Read SEBR SÕNGO, 1998 Mise 4 Bible Online

Mise 4 - SEBR SÕNGO, 1998 bible

Mise 4

¹Wakat n wate, tɩ wẽnd doogã tãnga na n lʋɩ tãmsã fãa taoore: a na n zẽkame t'a zãndlem yɩɩg tãmsã fãa. Neb ka tɛk n na n zoe n wa be.

²Buud ka tɛk na n waa be. B na yeele: «D dʋ Soaala-Wẽnd tãnga zugu, a Zakoob Wẽnnaama roogẽ, tɩ be Soaala na zams tõnd b soya tɩ d tũ-ba.» Bala, noya na n yii Siõ la Wẽnd gomdã na n taa tõnd Zerizalɛɛm.

³[3†] Soaala na n dɩɩ naam, buud ka tɛk zugu, la b na n yɩɩ tẽn-bɛd bʋ-kaooda, n yɩ tẽn-zãorgẽ dãmb bʋ-kaooda. B na n dɩka zabre sʋʋse n kud wãgse, la b kud goet ne kãna Tẽnsã kõn le wõ sʋʋse n zab taab ye, la b kõn le zãms zabr ye.

⁴[4†] La ned fãa na n pa-la a bugsuntung la a kankang tẽngre, tɩ ned ba a ye ka yɩk a to pɛleng ye. Dũni fãa Wẽnda noor gomd la woto.

⁵Bala buud fãa baood n na n nooga a wẽnd sũuri. Sã n ya tõndo, d vɩ-la d Soaala, tõnd Wẽnnaam, yĩnga, daar fãa la yʋʋm tõt sɛɛb yĩnga.

⁶Daar n wate, yaa Soaalã n gomde: «Mam na n tigma sẽn bẽedbã, n tigim mam sẽn nams b rãmba ne pa-weerã.

⁷M na tigma sẽn bẽedbã, n vʋʋg buuda gilli. M na tigma sẽn zĩnd-b pa-weerã tɩ buuda lebg buud sẽn tar pãnga tɩ maam, b Naaba-Wẽnd, vigl m naama goeel Siõ tãnga zugu, yʋʋm tõt sɛɛb yĩnga.

⁸La foom, Zerizalɛɛm sẽn zao f tãnga zug, f gũuba roog zugu, n get dũni wã, fo na n leb n paama f pĩnd naama. Foo n na n le yɩ rĩunga na-tẽnga.»

⁹Bõe tɩ y tar yãbre dũnna Zerizalɛɛm dãmba? Bõe tɩ tooga namsd yãmba wa pag sẽn kũmd rogem? Ya y sẽn ka le tar dĩma, n ka le tar sagendba bɩ?

¹⁰Yãb-y toog wa pag sẽn kũmd rogem. Na n yɩɩ modgre tɩ y yi tẽngã, n kẽ wetẽ, n tol n ta Babilon. Beelẽ y na n paama y menga. Soaala na n fãag-y-la y bɛɛba nusẽ.

¹¹Marsã tẽns wʋsgo zoe n sũu taaba n na n zab ne yãmba. B yetame: «Wẽnd na kɩt tɩ Zerizalɛɛm yãe paoore, Wẽnd na kɩt tɩ d yãe a raboogo!»

¹²Ad-y b ka mi Wẽnd sẽn dat n maan a soab ye, la b ka mi b tagsg ye. B rat n tigma b nebã wa kood sẽn kalse, zɛɛga sẽn be zĩig ningã.

¹³Yiki! Pãb-y alkam, Zerizalɛɛm dãmba. M na n kõ-y-la pãnga sẽn zem naaf rẽnda, naaf ne yɩɩl sẽn ya kutu t'a nao-bend ya kut sẽn yũnugi. Yaa buud ka tɛk la y na n tab n bedse. La y sẽn na wʋk laog ning wala y tõogr yõodã, yaa maam la y na n kõ, maam, Naaba-Wẽnd, dũni fãa Soaala.

¹⁴Marsã Zerizalɛɛm dãmba, sẽn tigsd-b tãb-biisã, kɩɩs-y y yĩnga wa ned sẽn dɩt kʋʋre. Ad-y bɛɛba sɩnga d tẽnga gũbgri la b zoe n kuta ne b guugu a Israyɛl buuda naaba.