Read Sabu GALATIA 6 Bible Online

GALATIA 6 - Sabu bible

GALATIA 6

¹Tuahhu-tuahhu! Kinga ngadde ke heddau do tao lubhu harro nga menyilu, do jhamma ke mu do muri mada pa dhara pedute Henga Deo ne, ta arre ne kattu ddau do naanne mita bhale no la loro jhara do do petu. Tapulara ne tao ri mu ne lai do naanne, tao nga lumu nga majho, jhe jaga mita do dho riju le mu.

²Do jhamma ke mu ta perabha-pedharru pa dhara dhui-hape bhara dhui-hape ddau, mita ri mina harre ke, do pedhanno ke mu nga lipereda Kristus.

³Kinga penge ri heddau ne ngi'u no ta do rihi ngati do wala he, jhe ne pa petu ne do adho, moko no dhangnge ma miha ne do pelue ne ngi'u no.

⁴Heddau-heddau do jhamma ke ta pereha miha ne wui-ai no, do woie we do woapa. Ki do woie, do ie ke no ta balla dhara kodo penaja nga lai do naanne. Tapulara tenge dho ri no ta penono nga ne nga ne do tao ri ddau do wala.

⁵Rowi heddau-heddau do ta dhue hape miha ma penaja nga hari-hari do tao ri no.

⁶Ddau do hammi liajha Kristus, do jhamma ke no ta pebhagi nga guru no, hari-hari ne nga ne do woie do era pa no.

⁷Bhole lu ri. Adho Deo do nara ta pemange-mange! Ne nga ne do kojhe ne, na anne lema ne do ta ghatto ne.

⁸Ki ddau do kujha do pedute nga wue ddau raiwawa ne do medae ma ri no ta ghatto lua made ngati wui-ai wui-tao no do naanne. Tapulara ki do kujha no pedutu nga lua hewai-hewewe Henga Deo, do medae ma ri no ta ghatto ne lua muri mada do petu nga do peloro ne ngati Henga Deo.

⁹Rowi do mina harre ke, bhole gaha-bhole bhenya we di ne tao lai-ali do woie, rowi ki do dho pengaha ke di ne tao lai-lai do na harre, hewari do medae ma ri di ta pue nga ghatto ne wue nga wila ne.

¹⁰Hakku nga era ko ne awe ne pa di, do jhamma ke di ta tao do woie pa hari-hari ddau, rihi-rihi pa tuahhu-tuahhu do hela'u lua manno nga kaho he.

¹¹Pereha ko we nga woie-ie ne do bhuke ri ya miha ne do nadhe, do bhuke ri lete-lete do mone-ae.

¹²Ne ddau-ddau do ddhei ta pekerihi-anni ri lai-lai raiwawa dhe, ro ke ne do petadi ta pehahhi mu, ta pedutu ne lua dara ngutu ne. Tapulara hakku tao ro mina harre mita do dho dede nga dhaba we ro ri do Yahudi taga tari ajhu ketoe Kristus ne.

¹³Ddau-ddau do pedutu lua dara ngutu he lema adho do pe ko ne uku aigama ne. Tapulara ro do ddhei mita dara ngutu mu, mita nara ro ta latta-anni taga tari do pedute ri mu ne lai do naanne.

¹⁴Tapulara ddhei tu-tu dho ya ta laje ie ta ne nga we, wala ngati Muri di Yesus Kristus do alla pemade pa kolo ajhu ketoe ne, moko ri do mina harre ke bhule dho ke nga guna nga-nga ri raiwawa do nadhe pa ya. Jhe penaja nga raiwawa do nadhe, hala dho ke ya mii do alla ke pemade.

¹⁵Dara ngutu nga do dho dara ngutu adho ke napoanne do jadhi ta hahhi lai ri. Ne do rihi paralu wata ke jadhi ta ddau raiwawa do wowiu ne ke.

¹⁶Tu ddau-ddau do nga lua tada do mina harre, jhe mina harre lema hari-hari annu-niki Deo, ne henao ri ya, Deo do medae ta wie ne lua mengallu nge nga kehaka dhara nga lua ruba dhara No.

¹⁷Jhe rihi ri ti naanne, bhole era ri heddau he, ta pehedue ya ri, rowi pa ngi'u ya do era ke ne tada-tada, ta do ya dhe ddau pedute kerakki Yesus.

¹⁸Ki ie mudhe he, Muri di Yesus Kristus, era loro ne wie ne lua tarro-ie nga menyarro mangngi tu Tuahhu-tuahhu he. Amin. Lipelangu mahu jhi, Paulus