Read SEBR SÕNGO, 1998 Zozuwe 12 Bible Online

Zozuwe 12 - SEBR SÕNGO, 1998 bible

Zozuwe 12

¹Ad dĩm niyns a Israyɛl sẽn tõog n dees b tẽnsã, Zʋrdẽ rʋʋnd sẽn tees yaanga, Arno kʋɩl bɛɛga tɛk n digd Ermo tãnga la Yamsem Mogra yaang foolle.

²Ad Amoritsa dĩm a Siyõ; a da kẽeda Esbõ, a na-tẽngẽ. A ra soo Aroɛr sẽn be Arno noore, n paas Galaad bogre, n ta Yabok kʋɩl-bɛɛga sẽn ya toaag ne Amonitsã.

³A ra soo Zʋrdẽ bãooga bogr ning sẽn tees yaanga, n paas Zenezarɛt Mogrã, nug goabg sẽnẽ, n ta Yamsem Mogre, Bɛt-Yesimot yegende la Pisga tãng weoogo, nug rɩtg sẽnẽ.

⁴Ad Bazã dĩm a Og, Refayitsa buuda nin-yend sẽn kell moogo, a da kẽeda Astarot la Edreyi.

⁵[22†] Yẽ me ra soo Ermo tãnga ne Salka la Bazã tẽn-peelma zãng n ta Gesuritsa la Maakatitsa toaaga, n paas Galaad bogra sẽn kelle, n tekd Esbõ dĩm a Siyõ toaagẽ.

⁶[23†] A Moyiiz ne Israyɛl tãb-biisa da reng n tõoga dĩm bãmb b yiibu. Wẽnd tʋʋm-tʋmd a Moyiiz da rɩka b soolma n kõ a Rubẽ, a Gad la a Manase bogrã.

⁷Ad tẽns niyns a Zozuwe ne Israyɛl kamba sẽn pãb n deeg Zʋrdẽ rʋʋnde, nin-taoore, Baal-Gad sẽn be Libã bãg-faagẽ n ta Alak Tãng sẽn lug Seyir sẽnẽ. A Zozuwe pʋɩ-la b tẽnsã n kõ a Israyɛl buud fãa a rẽnna.

⁸Tẽn-bãmb ra luga ne tãmse bɩ n yɛdg bãado. Le yaa Zʋrdẽ bãg-faaga, ne kunkubã, we-raoogã sẽn kõsd nug rɩtgã. Ra yaa Ititse, Amoritse, Kanaã rãmba, Perizitse, Ivitse la Zebuzits tẽnse.

⁹Dĩm niyns a Zozuwe sẽn tõog la woto: Ad Zeriko dĩm la Ayi dĩma. Ayi pẽe Betɛl.

¹⁰Ad Zerizalɛɛm dĩma, ad Ebrõ dĩma

¹¹Ad Yarmut dĩma, ad Lakis dĩm.

¹²Ad Eglõ dĩm, ad Gesɛr dĩma

¹³Ad Debir dĩma, ad Gedɛr dĩma.

¹⁴Ad Orma dĩm, ad Arad dĩma.

¹⁵Ad Libna dĩm, ad Adulam dĩma.

¹⁶Ad Makeda dĩm, ad Betɛl dĩma.

¹⁷Ad Tapua dĩm, ad Efɛr dĩma

¹⁸Ad Afɛk dĩm, ad Lasarõ dĩma

¹⁹Ad Madõ dĩma, ad Asor dĩma.

²⁰Ad Simrõ-Merõ dĩma, ad Akesaf dĩma

²¹Ad Taanak dĩma, ad Megido dĩma.

²²Ad Kedɛs dĩma, ad Karmɛl tãng zug dĩm a Yokneam.

²³Ad Dor tãn-sɩlẽnga dĩma, Goyim dĩma, Galile yegende

²⁴Ad Tirsa dĩm: b zãng fãa yaa pis-tã la a ye.