Read Sabu TITUS 2 Bible Online

TITUS 2 - Sabu bible

TITUS 2

¹Tapulara au, Titus, do jhamma ke ri au ta ajha ne liajha do petu ne.

²Takka lii we pa momone do weka he mita ie ro ta taha ngi'u ko, do tobo ri uku nga mmau dhara, jhe muri mada ta mii ddau do jhamma ta takka pekerihi. Do jhamma lema ta parru pa liajha do petu do ngati Deo ne, pehajha-peddhei do petu-petarra nga do halla-anni pa dhara lua hedui-herui.

³Mina harre lema, do jhamma au ta takka lii pa mobanni-mobanni do weka he mita ie ne wue muri mada ro do penau nga ne nga ne do jhamma tu ddau do petone ne muri mada tu Deo. Adho ro do ie ta kara ta menihi ddau, jhe adho do kepie-keparre nga nginu mawo. Do jhamma ro ta ajha ne lai-lai do woie,

⁴jhe ri do mina harre ke, nara ke ta ajha ri ro ne ana-ana mobanni do ngarru tu ta hajha ta ddhei nga ddau pa hedhapa ro nga ana-ana ro,

⁵jadhi ta mmau dhara, muri mada nga mmau nga megala, jadhi ta heddau ina do i'a ha'u dhara-ammu nga kemali no nga woie, jhe do pedhanno nga ddau pa hedhapa no. Jhe nga mina harre ke, bhule dho ke ddau do nara ta kare ne lii do ngati Deo ne.

⁶Mina harre lema, takka lii we au pa ana-ana do ngarru mita jadhi ro ta do mmau dhara.

⁷Pa dhara hari-hari lai, do jhamma ke au ta jadhi telia pa dhara wue muri mada do woie. Ki nga wie ri au ne liajha, do jhamma au ta henar ru nga petarra-tarra.

⁸Pake we ri au ne lipedai do dhai pekatta, do dho na ra ta kare ri ddau, mita ie ne ihi muhu-ihi lawa au jadhi ta mekae dhara, rowi bhule dho ne lai-lai do woapa do nara ta pedae ri ro jhara lua di.

⁹Hari-hari naannu do jhamma ke ta pewawa-anni pa muri ro, jhe pemengallo ne dhara no, pa hari-hari lai. Ie dho ro ta pebhata,

¹⁰kiadho ta mena'o. Do jhamma ke ro ta pedhelo loro ne wue do woie nga do henarru, mita ri wue muri mada ro do mina harre, do ta puji ke ri ddau ne liajha jhara lua Deo, Mone ma'i-Mone golo di ne.

¹¹Rowi do alle ke ri Deo, pepedhelo ne lua ruba dhara No ne, tu ta pehelama hari-hari ddau pa danni raiwawa dhe.

¹²Ri lua ruba dhara Deo ke ne do pejadhi di mita ie di ta muri mada nga do dho pelawa-petaddhu nga lua ddhei Deo, jhe do adho ke do pedute ne lua ddhei raiwawa do nadhe. Do ajha ke di ta muri mada pa danni raiwawa do nadhe nga i'a jaga ngi'u, henono henarru jhe halla-anni pa Deo.

¹³Pa dhara awe nadhe hee ke di pa dhara nga mate ne Lodho do ta mate-mate ne ri di, pa dhara Lodho do naanne ke, do medae ke ta ngadde ri raiwawa ne lua dhida nga kolodo Yesus Kristus, Deo do rihi dhi da nga medera ne, nga Duae Mone ma'i-Mone golo di.

¹⁴ Do alle ke ri No pejhole ne ngi'u No tu ta jadhi ki'i para manu hiba tu di, tu ta peballe kattu di ngati hari-hari lua apa nga kerewe jhe pejadhi di ta hekejie annu-niki do ludu ke ngati lubhu harro nga menyilu jhe jadhi ta unu-oha No we, do mappe ta tao lai do woie.

¹⁵Ajha we ri au hari-hari ne napoharre jhe takka lii we, jhe lii pa ro do dhanno do tenae au do nga higa do tobo ne. Bhole era ie ta heddau he do bhahhe au ta do dho bhule nga kebhue.