Read SEBR SÕNGO, 1998 Yaoolem 5 Bible Online

Yaoolem 5 - SEBR SÕNGO, 1998 bible

Yaoolem 5

¹A Moyiiz tigma a Israyɛl gilli n yeel-a: «Israyɛl kelge, ad sẽn lʋɩ f tʋbrẽ dũnna wã yaa noya la rog-n-mik f sẽn na n tũ. Y na n zãms-b lame la y modg n tũ-ba.

²Oreb tãnga zugu, Wẽnnaam, d Soaala, yõga zood ne tõndo.

³Zood kãng ka zood ning sẽn yõg ne d yaab rãmb ye. Zooda yõga ne tõnd sẽn be ka rũnna, n vɩ ne yõore.

⁴Wẽnnaam yalsa y taoore, tãnga zug la bugma sʋka, n gome,

⁵dẽ tɩ m yɛsa sʋka n deegd Soaala goama n taasd-y tɩ rabeem n da tar-y tɩ y pa tãnga sɛɛga n pa rʋ ye. Ad-b sẽn yeele:

⁶‹Maam la f Soaala, f Wẽnnaam, yaa maam n yiis-f Ezipt tẽnga, f yembd tẽngẽ.

⁷F ka tar Wẽnd a to n zʋʋg maam ye.

⁸F kõn bao wẽnego n kõ bũmbu, bũmb sẽn be yĩngr saag zug bɩ tẽng zug bɩ koomẽ, n lɛɛg n yeel tɩ yẽ la f wẽnd ye.

⁹[36†] Da wõgemd bũmb a to taoor ye, da waoog bũmb a to ye, tɩ maam la f Wẽnnaam. M yaa Wẽnd sẽn ka sakd paoogre; m sɩbgda biiga, yagenga la yagen-tʋbra-kẽeg a ba beegr yĩnga, beem sã n ket n be d sʋka.

¹⁰[37†] M yaool n yaa Wẽnd sẽn ka lakd ne sẽn nong-b maam la b reegd m noya, tɩ yʋʋm tong taab n tõt sɛɛbo.

¹¹ [38†] Da pʋd yaare Wẽnnaam, f Soaala, yʋʋr ye. Sẽn pʋda Wẽnnaam yʋʋr yaare, Wẽnd ka basd a soab taal ye.

¹² [39†] B ges vʋʋsga daar wala ra-sõngo la b ra tʋm tʋʋmde wala Soaala sẽn kõ noore.

¹³F na n tʋma rasem a yoobe,

¹⁴[40†] la rasem a yopoe daarã yaa Wẽnnaam, f Soaala, vʋʋsg raare. Fo kõn tʋm fɩ. Boto me ne f bi-ribla, f bi-pugla, f yamba, f roog biiga, f naafo, f bõanga, f rũng fãa, f noaka sẽn be ne foo. F rakõore, f roog biiga, fãa na vʋʋsa wa foom.

¹⁵Tẽeg tɩ fo me yɩɩ yamba Ezipt tẽnga la Wẽnd n yaoog-fo n yiis-f ne b nug pãnga. Dẽ me yĩng la Wẽnnaam, f Soaala, kõt-f noor tɩ f vʋʋs badaare.

¹⁶ [41†] Waoog f ba la f ma, wala Wẽnnaam, f Soaala, sẽn wilgi la woto f na paam yõ-woko la f pid ne sũ-noogo, Wẽnnaam f Soaala sẽn kõt-f tẽng ninga pʋgẽ.

¹⁷ [42†] Da kʋ ned ye.

¹⁸[43†] Da yo ye.

¹⁹[44†] Da zuk ye.

²⁰[45†] Da rõd f to ye.

²¹[46†] Da tʋlg f to pag ye. Da tʋlg a zaka, a pʋʋgo, a yamba, a roog biiga, a naafo, a bõanga la a sẽn so bũmb ning fãa ye.›

²²Soaala-Wẽnd goma woto buuda zãng yĩnga, tãnga zugu, tɩ b sa-tãsa pãrgd sawad tagda la likã, tɩ koɛɛga sãt ne pãnga. B goma vugri la tɛkem-tɛkem, b gʋlsa b noya kug wals a yiibu zug n dɩk n kõ-ma.

²³Y sẽn wʋm koɛɛga sẽn sãt tɩ y yaool n pa ne a soaba, tɩ tãnga yaool n yãng ne vẽenem, y buuda kãsem-dãmb la nin-kẽemsã kolg-m lame,

²⁴la ad-y sẽn yeel-b tɩ b togs-ma: ‹D Wẽnnaam, d Soaala, wilga tõnd b ziir la b pãnga, d wʋma b koɛɛga sẽn da tãsd bugma sʋka. Dũnna d bãngame tɩ Wẽnd tõe n goma ne ninsaala t'a ka ki ye.

²⁵La ne rẽ fãa, bõe yĩng la d na n bas tɩ bug-kãnga rɩ-do? D sã n kell n tar koɛɛga kelgre, d na n kiime.

²⁶Zĩ-bʋgo la ninsaal wʋm Wẽnd vɩɩga koɛɛg sẽn tãsd bugum sʋka wala tõnd sẽn wʋma, n ket n vɩ ne yõore?

²⁷[47†] Woto wã fo bal n na n kolg n kelg b koeesã. Fo na yaool n taas-b tõndo la d na reeg la d tũ zãnga.›

²⁸Soaala-Wẽnd wʋma y sẽn leok maama zãnga la b yeel-m lame: ‹M wʋma nin-bãmba sẽn yeel fooma. B maana neere.

²⁹Na yɩẽ neer n yɩɩda b sã n da tõe n pa m noya reegre pʋgẽ, beoog sẽn vẽeg fãa. B naan n yãeẽ sũ-noog dar fãa, bãmb ne b kamba!

³⁰Dɩlla sig n yeel-ba: ‹Leb-y y rotẽ!›

³¹Sã n ya foo, fo na n paa ne maam tɩ m zãms-f noya la rog-n-mikã. Dẽ poore f na wilg-b tɩ b reeg la b tũ-ba, b tẽngẽ, tẽng ning m sẽn kõt-b tɩ b soogã.›

³²Modg-y yã, Israyɛl kamba, n vɩɩnd wa Soaala, y Wẽnnaam, sẽn datã, n da kɩll goabga, n da kɩll rɩtg ye.

³³Y na n tũu, daar fãa, sor ning y Wẽnnaama sẽn wilgã la woto y na paam vɩɩm la sũ-noogo la yõ-woko tẽng ning pʋgẽ y sẽn dabd n na n tɩ reeg n soogã.