Read SEBR SÕNGO, 1998 Yaoolem 23 Bible Online

Yaoolem 23 - SEBR SÕNGO, 1998 bible

Yaoolem 23

¹ [118†] Ned ka kẽed ne a ba pag ye. Ba sẽn so toore, biig rẽnd me toore.

²Sẽn ka tõe n naag b taab Wẽnd waoogra zĩigẽ yaa zu-soaba. Ka get a zu-soabenda sã n tũu ne toosg bɩ ne barg ye.

³Le paasa tãmpĩiri. Bãmb yagen-tʋbra-kẽes yagens kamba n wat n tõog n lagem b taab waoogra zĩigẽ.

⁴ [119†] Amonitga la Moabitga kõn tõog bada n poog Wẽnd waoogra zĩigẽ ye. Bãmb yagen-tʋbra-kẽes yagens kamb mens ka wat n tõog ye.

⁵[120†] La rẽ ya b sẽn zãgs tɩ b kõn yi n seg-y sorẽ ne bur la koom y sẽn wa n yi Ezipt tẽnga. Sẽn ka tõe n naag b taaba Wẽnd waoogra zĩigẽ leb n yaa Moab neda, tɩ Moab tẽnga naab tɩ bõsa kãab beedo f yĩnga, baga, a Balaam, a Beor biiga. Nin-kãng ra kẽeda Petor sẽn be Aram kʋɩls a yiiba noorẽ.

⁶[121†] Wẽnnaam f Soaala zãgsa a Balaam kelgre. Wẽnnaam, f Soaala, tedga a kãab beeda tɩ lebg kãab noodo, tɩ Wẽnnaam, f Soaala, nong-f lame.

⁷A bada ne a bada-bila, f kõn bao buud kãensa yell manegre la b sũ-noog ye.

⁸Da rig Edomitg ye, yaa f saam-biiga; da rig Ezipt ned ye tɩ f yɩɩ sãan Ezipt tẽnga.

⁹B yagen-tʋbra-kẽes tõe n lagma yãmb waoogra zĩigẽ.

¹⁰F sã n yi zabr ne f bɛɛba n wa vẽ f sika bɛɛba tẽngẽ, f na zãag f meng ne bũmb ning fãa sẽn tõe dẽgem-fo.

¹¹Wala yãmb tãb-biig a ye sã n dẽgem a meng a gãagẽ, a tog n yii sika poore, n pa be tɩ zĩig sobg-a.

¹²Zaabre, a kẽngda kʋɩlgẽ n so koom; wĩndig sã n kẽ, yẽ tõeeme marsã n le wa sika pʋga.

¹³F na bao zĩig kɛɛnga n kẽnd be n yolsd f menga.

¹⁴Zɩ rao sɩlenga tɩ f sã n dõbend n yiki bɩ f tu n busi.

¹⁵Bãng tɩ Wẽnnaam f Soaala meng n kẽnd n gilg f sikã n na n fãag-f ne f bɛɛba. F sika yaa sõngo, la Soaala ka tog n yãend bũmb be sẽn ningd-b yãnd ye. B kõn le pʋg f poor ye.

¹⁶Yem-daoog sã n yi a zu-soab yiri n zoe n wa fo nengẽ, da tɩ lebs-a ye.

¹⁷A na n paa ne foo, Israyɛl tẽng ning a sẽn yãk n na n zĩndi. Da rɩ a tʋʋm yõod zaalem n pa kõ-a bũmb ye.

¹⁸ [122†] D da yãend Israyɛl kom-pugli wã sʋka yoob sẽn yood wẽn-naand yĩng ye. Boto me ne b kom-dibli.

¹⁹Da saag n wa Wẽnd, f Soaala, roogẽ ne yamleoog kũuni sẽn ya pʋg-yoaad la ba-raoog [123] ligd ye tɩ b yiiba fãa yaa Wẽnd sẽn kis wa fãa fãa.

²⁰Da peng f saam-biiga n wa reeg roaglg n paas ye. Ligdi, rɩɩbo, sẽn yaa a soab fãa, da reeg bũmb n zʋʋg f sẽn kɩsa ye.

²¹[124†] Sã n ya sãana, f tõe n peng-a lame n wa reeg roaglga. Sã n ya f saam-biiga, kisame. Woto la Wẽnnaam, f Soaala, na n ning f tʋʋma fãa barka, tẽng ning f sẽn dabd n na n tɩ sooge.

²² [125†] F sã n pʋlem Wẽnnaam, f Soaala, bũmbu, da kaoos n pids f pʋleng ye. Ka rẽnna Wẽnnaam, f Soaala, wat n sok-f lame la rẽ ka tog ye.

²³F sã n yet tɩ f kõn pʋlem Wẽnd bũmb me, ka yel-wẽnd ye.

²⁴Modg bal n pids f sẽn yiis f noorẽ. Ka tũ ne moadg ye, pids-a wala f noora sẽn pʋlem Wẽnnaam, f Soaala.

²⁵F sã n kẽ f to bugsuntungẽ, f tõe n dɩɩ biisã, wala f sẽn dat tɛka. Fo ye n da zɩ n loog ye.

²⁶F sã n kẽ ned pʋʋgẽ, f tõe n kaoo ka-zuta ne nugu la ra saag n wʋr ne goeeg ye.