Read Sabu ROMA 7 Bible Online

ROMA 7 - Sabu bible

ROMA 7

¹Wo tuahhu-tuahhu ya! Tuahhu he hari-hari do tada ke jhara lua uku ne. Hakku do toi ke ri mu ne higa ngati uku ne panaja nga heddau ddau, do nara ta pedute nga do muri mada ko ne ddao do napoanne.

²Heddau mobanni do nga ddau pa hedhapa ko, do akke ko no ri uku ki do muri ko ne ddau pa hedhapa no ne. Jhe kinga made ne ddau pa hedhapa no ne, moko ne mobanni do naanne do balla kattu ke ngati uku do akke no nga ddau pa hedhapa no ne.

³Ki aggu momone do wala ne mabanni do naanne nga era ko ne ddau pa hedhapa no ne, moko ne mobanni do naanne do pale ta do kenyo langa huka ke. Tapulara kinga do alla ke pemade ne ddau pa hedhapa no ne, moko pedutu nga uku, ne mobanni do naanne do balla kattu ke. Jhe kinga banga-ammu ri no nga momone do wala, moko adho ke no do kenyo langa huka.

⁴Mina harre lema ke ne jhara lua mu. Wo Tuahhu-tuahhu ya. Penaja nga uku aigama Yahudi, do alla ke mu pe made, ri do alla ke mu peujhu ta hekeradde nga Kristus, jhe do jadhi ke mu ta do unu ri Kristus, do alle ke pepemure bhale wari ngati dhara made mada. Do pemure ke No ngati dhara made mada, mita ie ke di ta era nga guna tu Deo pa dhara muri mada di.

⁵Rowi pa uru he ne muri mada di, do muri mada ko di pedute ne wue-wue ddau raiwawa ne. Pa dhara awe naanne ne lua ddhei-lua ddhei di do tobo ri lubhu harro nga menyilu ne, ne do muri taga tari do era ke ne uku aigama ne, do takke pekerihe ri di pa dhara ngi'u di. Ri napoanne ke hakku ta tao ke ri di ne lai-lai do ne pa pedakka rahi ne lua made mada.

⁶Tapulara pa awe nadhe adho ke di do akke ri, ri uku aigama Yahudi ri. Alla ke di pemade panaja nga uku do pa uru he do pereda ko pa di. Adho ke di do pa wawa-ai nga do pake ko ne loro jhara do dui ne, do pedute uku do hure do bhuke ne. Pa awe nadhe do pedute ke ri di ne loro jhara do wowiu ne do pejhujhe ri Henga Deo ne pa di.

⁷ Ki do mina harre ke, ne nga ke ne do nara ta pale ri di? Ta do apa nga kerewe ke ne uku aigama Yahudi ne? Bhara tatu do adho mina harre. Tapulara ri uku do naanne ke ne do ajhe ya jhara lua lubhu harro nga menyilu. Adho ri ya do medae ta toi ne nga ne do lii ta lala nga hopa ne, kita adho he do pale ri uku aigama ne, ”Bhole rihi lala nga hopa.”

⁸Ngati uku aigama ne, lubhu harro nga menyilu ne nara loro jhara tu ta pehhau hari-hari worawwu lua ddhei do rihi lala ne pa dhara ade ya; rowi ki adho ke do era ne uku ai gama ne, moko lubhu harro nga menyilu ne, ta made he le ma ke.

⁹Do uru he ya do muri mada nga do dho bhule uku aigama. Tapulara ta dhai ta era uku ai game ne, do ti petari ne pedabbho ne tu ta wie muri mada, tapulara ju ta pe nahho we ne

¹⁰lua made mada ne tu ya.

¹¹ Rowi lake jhara uku aigama ne ke, ne nara loro lubhu harro nga menyilu ne, ta pelue nga ta pemade ya.

¹²Uku aigama dakka ngati Deo, jhe lipereda ne nga we pa dhara uku do naanne do dakka ngati Deo lema, hakku do mola do mira nga do woie.

¹³Nah, ne nga ke ne lua pedabbho do nadhe, ti do woie ne ke ne pedubhe ne lua made ma da ne tu ya? Bhara tatu ta adho. Lubhu harro nga menyilu ke ne do pedubhe ne lua made mada ne. Nga pake ne lai do woie ne ke, ne pedubhe ri lubhu harro nga menyilu, ne lua made mada ne tu ya, mita teleo ke ne wue-wue lubhu harro nga menyilu ne. Pelake jhara lidara-lidara Deo ke, ta peteleo ke ne do mina mii ne woapa lubhu harro nga menyilu ne.

¹⁴Do toi ke ri di ma ta do ne uku aigama Yahudi ne do dakka ngati Henga Deo; tapulara ya dhe ddau raiwawa do keloe. Do alle ke ya pejhole ta naannu ri lubhu harro nga menyilu.

¹⁵ Rowi ya le miha tada dho ke ne wui-ai wui tao ya. Lai-lai do ddhei ta tao ri ya, jhagge dho ke ri ya; tapulara lai-lai do dho ddhei ta tao ri ya, na harre ke ne do tao ri ya.

¹⁶Nah, kinga jhagge ke ri ya ne lai-lai do pehihu nga lua ddhei ya, napoanne teleo ke ta do hamme ri ya ne uku aigama Yahudi ne ta do woie.

¹⁷Hakku, adho ke ya ne do petu ne do tao ne, tapulara lubhu harro nga menyilu do pereda pa ngi'u ya ke ne.

¹⁸Do toi ke ri ya ma ta do bhule dho hahhi he pa dhara ngi'u ya do era ri do woie, do pa dhara wui-ai wui-tao ya do mii ddau raiwawa ne. Ro wi do era ma ne lua ddhei ne pa dhara ya ta tao ne lai do woie ne, tapulara nara do ri ya ta pekako ne do naanne.

¹⁹Tao dho ri ya ne do woie ne, mii do ddhei ta tao rowi ya, ne do tao ri ya lai-lai do woapa ne we, do ne pa petu ne do dho ddhei ta tao ri ya.

²⁰Kinga tao ke ri ya ne lai-lai do dho ne ta tao ri ya, napoanne ne pa petu ne adho ke ya ne do tao ne lai-lai do na harre, tapulara lubhu harro nga menyilu ke ne do pereda pa ngi'u ya.

²¹Hakku kita kewahho peheatte ke ri ya, uku do nadhe ke ne do rihi rui; kinga ddhei ke ya ta tao ne do woie ne, moko wata ke do woapa ne we, ne do dubhu ngati ya.

²²Ne ade nga penge ya do ddhei nga uku do ngati Deo ne,

²³tapulara do toi ri ya pa dhara ngi'u ya do era ri ne uku do wala ne do rihi rui — hahhi uku do pewala ngati uku do hamme pa uku nga mmau dhara ya. Ri naanne ke ne do akke ya pa uku lubhu harro nga menyilu do pee ta do rihi rui pa dhara ngi'u ya.

²⁴Nah, do mina hedhe ke ne jhara lua ya: do pedu te ri ya ne uku do ngati Deo ri uku nga mmau dhara ya, tapulara ne wue ya mii ddau raiwawa ne, ya do pa dhara wawa-ai lubhu harro nga menyilu. Ya dhe do dhai ha'i nga bhangi tarra. Nadu ke ne do ruba dhara ta ma ma'e ma gole ya ngati ngi'u do nadhe, do nune do pera'o ya dhe la dhara lua made mada? Kolo lii ie nga ae ne peha'e ri ya pa Deo! No ke ne do wae ta ma'e ma gole ya do pelake jhara Yesus Kristus.