Read SEBR SÕNGO, 1998 Zozuwe 19 Bible Online

Zozuwe 19 - SEBR SÕNGO, 1998 bible

Zozuwe 19

¹Poeera sẽn poeese, pʋɩɩr a yiib soaba yɩ-la a Simeõ roog rẽnna. A Simeõ rooga pʋɩɩra ra bee a Zɩɩda rẽnda sʋka.

²Ad tẽns niyns sẽn lʋɩ b pʋɩɩrẽ: Beerseba, Seva, Molada,

³Asar-Sual, Baala, Esem,

⁴Eltolad, Betul, Orma;

⁵Siklag, Bɛt-Markabot, Asar-Susa;

⁶Bɛt-Lebaot, Sarwen: tẽns piig la a tã ne b tẽn-toose.

⁷Ayin, Rimõ, Eter, Asã: tẽns a naas ne b tẽn-toose.

⁸[37†] Paasda tẽn-bõonesa fãa sẽn yegd-bã n ta Baalat-Bɛr la Ramat-Negɛb. Dẽ n yɩ a Simeõ roog pʋɩɩre.

⁹B sẽn kẽe a Zɩɩda soolmẽ n bẽeg n kõ a Simeõ kambã, yaa a sẽn da ya yaleng wʋsga yĩnga. Yaa rẽnd me yĩng la a Simeõ kamba pʋɩɩr waa n tɩ be a Zɩɩda soolma sʋka.

¹⁰Poeera sẽn poeese, pʋɩɩr a tãab soaba yɩ-la a Zabulõ roog rẽnna. B soolma ra tẽeg n taa Sarid.

¹¹Nin-taoore b toaaga teesa Marala n digd Dabesɛt la kʋɩlga sẽn zoet Yokneam taoore.

¹²Yaanga a yita Sarid n tat Kislot-Tabor, n teesd Daverat n dʋʋd Yafia.

¹³A yita be n ket n digd yaanga, n digd Gat-Efɛr la Et-Kasin, n yi be n tees Rimõ n gõdgd Nea.

¹⁴Nug goabga a gilgda Annatõ n tekd Yifta-Ɛl.

¹⁵Sã n paas Katat, Naalal, Simrõ, Yidala, Bɛtelyɛɛm, yaa tẽns piig la a yiib ne b tẽn-toose.

¹⁶Woto n yɩ a Zabulõ roog pʋɩɩre, a tẽns la b tẽn-toose.

¹⁷Poeera sẽn poeesã, pʋɩɩr a naas soaba yɩ-la a Isakar rooga rẽnna.

¹⁸B soolma tẽeg n taa Zizreyɛl la ad-b tẽnse: Kesulot, Sunem;

¹⁹Afarayim, Siyõ, Anaarat,

²⁰Rabit, Kisyõ, Ebes,

²¹Remet, Eyin-Ganim, Eyin-Ada, Bɛt-Pasɛs

²²Toaaga ra sɩɩsda Tabor, Sasayim, Bɛt-Semɛs la Zʋrdẽ: tẽns piig la a yoobe ne b tẽn-toose.

²³Woto n yɩ a Isakar pʋɩɩr, a tẽns ne a tẽn-toose.

²⁴Poeera sẽn poeese, pʋɩɩr a nu soaba yɩ-la a Asɛr rooga rẽnna.

²⁵Ad-b soolma tẽnse: Elkat, Ali, Beten, Akesaf,

²⁶Alamelɛk, Amad, Misal, nin-taoore a yegda Karmɛl la Sior-Libnat.

²⁷Yaanga a rigda Bɛt-Dagõ n tãagd Zabulõ la Ifta-Ɛl sudga, nug goabga, n paas Bɛt-Emɛk, Neyɛl la Kabul.

²⁸A ra tak n digda Abdõ, Reob, Amo, Kana, n tat Sidõ tẽn-kãsenga.

²⁹Toaaga gõdgda be n tees Rama n tat Tir tãnsoben-doogo, n tat Osa, Maalab, Akzib,

³⁰Um, Afɛk, Reob n tat Tẽnsʋk Mogrã. Yaa tẽns pisi la a yi ne b tẽn-toose.

³¹Woto n yɩ a Asɛr roog pʋɩɩre, a tẽns ne a tẽn-toose.

³²Poeera sẽn poeese, pʋɩɩr a yoob soaba yɩ-la a Neftali roog rẽnna.

³³Nug rɩtgo b toaaga yita Elef, n yegd Saananim kʋka n tees Adami-Nekɛb la Yabneyɛl n tat Lakum la Zʋrdẽ.

³⁴Nin-taoore toaaga pɩʋʋga Aznot-Tabor, n sɩɩsd Ukok la a Zabulõ soolem, dɩtgo, n basd Asɛr nin-taoore, n basd Zʋrdẽ, yaang sẽnẽ.

³⁵Tãnsoben-tẽnsa ra yaa Sidim, Ser, Amat, Rakat, Kinerɛt,

³⁶Adama, Rama, Asor,

³⁷Kedɛs, Edreyi, Eyin-Asor,

³⁸Yirõ, Migdal-Ɛl, Orem, Bɛt-Anat, Bɛt-Semɛs, tẽns piig la a wɛ ne b tẽn-toose.

³⁹Woto n yɩ a Neftali roog pʋɩɩre, b tẽns la b tẽn-toose.

⁴⁰Poeera sẽn poeese, pʋɩɩr a yoob soaba yɩ-la a Dã roogo rẽnna. Ad-b soolma:

⁴¹Sora, Estaol, Ir-Semes,

⁴²Salabim, Ayalõ, Yitla,

⁴³Elon, Timna, Ekrõ,

⁴⁴Elteke, Gibetõ, Baalat

⁴⁵Yeud, Bene-Berak, Gat-Rimo;

⁴⁶Yarkõ kʋɩlga, Rakõ la Zafa tẽn-peelem.

⁴⁷[38†] A Dã kamba soolem ka leb-b zãng ye. Dẽ la b tɩ tak zabr ne Lesem la b sẽn tõog-ba b kooda b neba fãa. B kẽe tẽngã. La b teka a yʋʋrã tɩ lebg Dã, b yaaba yʋʋre.

⁴⁸Woto n yɩ a Dã roog pʋɩɩre, b tẽns la b tẽn-toose.

⁴⁹Tẽnga pʋɩɩb sɛɛ woto. Israyɛl kamba kõ-la a Nun biig, a Zozuwe, a pʋɩɩr, bãmb sʋka.

⁵⁰B tũu Naaba-Wẽnd daabo n kõ a Zozuwe a sẽn da kos tẽng ningã, Timnat-Sera, Efrayim tãnga zugu. A Zozuwe le maneg m mee tẽngã n kẽ.

⁵¹Yaa woto la Silo tẽnga, sɛka Roog noore, Wẽnnaam taoore, maan-kʋʋd a Elazar, a Nun biig, a Zozuwe, la kãsem-dãmbã sok Naaba-Wẽnd n bãng buud fãa ne a pʋɩɩre. Yaa woto la pʋɩɩra sɛ yã.