Read SEBR SÕNGO, 1998 Zakari 13 Bible Online

Zakari 13 - SEBR SÕNGO, 1998 bible

Zakari 13

¹Badaare ko-bundum n na n pusg a Daviid neba yĩnga la sẽn kẽed-b Zerizalɛɛm yĩnga, sẽn na n yɩ-la tɩ b tõog n paam b yel-wẽna rẽgda pekre.

²Badaare, dũni fãa Soaala n gomde: «M na n yiisa wẽn-naandsa fãa, b kõn leb n tẽeg b yell ye. M na n yiisa neb niyns sẽn boond b mens tɩ bãngdba, la m na n menesa b yamẽ b wẽn-naandsa pʋgbo.

³Ned sã n ket yãmb sʋka n gomd bãngr goama, bɩ a ba-roaka ne a ma-roaka naag taab n yeel-a: ‹Fo kõn vɩɩnd ye, tɩ bala f yetame tɩ yaa Soaala yʋʋr yĩng la f goamda la yaa zirẽ bal la f togsda.› La a wat n yɛs n gomda a bãngra goama t'a ba-roaka la a ma-roaka na n kõs-a ne sʋʋga.

⁴Badaare yãnd na n kẽe bãngdbã b sẽn wat n gomd b sẽn yãendã. B kõn saag n le yeelg maan-kʋʋra fuug ye.

⁵B fãa na n yeelame marsã: ‹Ad m n ka bãngd ye, m yaa koaada, n dɩt m pʋt yõodo al m yãadmẽ.›

⁶La b sã n sok-a: ‹Yaa bõe sãmpoaga n be f yãoogẽ?› A na n yeelame: ‹M paam-b-la m zo-rãmb nengẽ.› »

⁷ [26†] Yaa woto la dũni fãa Soaala gomda: «Sʋʋga, yik zabre ne m rũm-kɩɩma, yik n zab ne m sẽn yãk a soab t'a yɩ m sõangd sõngã, wẽ pe-kɩɩma tɩ piisa sẽeg zĩig zãnga, la ba pe-bõonesa kõn põs m meng nug ye.»

⁸Ad dũni fãa Soaala sẽn le gomda: «Tẽnga fãa pʋgẽ, neb a tãab zugu, neb a yiib n na n ki n kees a ye.

⁹M na n fɛɛsame la m na n yɩlga sẽn kell-bã. M na n ning-b-la wa b sẽn ningd sãnem la wanzurf bugmẽ tɩ b paam n yɩlge. B na yõk m sɛɛg marsã la m na reeg b kosgo. M na n boola bãmb tɩ m buudu, tɩ bãmb me yeele: ‹Soaala la d Wẽnnaam.› »