Read SEBR SÕNGO, 1998 Yaoolem 7 Bible Online

Yaoolem 7 - SEBR SÕNGO, 1998 bible

Yaoolem 7

¹ [54†] Wẽnnaam, f Soaala, na n wa kẽesa foo tẽng ning f sẽn na n deeg n soogã. Y sã n poog b tẽnsẽ, Soaala na rig n yiis y taoore Ititse, Girgazitse, Amoritse, Kanaã rãmba, Perizitse, Ivitse la Zebuzitse, buud a yopoe neb sẽn yɩɩd foo ne sõor la pãnga.

²F Soaala, f Wẽnnaama, sẽn wat n dɩk-ba n sagl f nusẽ tɩ f zab n tõog-ba, f na kãab b tẽnsa beedo. F kõn yõg zood ne b ye, f kõn bas n ka kʋ ye.

³F kõn sar yikãadem sard ne b ye, f kõn dɩk f bi-pugla n kõ b bi-ribl ye, f kõn deeg b bi-pugla n kõ f bi-ribl ye.

⁴Ka rẽ, b na gɩdg f bi-ribla t'a ka le tũ-m ye. A wat n bas-m lame n na waoog wẽn-naandsa tɩ m sũura wẽneg n fudg, tɩ me yiis-b moog zãnga.

⁵[55†] Ad-y sẽn na n maan buud kãensa bũmb ninga: Wã-y b maan-kuga zãnga, wã-y b kug peesma, kʋʋs-y b raad niyns b sẽn peesd n sennẽ wã, yõog-y b wẽn-naandsã.

⁶[56†] Fo buuda yaa buud sẽn dɩk n kõ Wẽnde, f Soaalã. Yaa foo la Wẽnnaam, f Soaala, welg toore, dũni wã buud a taaba sʋka tɩ f na n lebg b pʋɩɩre.

⁷Soaala yam kẽ yãmba, Israyɛl kamba, tɩ b welg yãmb toore, ka yet tɩ yãmb buuda la bu kãseng dũni wã pʋgẽ ye, tɩ sã n ya sɩda yãmb n paood n yɩɩd fãa.

⁸Soaala wilga b kang pãng n yiis yãmb Ezipt tẽng la b yiis-y Ezipt dĩma yembdẽ, yaa b sẽn nong yãmba bala la pids kãabg ning b sẽn kãab y yaab rãmba.

⁹Reeg, Israyɛl, tɩ yaa Soaala, f Wẽnnaam, bal la Wẽnde, Wẽnd sɩda. B zooda paada ne b sẽn nong b rãmba la sẽn deegd b noya, tɩ yʋʋma tong taab koabg-koabg n ka be sɛɛb ye.

¹⁰[57†] Ned sã n yaool kis-ba, yaa zĩig pʋgẽ bal la b menesd-a. B pa basd tɩ kaoos ye, yaa zĩig pʋgẽ bal la a soab reegd a kisga rolbo.

¹¹M yet-f lame, Israyɛl, tɩ f reeg la f tũ rũnna, noya, gɩdgrã la rog-n-mikã.

¹²Y sã n zãms neere n tũ rog-n-mikã, Israyɛl kamba, y Soaala-Wẽnnaam zooda paada ne yã, la wala b sẽn kãab y yaab rãmbã, b kõn lak n bas yãmb ye.

¹³B sẽn kãab y yaab rãmb tɩ b na n kõ-y-la tẽng ningã, tẽn-kãng pʋgẽ, b na n nong-y lame, n ning-y barka, n kɩt tɩ y buuda fɩɩge, tɩ rogma yalge, tɩ pʋta wom biisi, n kõ koodo, tɩ tɩɩsa wa ne rãam la kaam paalga, tɩ y niis dog y bãgẽ, tɩ y piis rog y wubẽ.

¹⁴Yãmb sẽn na n paam bark ninga na n yɩɩga buud a taaba sẽn paamde. Y nengẽ rao tõogd n lebga ba, tɩ pag lebg ma. Y rũmsa me kõn pa n ka rog ye.

¹⁵Y Wẽnnaama na n zãag-y-la ne bãas buud fãa, ne bã-toos niyns y sẽn da bẽed Ezipt tẽng n ket n tẽrẽ. Y kõn bẽ bã-kãens ye, tɩ b na n yaool fẽeg-b sẽn kis-b yãmbã.

¹⁶[58†] Soaala-Wẽnd sẽn sagl buud niyns fãa y nusẽ, bus nimbãan-zoeere la y menes-ba. Da lʋɩ-y b bẽdgẽ n waoog b wẽn-naandsa ye.

¹⁷Y sã n yeel y sũurẽ: ‹Buud kãensa neba sõor yɩɩda tõndo, d maanda a wãn n deeg b tẽngã n sooge?›

¹⁸Ade, da zoe-y rabeem ye. Tẽeg-y bal Wẽnnaam, y Soaala, sẽn maan ne Ezipt dĩma la ne Ezipt tõre.

¹⁹Tẽeg-y yɛl toodã y meng nif sẽn yãende, tẽeg-y yɛl-bãna sẽn yɩkd pɛlensã, tẽeg-y pãng tʋʋm niyns Wẽnnaam, y Soaala, nus sẽn tʋme, b sẽn waa n na n yiis-y Ezipt tẽnga. Bãng-y tɩ yaa tʋʋm kãens la Wẽnnaam, y Soaala, na n kell n tʋm ne buud niyns yãmb sẽn tẽed tɩ b rabeem tõe n yõk-y lame wã.

²⁰Ad Wẽnnaam, y Soaala, meng n na yiis kãnenkãaga t'a wa menes f bɛɛba, n menes sẽn kell-bã la sẽn solg-b yãmb nifẽ wã.

²¹Da rig-y rabeem ye tɩ Wẽnnaam, y Soaala, bee ne yãmba la bãmb n tar pãng sẽn tõe n yɛɛse.

²²Wẽnnaam, y Soaala, na n diga buud kãens bilf-bilfu, y taoore. Ka vugr bal la y na n dig-ba n yiis ye, ka rẽ we-rũmsa tiigd n lebga wʋsgo tɩ y yãe fare.

²³Wẽnnaam yaool n na n dɩk-b lame n sagl y nugẽ. B na n yɛɛsa wa b sẽn zɩ n yɛɛse, n menem zãnga.

²⁴Y na n tõoga b dĩm dãmba, n menes b yʋʋra saaga tẽngre. Dĩm ba a ye kõn yaas y taoore, tɩ y wa sɛɛs-b zãnga.

²⁵Y na yõog bugum b wẽn-naandsa. Gũus-y n da lʋɩ bẽdgẽ n wa rat n soog wanzurfa la sãnema sẽn kud n tablg-ba ye. Dẽ yaa wɩɩbdo, Wẽnnaam, y Soaala, nengẽ.

²⁶Da saag-y n kẽes y zakẽ bũmb sẽn yaand Wẽnnaam sũur ye, ka rẽ b wat n naaga yãmb ne wẽn-naandã n yõog bugum. Zãag-y y meng ne sãnema la wanzurfã, tɩ yaa wɩɩbdo, yaa bũmb sẽn ka tõe n lʋɩ y soolmẽ.