Read SEBR SÕNGO, 1998 Zakari 4 Bible Online

Zakari 4 - SEBR SÕNGO, 1998 bible

Zakari 4

¹Malɛkã sẽn da gomd ne maama lebg n wa neka m yama wala b sẽn nekd ned a gõeemẽ.

²A soka maam: «Fo nee bõe?» Tɩ m leoke: «M nee sãnem bug-roagendga ne a kaam laaga, a zugẽ. Fitil dãmba yaa a yopoe. Fitil fãa laong da kẽeda kaama laagẽ.

³[7†] Bug-roagendga goabg la rɩtgo b ra yalsa oliviye.»

⁴M kedgame n sok malɛkã sẽn da gomda ne maamã: «M Zu-soaba, bõn-bãmba yaa bõe makre?»

⁵Malɛkã sẽn da gomda ne maamã leok-m lame: «Fo ka mi bõn-bãmba sẽn makd bũmb ninga?» Tɩ m yeele: «Ayo, m zu-soaba!»

⁶6a [8†] La malɛkã leok-m-la woto: 6b Malɛka yeel-m lame tɩ m taas a Zorobabɛl gomd kãnga: «Dũni fãa Soaala yetame: ‹Ad ka na n tũ ne f yãoog pãnga bɩ ne f kang wɩkre la f na n tʋm f tʋʋmda ye, na n tũu ne maam, Naaba-Wẽnd maasem.› »

⁷A paasame: «Tãng meng ne a bedrema kõn yɩ bũmb sẽn na n wa ne gɩdgre a Zorobabɛl yĩng ye. A na sarm-a. A na n yiisa a pʋgẽ kugr ning sẽn na n dogl wẽnd dooga rĩira tẽnsʋka. Neba fãa na n yeelame: kug kãnga be neere, kug kãnga be neere!»

⁸Soaala-Wẽnd le taas-m-la koe-kãnga:

⁹«A Zorobabɛl nugu n sɩng wẽnd do-kãngã meebo la a na baas-a. La rẽ sã n wa yɩ, y na bãnge tɩ yaa maam, dũni fãa Soaala n tʋm maam yãmb nengẽ.

¹⁰10b [9†] «Fitils a yopoe wã makda Soaala nin a yopoe sẽn ne bũmb ning fãa sẽn maand tẽng zugã.» 10a D ka tog n sãbs pipi tʋʋma n yet tɩ b yaa tʋʋm bõones ye. D noog d sũur wʋsgo tɩ d ne-la a Zorobabɛl sẽn le sɩng wẽnd dooga meebo.»

¹¹ [10†] Mam le sokame: «La oliviye tɩɩs a yiibã sẽn be fitilsa roagendga goabg la rɩtgã yaa bõe makre?»

¹²M le kell n pẽdg n sokame: «Oliviye tɩɩg wil a yiibã sẽn yegl sãnem dibli a yi sẽn ya yogdo tɩ kaam sẽn ya neer wa sãnem tũud be n duugdẽ wã, dẽ me yaa bõe makre?»

¹³T'a leok-ma: «Fo ka mi-laa?» Tɩ m leok tɩ ayo!

¹⁴Tɩ malɛka yeele: «B yaa neba a yiibã b sẽn welge n na n zɛ ne kaam tɩ b lebg dũni fãa Soaala sõgen-kamba.»