Read SEBR SÕNGO, 1998 Mise 3 Bible Online

Mise 3 - SEBR SÕNGO, 1998 bible

Mise 3

¹M gomda ne yãmba, Zakoob yagens sẽn dɩt naam. M gomda ne yãmba, buuda bʋ-kaoodba. «Yãmb sẽn be bũmb ning yĩnga, ya y ges tɩ bũmba fãa tũ noora sẽn wilgi.

²Yãmb yaool n nonga sẽn ya wẽnga n kis sẽn ya neere. Yãmb dɩta nebã n tãag b yĩn-gãongo, n tãag b kõaba.»

³Sɩda, b rɩta m buudã, a yĩn-gãongã, nem-bugã, kõabã, kõaba sɩɩlem. Fãa pasda wa nemd sẽn na n ning rʋkẽ.

⁴Woto me la b sã n yõk Soaala sɛɛga, Soaala ka leokd-b ye. B na n wẽnemda b nenga, b tʋʋm wẽna yĩnga.

⁵Ad Soaala-Wẽnd sẽn togsd bãngdba poore, bãngdb niyns sẽn tudgd m buudã: «Sã n kõ bãngdba yaood sẽn tagme, b yetame tɩ laafi na zĩndi. Sẽn ka kõt-b bũmb tɩ b ningd b noorẽ, b yetame tɩ laafi ka ye.

⁶Yaa rẽ yĩnga la yʋng wat yãmb yĩnga tɩ y ka na n le paam Wẽnd likr ye. Lik n na gũbg yãmba, wa zĩig sẽn sobge tɩ b ka le ne baa fɩ.»

⁷Woto, bãngdba fãa na n pɩla b nenga n lud b yãnde, tɩ Soaala-Wẽnd pa le leokd-b bũmb ye.

⁸Maam, a Mise, ket n pida ne pãnga, tɩ Soaala kõ-m-la b Vʋʋsem, woto m pida ne zemsg la raoodo n tõe n wilg a Israyɛl buudu la m wilg a Zakoob yagense, tɩ b zẽka b zug ne Soaala la b ka pʋg bãmb b ye bal ye.

⁹Kelg-y wɛ, Zakoob zak na-biisi, Israyɛl taoor dãmba, yãmb kisa sɩda la y golemd bũmb ning fãa sẽn ya tɩrga,

¹⁰yãmb meta Siõ ne zɩɩm, n met Zerizalɛɛm, Wẽnd tẽnga, ne pãn-tõogo.

¹¹Yãmb soaalba deegda kũuni n yaool n kaood bʋʋdo. Maan-kʋʋdba deegda ligdi n yaool n na n zãms noorã. Bãngdba ka yaagd b noore n togs sẽn wat beoogo tɩ b ka reng n deeg ligd ye. Bãmb n maand tɩ b teega Wẽnde la b yetẽ: «Wẽnd ka be tõnd sʋk laa? Yel-beed yɩta a wãn n lʋɩ d zugu?»

¹²[2†] Yaa rẽ yĩnga, yãmb manes yooda yĩnga la Siõ na n lebg pʋʋgo, tɩ Zerizalɛɛm lebg raboogo, tɩ wẽnd dooga tãng lebg kãgre.