Read Sahidic Coptic Ϯⲁⲡⲟⲅⲁⲗⲩⲙⲯⲓⲥ ⲧⲟⲩ Ⲁⲅⲓⲟⲩ Ⲓⲱⲁⲛⲛⲟⲩ 14 Bible Online

Ϯⲁⲡⲟⲅⲁⲗⲩⲙⲯⲓⲥ ⲧⲟⲩ Ⲁⲅⲓⲟⲩ Ⲓⲱⲁⲛⲛⲟⲩ 14 - Sahidic Coptic bible

Ϯⲁⲡⲟⲅⲁⲗⲩⲙⲯⲓⲥ ⲧⲟⲩ Ⲁⲅⲓⲟⲩ Ⲓⲱⲁⲛⲛⲟⲩ 14

¹ⲀⲚⲀⲨ ⲀⲨⲰ ⲈⲒⲤ ⲞⲨϨⲒⲈⲒⲂ ⲈϤⲀϨⲈⲢⲀⲦϤ ϨⲒϪⲘ ⲠⲦⲞⲞⲨ ⲚⲤⲒⲰⲚ ⲀⲨⲰ ⲘⲚ ⲦⲀϤⲦⲈ ⲚⲦⲂⲀ ⲘⲚ ϤⲦⲞⲞⲨ ⲚϢⲞ ⲈⲨⲚⲘⲘⲀϤ ⲈⲨⲚⲦⲀⲨ ⲘⲘⲀⲨ ⲘⲠⲈϤⲢⲀⲚ ⲘⲚ ⲠⲢⲀⲚ ⲘⲠⲈϤⲈⲒⲰⲦ ⲈϤⲤⲎϨ ⲈϨⲢⲀⲒ ⲈϪⲚ ⲦⲈⲨⲦⲈϨⲚⲈ.

²ⲀⲨⲰ ⲀⲒⲤⲰⲦⲘ ⲈⲨⲤⲘⲎ ⲈⲂⲞⲖ ϨⲚ ⲦⲠⲈ ⲚⲐⲈ ⲘⲠⲈϨⲢⲞⲞⲨ ⲚϨⲈⲚⲘⲞⲞⲨ ⲈⲚⲀϢⲰⲞⲨ ⲀⲨⲰ ⲚⲐⲈ ⲚⲦⲈⲤⲘⲎ ⲚϨⲈⲚⲚⲞϬ ⲚϨⲢⲞⲨⲂⲂⲀⲒ ⲀⲨⲰ ⲦⲈⲤⲘⲎ ⲚⲦⲀⲒⲤⲰⲦⲘ ⲈⲢⲞⲤ ⲈⲤⲞ ⲚⲐⲈ ⲚϨⲈⲚϬⲒ ⲐⲀⲢⲞⲆⲞⲤ ⲈⲨϬⲒⲐⲀⲢⲒⲌⲈ ⲚⲚⲈⲨⲔⲒⲐⲀⲢⲀ.

³ⲀⲨⲰ ⲈⲨϪⲰ ⲚⲞⲨϪⲰ ⲚⲂⲢⲢⲈ ⲘⲠⲘⲦⲞ ⲈⲂⲞⲖ ⲘⲠⲈⲐⲢⲞⲚⲞⲤ ⲘⲚ ⲠⲘⲦⲞ ⲈⲂⲞⲖ ⲘⲠⲈϤⲦⲞⲞⲨ ⲚⲌⲰⲞⲚ ⲘⲚ ⲚⲈⲠⲢⲈⲤⲂⲈⲦⲈⲢⲞⲤ ⲀⲨⲰ ⲚⲈⲘⲚϢϬⲞⲘ ⲚⲖⲀⲀⲨ ⲈⲈⲒⲘⲈ ⲈⲦⲰⲆⲎ ⲈⲒ ⲘⲎⲦⲒ ⲠⲘⲚⲦⲀϤⲦⲈ ⲚⲦⲂⲀ ⲘⲚ ⲠⲈϤⲦⲞⲞⲨ ⲚϢⲞ ⲚⲈⲚⲦⲀⲨϢⲞⲞⲠⲞⲨ ⲈⲂⲞⲖ ϨⲘ ⲠⲔⲀϨ.

⁴ⲚⲀⲒ ⲈⲦⲈ ⲘⲠⲞⲨⲦⲰⲖⲘ ⲘⲚ ⲤϨⲒⲘⲈ ⲈϨⲈⲚⲠⲀⲢⲐⲈⲚⲞⲤ ⲄⲀⲢ ⲚⲈ ⲚⲀⲒ ⲈⲦⲘⲞⲞϢⲈ ⲘⲚ ⲠⲈϨⲒⲈⲒⲂ ⲈⲠⲘⲀ ⲈⲦⲈϤⲚⲀ ⲈⲢⲞϤ ⲚⲀⲒ ⲚⲈⲚⲦⲀⲨϢⲞⲠⲞⲨ ⲈⲂⲞⲖ ϨⲚ ⲚⲢⲰⲘⲈ ⲚⲞⲨⲀⲠⲀⲢⲬⲎ ⲘⲠⲚⲞⲨⲦⲈ ⲘⲚ ⲠⲈϨⲒⲈⲒⲂ

⁵ⲀⲨⲰ ⲘⲠⲞⲨϨⲈ ⲈϬⲞⲖ ϨⲚ ⲦⲈⲨⲦⲀⲠⲢⲞ ϨⲈⲚⲀⲦⲚⲞⲂⲈ ⲄⲀⲢ ⲚⲈ.

⁶ⲀⲚⲀⲨ ⲈⲨⲀⲄⲄⲈⲖⲞⲤ ⲈϤϨⲎⲖ ϨⲚ ⲦⲘⲎⲎⲦⲈ ⲚⲦⲠⲈ ⲈⲞⲨⲚ ⲞⲨⲈⲨⲀⲄⲄⲈⲖⲒⲞⲚ ⲚⲦⲞⲞⲦϤ ⲚϢⲀ ⲈⲚⲈϨ ⲈⲦⲀϢⲈⲞⲈⲒϢ ⲚⲚⲈⲦϨⲘⲞⲞⲤ ⲈϨⲢⲀⲒ ⲈϪⲘ ⲠⲔⲀϨ ⲀⲨⲰ ⲈϪⲚ ⲚϨⲈⲐⲚⲞⲤ ⲚⲒⲘ ϨⲒ ⲪⲨⲖⲎ ϨⲒ ⲀⲤⲠⲈ ϨⲒ ⲖⲀⲞⲤ

⁷ⲈϤϪⲰ ⲘⲘⲞⲤ ϨⲚ ⲞⲨⲚⲞϬ ⲚⲤⲘⲎ ϪⲈ ⲀⲢⲒϨⲞⲦⲈ ϨⲎⲦϤ ⲘⲠⲚⲞⲨⲦⲈ ⲚⲦⲈⲦⲚ ϮⲈⲞⲞⲨ ⲚⲀϤ ϪⲈ ⲀⲤⲈⲒ ⲚϬⲒ ⲦⲈⲨⲚⲞⲨ ⲚⲦⲈϤⲔⲢⲒⲤⲒⲤ ⲀⲨⲰ ⲚⲦⲈⲦⲚ ⲞⲨⲰϢⲦ ⲘⲠⲈⲚⲦⲀϤⲦⲀⲘⲒⲈⲦⲠⲈ ⲘⲚ ⲠⲔⲀϨ ⲘⲚ ⲐⲀⲖⲖⲀⲤⲤⲀ ⲘⲚ ⲘⲠⲨⲄⲎ ⲚⲘⲘⲞⲞⲨ.

⁸ⲀⲔⲈⲀⲄⲄⲈⲖⲞⲤ ⲘⲘⲈϨⲤⲚⲀⲨ ⲞⲨⲀϨϤ ⲚⲤⲰϤ ⲈϤϪⲰ ⲘⲘⲞⲤ ϪⲈ ⲀⲤϨⲈ ⲀⲤϨⲈ ⲚϬⲒ ⲦⲚⲞϬ ⲚⲂⲀⲂⲨⲖⲰⲚ ⲀⲨⲰ ⲀⲚϨⲈⲐⲚⲞⲤ ⲦⲎⲢⲞⲨ ϨⲈ ϨⲘ ⲠⲎⲢⲠ ⲘⲠϬⲰⲚⲦ ⲚⲦⲈⲤⲠⲞⲢⲚⲈⲒⲀ.

⁹ⲀⲔⲈⲘⲈϨϢⲞⲘⲚⲦ ⲚⲀⲄⲄⲈⲖⲞⲤ ⲞⲨⲀϨϤ ⲚⲤⲰⲞⲨ ⲈϤϪⲰ ⲘⲘⲞⲤ ϨⲚ ⲞⲨⲚⲞϬ ⲚⲤⲘⲎ ϪⲈ ⲠⲈⲦⲚⲀⲞⲨⲰϢⲦ ⲘⲠⲈⲐⲨⲢⲒⲞⲚ ⲎⲦⲈϤϨⲒⲔⲰⲚ ⲀⲨⲰ ⲚⲈϤϪⲒ ⲚⲈϤⲤϨⲀⲒ ⲈϪⲚ ⲦⲈϤⲦⲈϨⲚⲈ.

¹⁰ⲎⲈϪⲚ ⲦⲈϤϬⲒϪ. ⲚⲦⲞϤ ϨⲰϤ ⲞⲚ ϤⲚⲀⲤⲰ ⲈⲂⲞⲖ ϨⲘ ⲠⲎⲢⲠ ⲘⲠϬⲰⲚⲦ ⲘⲠⲚⲞⲨⲦⲈ ⲠⲀⲒ ⲈⲦⲔⲨⲢⲀ ⲚⲀⲄⲢⲀⲦⲞⲚ ϨⲘ ⲠϪⲰ ⲚⲦⲈϤⲞⲢⲄⲎ ⲀⲨⲰ ⲤⲈⲚⲀⲂⲀⲤⲀⲚⲒⲌⲈ ⲘⲘⲞⲞⲨ ϨⲚ ⲞⲨⲔⲰϨⲦ Ⲙ ⲚⲞⲨⲐⲎⲚ ⲘⲠⲘⲦⲞ ⲈⲂⲞⲖ ⲚⲚⲀⲄⲄⲈⲖⲞⲤ ⲈⲦⲞⲨⲀⲀⲂ ⲘⲠⲘⲦⲞ ⲈⲂⲞⲖ ⲘⲠⲈϨⲒ ⲈⲒⲂ.

¹¹ⲀⲨⲰ ⲠⲔⲀⲠⲚⲞⲤ ⲚⲦⲈⲨⲂⲀⲤⲀⲚⲞⲤ ⲚⲀϪⲒ ⲤⲈ ⲈϨⲢⲀⲒ ϢⲀ ⲈⲚⲈϨ ⲚⲈⲚⲈϨ ⲚⲤⲈⲦⲘϪⲒⲘⲦⲞⲚ ⲘⲠⲈϨⲞⲞⲨ ⲘⲚ ⲦⲈⲨϢⲎ ⲚϬⲒ ⲚⲈⲦⲚⲀⲞⲨⲰϢⲦ ⲘⲠⲈⲐⲨⲢⲒⲞⲚ ⲘⲚ ⲦⲈϤϨⲒⲔⲰⲚ ⲘⲚ ⲠⲈⲦⲚⲀϪⲒ ⲘⲠⲘⲀⲈⲒⲚ ⲘⲠⲈϤⲢⲀⲚ.

¹²ⲠⲀⲒ ⲠⲈ ⲠⲘⲀ ⲚⲐⲨⲠⲞⲘⲞⲚⲎ ⲚⲚⲈⲦⲞⲨⲀⲀⲂ ⲚⲈⲦϨⲀⲢⲈϨ ⲈⲚⲈⲚⲦⲞⲖⲎ ⲘⲠⲚⲞⲨⲦⲈ ⲘⲚ ⲦⲠⲒⲤⲦⲒⲤ ⲚⲒⲎⲤⲞⲨⲤ.

¹³ⲀⲒⲤⲰⲦⲘ ⲈⲨⲤⲘⲎ ⲈⲂⲞⲖ ϨⲚ ⲦⲠⲈ ⲈⲤϪⲰ ⲘⲘⲞⲤ ϪⲈ ⲤϨⲀⲒ ϪⲈ ⲚⲀⲒⲀⲦⲞⲨ ⲚⲚⲈⲦⲚⲀⲘⲞⲨ ϪⲒⲚ ⲚⲦⲈⲚⲞⲨ ϨⲘ ⲠϪⲞⲈⲒⲤ ⲤⲈ ⲠⲈϪⲀϤ ⲚϬⲒ ⲠⲈⲠⲚⲈⲨⲘⲀ ϪⲈⲔⲀⲀⲤ ⲈⲨⲈⲘⲦⲞⲚ ⲘⲘⲞⲞⲨ ⲈⲂⲞⲖ ϨⲚ ⲚⲈⲨϨⲒⲤⲈ ⲚⲈⲨϨⲂⲎⲨⲈ ⲄⲀⲢ ⲚⲀⲞⲨⲀϨⲞⲨ ⲚⲤⲰⲞⲨ.

¹⁴ⲀⲚⲀⲨ ⲀⲨⲰ ⲈⲒⲤ ⲞⲨⲔⲖⲞⲞⲖⲈ ⲈⲤⲞⲨⲞⲂϢ ⲀⲨⲰ ⲈϤϨⲘⲞⲞⲤ ϨⲒϪⲚ ⲦⲈⲔⲖⲞⲞⲖⲈ ⲚϬⲒ ⲠⲈⲒⲚⲈ ⲚⲞⲨϢⲎⲢⲈ ⲚⲢⲰⲘⲈ ⲈⲞⲨⲚ ⲞⲨⲔⲖⲞⲘ ⲚⲚⲞⲨⲂ ϨⲒϪⲚ ⲦⲈϤⲀⲠⲎ ⲈⲨⲚⲞⲨⲞϨⲤ ⲈϤⲦⲎⲘ ϨⲚ ⲦⲈϤϬⲒϪ.

¹⁵ⲀⲨⲰ ⲔⲈⲀⲄⲄⲈⲖⲞⲤ ⲀϤⲈⲒ ⲈⲂⲞⲖ ϨⲘ ⲠⲢⲠⲈ ⲈϤⲀϢⲔⲀⲔ ⲈⲂⲞⲖ ϨⲚ ⲞⲨⲚⲞϬ ⲚⲤⲘⲎ ⲈⲠⲦϨⲘⲞⲞⲤ ⲈϪⲚ ⲦⲈⲔⲖⲞⲞⲖⲈ ϪⲈ ⲘⲀϪⲞⲞⲨ ⲘⲠⲈⲔⲞϨⲤ ⲚⲄⲰϨⲤ ϪⲈ ⲀⲤⲈⲒ ⲚϬⲒ ⲦⲈⲨⲚⲞⲨ ⲘⲠⲰϨⲤ ϪⲈ ⲀϤϢⲞⲞⲨⲈ ⲚϬⲒ ⲠⲰϨⲤ ⲘⲠⲔⲀϨ.

¹⁶ⲀⲨⲰ ⲀϤⲚⲞⲨϪ ⲚϬⲒ ⲠⲈⲦϨⲘⲞⲞⲤ ⲈϪⲚ ⲦⲈⲔⲖⲞⲞⲖⲈ ⲘⲠⲈϤⲞϨⲤ ⲈϨⲢⲀⲒ ⲈϪⲘ ⲠⲔⲀϨ ⲀⲨⲰ ⲀϤⲰϨⲤ ⲘⲠⲔⲀϨ.

¹⁷ⲀⲔⲈⲀⲄⲄⲈⲖⲞⲤ ⲈⲒ ⲈⲂⲞⲖ ϨⲘ ⲠⲢⲠⲈ ⲈⲦϨⲚ ⲦⲘⲎⲦⲈ ⲈⲨⲚ ⲞⲨϨⲀⲖⲔⲞⲨ ⲚⲦⲞⲞⲦϤ ⲈⲤⲦⲎⲘ.

¹⁸ⲀⲔⲈⲀⲄⲄⲈⲖⲞⲤ ⲈⲒ ⲈⲂⲞⲖ ϨⲘ ⲠⲈⲐⲨⲤⲒⲀⲤⲦⲨⲢⲒⲞⲚ ⲈⲨⲚⲦⲀϤ ⲦⲈⲜⲞⲨⲤⲒⲀ ⲘⲠⲔⲰϨⲦ ⲀϤⲘⲞⲨⲦⲈ ϨⲚ ⲞⲨⲚⲞϬ ⲚⲤⲘⲎ ⲈⲠⲈⲦⲈⲢⲈ ⲐⲀⲖⲔⲞⲨ ⲚⲦⲞⲞⲦϤ ⲈⲤⲦⲎⲘ ⲈϤϪⲰ ⲘⲘⲞⲤ ϪⲈ ⲘⲀϪⲞⲞⲨ ⲘⲠⲈⲔϨⲀⲖⲔⲞⲨ ⲚⲄϪⲰⲰⲖⲈ ⲚⲚⲈⲤⲘⲀϨ ⲚⲦⲂⲰ ⲚⲈⲖⲞⲞⲖⲈ ⲘⲠⲔⲀϨ ϪⲈ ⲀⲨⲠⲰϨ ⲚϬⲒ ⲚⲈⲤⲈⲖⲞⲞⲖⲈ.

¹⁹ⲀⲨⲰ ⲀⲠⲀⲄⲄⲈⲖⲞⲤ ⲚⲞⲨϪ ⲚⲦⲈϤϨⲀⲖⲔⲞⲨ ⲈϨⲢⲀⲒ ⲈϪⲘ ⲠⲔⲀϨ ⲀϤϪⲰⲰⲖⲈ ⲚⲦⲂⲰ ⲚⲈⲖⲞⲞⲖⲈ ⲘⲠⲔⲀϨ ⲀⲨⲰ ⲀϤⲚⲞⲨϪ ⲈⲦⲈϨⲢⲰⲦ ⲚⲞϬ ⲘⲠϬⲰⲚⲦ ⲘⲠⲚⲞⲨⲦⲈ.

²⁰ⲀⲨϨⲰⲘ ⲚⲦⲈϨⲢⲰⲦ ⲠⲂⲞⲖ ⲚⲦⲠⲞⲖⲒⲤ ⲀⲨⲰ ⲀⲠⲈⲤⲚⲞϤ ⲈⲒ ⲈⲂⲞⲖ ϨⲚ ⲦⲈϨⲢⲰⲦ ϢⲀ ϨⲢⲀⲒ ⲈⲚⲈⲬⲀⲖⲒⲚⲞⲤ ⲚⲚⲈϨⲦⲰⲰⲢ ⲚⲀⲘⲚⲦⲀⲤⲈ ⲚϢⲈ ⲚⲤⲦⲀⲆⲒⲞⲚ.