Read SEBR SÕNGO, 1998 Zozuwe 21 Bible Online

Zozuwe 21 - SEBR SÕNGO, 1998 bible

Zozuwe 21

¹Levitsa sags kãsem-dãmb waa n yãenda maan-kʋʋd, a Elazar, la a Nun biig a Zozuwe, la a Israyɛl buud kãsem-dãmbã,

²[40†] dẽ tɩ b be Silo, Kanaã tẽnga, la b yeelame: «Wẽnd togsa a Moyiiz tɩ b kõ d tẽns d sẽn na n kẽ, la zĩis d sẽn na n wãben d dũmsi.»

³Yaa woto la Israyɛl kamba tũ Wẽnd daabo n kẽ b soolmẽ n yãk tẽns kẽere la rũms wãbneg zĩisi n kõ Levitsã.

⁴Ad tẽng ning poeera sẽn kõ Keyatitsa roogo. Levitsa kẽere, maan-kʋʋd a Aarõ kamba, paama tẽns piig la a tãabo a Zɩɩda, a Simeõ la a Bẽnzame tẽn-peelmẽ.

⁵A Keyat kamb a taaba paama tẽns piig a Efrayim, a Dã la a Manase bogra soolmẽ.

⁶B kẽ-la a Isakar, a Asɛr, a Neftali la a Manase bogr a to wã soolmẽ n yãk tẽns piig la a tãabo n kõ a Gersõ kambã.

⁷B kẽ-la a Rubẽ, a Gad la a Zabulõ soolmẽ n yãk tẽns piig la a yi a Merari kamba yĩnga, wala b sõora sẽn da tog ne.

⁸Wala Wẽnd sẽn da wilg a Moyiiz, Israyɛl kamba kõo Levitsã tẽns la rũms wãbneg zĩisi, ned kam fãa wala Naaba-Wẽnd sẽn leok a yĩnga.

⁹Tẽns niyns b sẽn yãk a Zɩɩda la a Simeõ soolmẽ tɩ na n yɩ tẽn-kẽedse la wãbneg zĩisi, la woto:

¹⁰B kõ-b-la Keyatitsã, a Levi kamba, a Aarõ yagense, tɩ poeera sɩnga ne bãmba.

¹¹Ad-b sẽn paame: Kiriyat-Araba, ne a wãbneg zĩisi, Zɩɩda tãnga zugu. Kiriyat-Araba yaa Ebrõ. A Araba yɩ-la a Anak ba.

¹²A Yefune biig, a Kalɛb, n paam pʋtã la tẽn-bõonesã,

¹³tɩ maan-kʋʋd a Aarõ kamba deeg n na n maan nin-kʋʋdsa soondg tẽnse la rũmsa wãbneg zĩisi, Ebrõ, Libna,

¹⁴n paas Yatir, Estemoa,

¹⁵Olõ, Debir,

¹⁶Asã, Yuta, Bɛt-Semɛs. Yaa tẽns a wɛ la b paam buud a yiiba soolmẽ.

¹⁷A Bẽnzame soolmẽ b paama Gabaõ, Geba, ne b wãbneg zĩisi,

¹⁸Anatot, Alemet: tẽns a naase.

¹⁹Zãng fãa yaa tẽns pĩig la a tãabo la a Aarõ yagens paam yã. Naaga ne wãbneg zĩisi.

²⁰Yɩ-la a Efrayim soolmẽ la b yãk tẽns n kõ a Keyat yagense. Poeesame n kõ bãmb tẽns sẽn be a Efrayim tẽn-peelmẽ.

²¹B kõ-b-la Sikɛm ne a wãbneg zĩiga, Efrayim tãnga zugu n paas Gezɛr,

²²Kibsayim, Bɛt-Orõ ne b wãneg zĩisi: tẽns a naase.

²³A Dã soolmẽ yɩɩ Elteke, Gibetõ, tẽns a naase.

²⁴Ayalõ, Gat-Rimo ne b wãbneg zĩisi.

²⁵A Manase bogr a ye soolmẽ, Taanak, Yibleam ne b wãbneg zĩisi: tẽns a yiibu.

²⁶Fãa gill yaa tẽns piig ne b wãbneg zĩis la b kõ a Keyat kamba sẽn da kelle.

²⁷A Manase bogr a to wã soolmẽ, b kõ-la a Gersõ kamba, Levitsã, Golan sẽn be Bazã n paas Besetera, ne b wãbneg zĩisi: tẽns a yiibu.

²⁸A Isakar soolmẽ b kõo Kisyõ, Dabrat,

²⁹Yarmut, Eyin-Ganim, ne b wãbneg zĩisi: tẽns a naase.

³⁰A Asɛr Soolmẽ, Misal, Abdõ:

³¹Elkat, Reob, ne b wãbneg zĩisi: tẽns a naase.

³²A Neftali soolmẽ, Galile Kedɛs sẽn ya soondg tẽnga, ne Amot-Dor, Kartã ne b wãbneg zĩisi; tẽns a tã.

³³A Gersõ kamb tẽnsa zãng yaa Piig la a tã ne b wãbneg zĩisi.

³⁴Levitsa sẽn kellã, a Merari kamba, b kẽ-la a Zabulõ soolmẽ n yãk Yokneam, Karta,

³⁵Dimna, Naalal ne wãbneg zĩisi: tẽns a naase.

³⁶Zʋrdẽ rʋʋnd yaanga, a Rubẽ buud soolmẽ b kõ Besɛr n paas Yaas,

³⁷Kedemot, Mefaat ne b wãbneg zĩisi: tẽns a naase.

³⁸Gad dãmb soolmẽ, Ramot-Galaad sẽn ya soondg tẽnga, Maanayim,

³⁹Esbõ, Yazɛr ne wãbneg zĩisi: tẽns a naase.

⁴⁰A Merari yagens kamb a taaba zu-nooga pʋɩɩr zãnga yɩɩ tẽns piig la a yiibu.

⁴¹Dɩlla Levitsa sẽn paam tẽns a Israyɛl kamb a taaba sʋk yaa pis-naas la a nii ne b wãbneg zĩisi.

⁴²Sã n gom tẽng yell fãa naagdame n gom wãbnega zĩig sẽn da gũbga wã. Yɩɩ boto ne tẽng fãa.

⁴³Yɩɩ woto la Wẽnd pids b sẽn da kãab a Israyɛl. B kõ-b-la tẽnga zãnga. B sɩd deeg-a lame n kẽ.

⁴⁴Wẽnd kõ-b-la laafi b tẽn-peelmẽ wala b sẽn da kãab b yaab rãmba la bɛ ba a ye ka yals b taoore ye. Wẽnnaam dɩka b bɛɛba fãa n sagl b nusẽ.

⁴⁵Kãobg noog ning fãa Naaba-Wẽnd sẽn da kãab a Israyɛl doogo, ba a ye ka pa n ka pids ye. Fãa taasame.