Read Sabu WAHYU 20 Bible Online

WAHYU 20 - Sabu bible

WAHYU 20

¹Ta alla pemina harre ta ngadde ke ri ya heddau naju Deo do puru ngati era do mmau do megala. Pa ruai no do nga parru kuhi ro'a made mada nga hewue tuki do mone-ae.

² Moko ta kappe ke ri no ne debhoho ne, debhoho weka — do dho wala ke ngati Wango ne kiadho Henga Apa nga Kerewe ne — jhe petuke no tade hetabbha bhue ttau ne tui.

³Ta alla pemina harre ta nabhe ke ri naju Deo do naanne ne debhoho ne la ro'a made mada ne, jhe helote ne ro'a do naanne jhe pahe ri hege, mita do nara ri ne debhoho do naanne ta la pelu ne ddau rai-ddau rai nga do dho alle dae ne awe do hetabbha bhue ttau ne. Ki alla ke penaanne, do jhamma ke ne debhoho ne ta gole ko pa dhara hemelila he ne awe.

⁴ Moko ta ngaddi ke ri ya ne kedera-kedera he, nga ddau-ddau do mejaddhi pa dhida kedera do na harre do wie ke ne kuaha tu ta pehappo hala. Ta ngaddi lema ke ri ya ne hemanga-hemanga ddau-ddau do alla peatta kattu he taga tari do pelebe ri ro ne lii jhara lua Yesus, nga do pemenyabbhe ri ro ne litakka do ngati Deo ne. Ne ddau-ddau do na harre adho do wie hu nga mejura pa bhada ne mina harre lema pa wewo-worawwu bhada do naanne do petito ri ddau he. Adho le ma do ngaddi ta hammi ne tada ngati bhada do naanne pa tanga-rrei kiadho pa ruai ro. Moko ta muri bhale wari ke ro jhe pereda mii duae he jhe pereda hela'u-la'u mii Kristus pa dhara hetabbha bhue ttau ne.

⁵Nadhe ke ne kera'a do petari ngati pekaddhi bhale wari ddau-ddau do made. (Tapulara ddau-ddau do ma de do haghe he adho do pekaddhi bhale wari pa dhara awe do hetabbha bhue ttau do naanne.)

⁶Mangngi mone-ae tu ddau-ddau do dutu le ta pekaddhi bhale wari pa kera'a do petari ne. Do jhamma ke ro ta jadhi ta unu-oha Deo. Lua made mada awe do kedhue ne adho ke do nga kuaha penaja nga ro ri. Ro do ta jadhi ke ta mone-tunu-menahu unu Deo nga mone-tunu-menahu unu Kristus; jhe do ta pereda ke ro hela'u-la'u nga No pa dhara hetabbha bhue ttau ne tui.

⁷Ta ludu le ne awe do hetabbha bhue ttau ne, do ta gole ke Wango ti era bhadho no ne,

⁸ jhe do ta kako ke no la pelu ddau-ddau-rai do menyabbha pa hari hewue raiwawa, Gog nga Magog. Ta pekupu ke ro ri Wango tu ta la pemuhu, hekewolo do dhai ae, do mii ae wolahalae pa tabbhi dahi he.

⁹Moko ta pemenyabbha ke ro la hari hewue raiwawa, jhe la pekehero ri ro ne era pee annu-niki Deo nga rae do ddhei Deo ne. Tapulara ta puru ke ai ngati ihi liru jhe la pekappu ladu-ladu ro.

¹⁰Ta alla pemina harre, Wango do la pelu ro he ta nabhe ke la dhara rao ai nga hedawa. Paanne ke ne era tu bhada nga nabi pote nga appi he ne nabha uru jhara. Do medae ke ro ta wolo anni lodho nga anni maddha lohe la lodho do nami mii ne.

¹¹ Ta alla pe mina harre ta ngadde ke ri ya hewue kedera wopudi do worena nga heddau do mejaddhi pa dhida kedera do naanne. Liru nga raiwawa ta marra ke ti hedhapa No, hakku nara dho ke ta ngaddi ri.

¹²Ta ngaddi ke ri ya ne ddau-ddau do alla pemade he, do kepai nga do naiki do titu pa hedhapa kedera do naanne. Moko ta boka ke ne buku-buku he. Moko ta boke ke hewue ne buku do wala. Buku Ddau Do Muri. Ta alla pemina harre ta pehappo ke ne hala ddau do made, pelere nga wui ai-wui tao do hure do bhuke pa dhara buku-buku do na harre.

¹³Moko ta jhula ke ri dhara dahi ne ddau-ddau do made pa dhara no. Lua made mada nga Raiwawa Made Mada, ta jhula le ke ne ddau-ddau do alla pemade pa dhara ro. Jhe tu ddau-ddau do made do na harre hari-hari, ta pebunu ke ne lua wolo pa ro pelere nga wui ai-wui tao ro.

¹⁴Ta alla pemina harre Lua Mada Made nga Raiwawa Made Mada ta nabha ke la dhara rao ai. (Llau ai do naanne wa la dho ke ngati lua made mada pa awe do kedhue wari ne.)

¹⁵Ne ddau-ddau do bhuki ne ngara ro pa dhara Buku Ddau Do Muri, ta nabha ke la dhara llau ai ne.