Read Sabu 2 KORINTUS 13 Bible Online

2 KORINTUS 13 - Sabu bible

2 KORINTUS 13

¹ Na dhe tu pa do ketallu wari ke ya ne dakka ma nga mu. Pa dhara Buku Lidara-Likewahhu Deo do era do hure do bhuke, ”Lua kewallu do mina we do jhamma ke ta perue ri lilolo do dhue kiadho do tallu ddau hakahi, jhe itu nara ne kewallu do naanne ta hamme ta do petu.”

²Ne ddau-ddau do pa awe do ludu he, do alla ke petao lubhu harro nga menyilu nga hari-hari ddau do wala he, do alla ke ri ya pepehewia pa awe do la heahu he mu ri ya pa do wala he, do alla ke ri ya pepehewina pa awe do la heahu he mu ri ya pa awe do kedhue wari ne. Pa awe nadhe, pa dhara nga jjau dhe ko ya ngati mu, ta pehewina wari ke mu ri ya, kinga dhai ke ya ta dakka ri, bhule dho ke heddau he ti telora mu do medae ta ludu ngati lua wolo.

³Moko do medae ma mu ta nara hari-hari ne telia ta do tarra-tarra do alla ke Kristus pepedai lii pelake jhara ya. Kinga dhai ke Kristus ta penaja nga mu, adho No do medae ta koe-koe ri, do medae ta pedhelo ri No ne kuaha No pa telera mu.

⁴Do tarra pa awe ta ketoe peabbha-rappa ne No, do rogho-do keloe No, tapulara pa dhara awe nadhe do muri ke No ri kuaha Deo. Jhi lema do rogho-do keloe pa dhara muri mada jhi do peheujhu-headde nga Kristus, tapulara ki penaja hedhapa ke nga mu, moko jhi lema do ta rui ta kedi mii Kristus ri kuaha Deo.

⁵Hakko ko ri mu ta pereha ne ngi'u mu miha, do muri mada tarra ke mu pa dhara lua muri mada do parahajha pa Kristus! Do tatu ke ta do toi ri mu, ta do Kristus do era pa dhara mu! — do wala ri ne lai ne, ki do tarra mu ta do parahajha tarra-tarra.

⁶Ne henao ri ya do nara ke ri mu ta tada jhi he dhe ta adho jhi hedhe ta ddau do makka taha uji.

⁷Hebhajha jhi pa Deo, ki ie mudhe he ta wae No ta ruba dhara nga mu mita do dho tao hala ri. Adho tu ta pedhelo pa mu ta do jhi hedhe ta do mmau dhara pa dhara pekako ne tenge jhi, tapulara mita jhagge ri mu ne lua ddhei Deo, maji lema jhi ki heleo mii ddau do dho jhagga nga-nga he, bhule dho ta nga-nga.

⁸Rowi nara dhi ta tao ne nga we do pehihu nga do petu ne, do petu ne we ri jhi.

⁹Do mengallu dhara jhi ki nga keloe jhi, jhe mu jadhi ta do rui do kedi. Hebhajha lema jhi mita jadhi mu ta keteme.

¹⁰Rido mina harre ke hakku tu ya ta bhuki ne huir do nadhe nga do dho era dae ya pa telora mu. Jhe ri do mina harre ke, kinga dakka ya hine, tenge dho ke ya ta rihi ri ne heggarri penaja nga mu, nga pake ne kuaha do wie ri Muri ne pa ya. Ne kuaha do naanne ne wie tu ta perui mu, adho tu ta pemae-tebho-ttei mu.

¹¹Pedakka rahi, Tuahhu-tuahhu, do jhamma ke mu ta mengallu dhara, jhe la'a rui we mita jadhi ta keteme. Hamme henate we hari-hari ne lira'a-litak ka ya. Do jhamma ke mu ta era pa dhara hewue nge danni-ade nga muri mada pa dhara lua penau-penadhe. Deo do Mone Rihi Wiki hajha nga ddhei ne nga Mone Pedhuri-pemira ne, ne do medae ta penau-pelere nga mu.

¹²Pelangu we mu heddau nga heddau nga lua pehajha peddhei mii tuahhu do Herani hela'u he. Hari-hari annu-niki Deo, do moa lipelangu tu mu.

¹³Muri di Yesus Kristus ne do wie lua tarro ie nga menyarro mangngi tu mu, Deo do hajha do ddhei penaja nga mu, jhe Henga Deo do penau-pelere nga mu hari-hari! Lipelangu ngati jhi, Paulus