a yopoe la kobs-naase. (57 400)

⁹Dɩlla rota sẽn fãoog ne a Zɩɩda n ti n gũbg b tãb-kaoorã tara tãb-biis tus koabg la pis-nii la a yoobe la kobs-naase. (186 400) Bãmb n dengd yikri.

¹⁰Sẽn na n ti-b nug rɩtgo n gũbg b tãb-kaoore, yaa tãb-biis niyns sẽn na n fãoog-b ne a Rubẽ. A Rubẽ rooga kãsem la a Sedewur biig a Elisur.

¹¹A tãb-biisa sõor yaa tus pis-naas la a yoobe la kobs-nu. (46 500)

¹²Sẽn na n fãoog-b ne yẽnda yaa a Simeõ la a Gad doogo. A Simeõ rooga kãsem la a Surisadayi biig a Selumiyɛl.

¹³A tãb-biisa sõor yaa tus pis-nu la a wɛ la kobs-tã. (59 300)

¹⁴A Gad rooga kãsem la a Reuwɛl biig, a Eliyasaf.

¹⁵A tãb-biisa sõor yaa tus pis-naas la a nu la kobs-yoob la pis-nu. (45 650)

¹⁶Rota sẽn fãoog ne a Rubẽ n ti n gũbg b tãb-kaoorã paama tãb-biis tus koabg la pis-nu la a ye la kobs-naas la pis-nu. (151 450) Bãmb n pʋgd ne yikri.

¹⁷Bãmb poore, yaa Levitsa n yikd ne sɛka roogo. Bãmb n be sʋk zãnga. Yikra yikda pʋgdg-pʋgdga, yalsga me yaa boto.

¹⁸Nin-taoorã, sẽn na n ti n gũbg b tãb-kaoorã yaa sẽn na n fãoog-b ne a Efrayim. A Efrayim roog kãsem la a Amiyud biig a Elisama.

¹⁹A tãb-biisa sõor yaa tus pis-naas la kobs-nu. (40 500)

²⁰Sẽn na n fãoog-b ne yẽnda yaa a Manase la a Bẽnzame roogo. A Manase roog kãsem la a Pedasur biig a Gameliyɛl.

²¹A tãb-biisa sõor yaa tus pis-tã la a yi la kobs-yi. (32 200)

²²A Bẽnzame roog kãsem la a Gideoni biig a Abidã.

²³A tãb-biisa sõor yaa tus pis-tã la a nu la kobs-naase. (35 400)

²⁴Rota sẽn fãoog ne a Efrayim n ti n gũbg b tãb-kaoorã paama tãb-biis tus koabg la a nii la koabga. (108 100) Bãmb la yikr a tãab rãmba.

²⁵Sẽn na n ti-b nug goabga n gũbg b tãb-kaoorã, yaa sẽn fãoog-b ne a Dã. A Dã roog kãsem la a Amisadayi biig a Ayiyezɛr.

²⁶A tãb-biisa sõor yaa tus pisoob la a yi la kobs-yopoe. (62 700)

²⁷Sẽn na n fãoog-b ne yẽnda yaa Asɛr la Neftali roogo. A Asɛr roog kãsem yaa Okrã biig a Pagiyɛl.

²⁸A tãb-biisa sõor yaa tus pis-naas la a ye la kobs-nu. (41 500)

²⁹A Neftali roog kãsem la Eyinan biig a Ayira.

³⁰A tãb-biisa sõor yaa tus pis-nu la a tã la kobs-naase. (53 400)

³¹Rota sẽn fãoog-b ne a Dã n ti n gũbg b tãb-kaoorã paama tãb-biis tus koabg la pis-nu la a yopoe la kobs-yoobe (157 600) Bãmb n na n yaool yikri, pʋgdg-pʋgdga. Fãa na n dɩka sore n pʋgd b tãb-kaoorã.»

³²Ad Israyɛl kamba sõore: sõda roog-roogo, sõda tãb-sik-tãb-sika la b gill yaa tus kobs-yoob la a tã la kobs-nu la pis-nu. (603 550)

³³B ka naag a Levi kamba n sõd ne a Israyɛl ye. La noor kãng me la Soaala-Wẽnd da kõ a Moyiiz.

³⁴Israyɛl kamba reega noorã. Sɩd me, b kẽnd bɩ b yalsda, da yaa zak-zaka, roog-roogo, b ra pa kẽnd yaar ye.