Read Sahidic Coptic Ϯⲁⲡⲟⲅⲁⲗⲩⲙⲯⲓⲥ ⲧⲟⲩ Ⲁⲅⲓⲟⲩ Ⲓⲱⲁⲛⲛⲟⲩ 15 Bible Online

Ϯⲁⲡⲟⲅⲁⲗⲩⲙⲯⲓⲥ ⲧⲟⲩ Ⲁⲅⲓⲟⲩ Ⲓⲱⲁⲛⲛⲟⲩ 15 - Sahidic Coptic bible

Ϯⲁⲡⲟⲅⲁⲗⲩⲙⲯⲓⲥ ⲧⲟⲩ Ⲁⲅⲓⲟⲩ Ⲓⲱⲁⲛⲛⲟⲩ 15

¹ⲀⲚⲀⲨ ⲈⲔⲈⲚⲞϬ ⲘⲘⲀⲈⲒⲚ ⲚϢⲠⲎⲢⲈ ϨⲚ ⲦⲠⲈ ⲤⲀϢϤ ⲚⲀⲄⲄⲈⲖⲞⲤ ⲈⲢⲈ ⲤⲀϢϤⲈ ⲘⲠⲖⲨⲄⲎ ⲚⲦⲞⲞⲦⲞⲨ ⲚϨⲀⲎ ϪⲈ ϨⲢⲀⲒ ⲚϨⲎⲦⲞⲨ ⲚⲦⲀϤϪⲰⲔ ⲈⲂⲞⲖ ⲚϬⲒ ⲠϬⲰⲚⲦ ⲘⲠⲚⲞⲨⲦⲈ.

²ⲀⲚⲀⲨ ⲚⲐⲈ ⲚⲞⲨⲐⲀⲖⲖⲀⲤⲤⲀ ⲚⲀⲂⲀϬⲎⲈⲒⲚ ⲈⲤⲦⲎϨ Ⲙ ⲚⲞⲨⲔⲰϨⲦ ⲀⲨⲰ ⲚⲈⲦⲚⲀϪⲢⲞ ⲈⲂⲞⲖ ϨⲘ ⲠⲈⲐⲨⲢⲒⲞⲚ ⲘⲚ ⲦⲈϤϨⲒⲔⲰⲚ ⲘⲚ ⲦⲎⲠⲈ ⲘⲠⲈϤⲢⲀⲚ ⲚⲈⲨⲀϨⲈⲢⲀⲦⲞⲨ ϨⲒϪⲚ ⲞⲨⲐⲀⲖⲖⲀⲤⲤⲀ ⲚⲀⲂⲀϬⲎⲈⲒⲚ ⲈⲢⲈϨⲈⲚⲔⲒⲐⲀⲢⲀ ⲚⲦⲞⲞⲦⲨ ⲚⲦⲈⲠⲚⲞⲨⲦⲈ.

³ⲈⲨϪⲰ ⲚⲦⲰⲆⲎ ⲘⲘⲰⲨⲤⲎⲤ ⲠϨⲘϨⲀⲖ ⲘⲠⲚⲞⲨⲦⲈ ⲘⲚ ⲦⲰⲆⲎ ⲘⲠⲈϨⲒⲈⲒⲂ ⲈⲨϪⲰ ⲘⲘⲞⲤ ϪⲈ ϨⲈⲚⲚⲞϬ ⲀⲨⲰ ϨⲈⲚϢⲠⲎⲢⲈ ⲚⲈ ⲚⲈⲔϨⲂⲎⲨⲈ ⲠϪⲞⲈⲒⲤ ⲠⲚⲞⲨⲦⲈ ⲠⲠⲀⲚⲦⲰⲔⲢⲀⲦⲰⲢ ϨⲈⲚⲆⲒⲔⲀⲒⲞⲤⲨⲚⲎ ⲀⲨⲰ ϨⲈⲚⲘⲈ ⲚⲈ ⲚⲈⲔϨⲂⲎⲨⲈ ⲘⲚ ⲚⲈⲔϨⲒⲞⲞⲨⲈ ⲚⲚⲀⲒⲀⲒⲰⲚ

⁴ⲚⲒⲘ ⲠⲈⲦⲈ ⲚⲈϤⲢϨⲞⲦⲈ ϨⲎⲦⲔ ⲀⲚ ⲠϪⲞⲈⲒⲤ ⲀⲨⲰ ⲚⲈϤϮⲈⲞⲞⲨ ⲘⲠⲈⲔⲢⲀⲚ ϪⲈ ⲚⲦⲞⲔ ⲘⲀⲨⲀⲀⲔ ⲠⲈ ⲠⲈⲦⲞⲨⲀⲀⲂ ⲀⲨⲰ ⲠⲆⲒⲔⲀⲒⲞⲤ ϪⲈ ⲚϨⲈⲐⲚⲞⲤ ⲦⲎⲢⲞⲨ ⲚⲎⲨ ⲚⲤⲈⲞⲨⲰϢⲦ ⲘⲠⲈⲔⲘⲦⲞ ⲈⲂⲞⲖ ϪⲈ ⲀⲚⲈⲔⲆⲒⲔⲀⲒⲰⲘⲀ ⲞⲨⲰⲚϨ ⲈⲂⲞⲖ.

⁵ⲘⲚⲚⲤⲀ ⲚⲀⲒ ⲀϤⲞⲨⲰⲚ ⲚϬⲒ ⲠⲢⲠⲈ ⲚⲦⲈⲤⲔⲨⲚⲎ ⲘⲠⲘⲚⲦⲢⲈ ⲚⲦⲠⲈ

⁶ⲀⲨⲰ ⲀⲨⲈⲒ ⲈⲂⲞⲖ ⲚϬⲒ ⲠⲤⲀϢϤ ⲚⲀⲄⲄⲈⲖⲞⲤ ⲈⲦⲈⲢⲈ ⲦⲤⲀϢϤⲈ ⲘⲠⲖⲨⲄⲎ ⲚⲦⲞⲞⲦⲞⲨ ⲈⲂⲞⲖ ϨⲘ ⲠⲢⲠⲈ ⲈⲢⲈ ϨⲈⲚϨⲂⲤⲰ ϨⲒⲰⲞⲨ ⲈⲨⲞⲨⲞⲂϢ ⲈⲨⲦⲂⲂⲎⲨ ⲈⲨⲘⲎⲢ ⲈϪⲚ ⲦⲈⲨⲘⲈⲤⲦⲚϨⲎⲦ ⲚⲞⲨⲘⲞϪϨϤ ⲚⲚⲞⲨⲂ.

⁷ⲀⲨⲰ ⲞⲨⲀ ⲈⲂⲞⲖ ϨⲘ ⲠⲈϤⲦⲞⲞⲨ ⲚⲌⲰⲞⲚ ⲀϤϮ ⲘⲠⲤⲀϢϤ ⲚⲀⲄⲄⲈⲖⲞⲤ ⲚⲤⲀϢϤⲈ ⲘⲪⲒⲀⲖⲎ ⲚⲚⲞⲨⲂ ⲈⲨⲘⲈϨ ⲈⲂⲞⲖ ϨⲘ ⲠϬⲰⲚⲦ ⲘⲠⲚⲞⲨⲦⲈ ⲈⲦⲞⲚϨ ϢⲀ ⲚⲒⲈⲚⲈϨ ⲚⲈⲚⲈϨ.

⁸ⲀⲨⲰ ⲀⲠⲈⲢⲠⲈ ⲘⲞⲨϨ ⲈⲂⲞⲖ ϨⲘ ⲠⲔⲀⲠⲚⲞⲤ ⲘⲠⲈⲞⲞⲨ ⲘⲠⲚⲞⲨⲦⲈ ⲘⲚ ⲚⲈ ⲈⲂⲞⲖ ϨⲚ ⲦⲈϤϬⲞⲘ ⲀⲨⲰ ⲘⲠⲈ ⲖⲀⲀⲨ ⲈϢϬⲘϬⲞⲘ ⲈⲂⲰⲔ ⲈϨⲞⲨⲚ ⲈⲠⲢⲠⲈ ϢⲀⲚⲦⲞⲨϪⲰⲔ ⲈⲂⲞⲖ ⲚϬⲒ ⲦⲤⲀϢϤⲈ ⲘⲠⲖⲨⲄⲎ ⲘⲠⲤⲀϢϤ ⲚⲀⲄⲄⲈⲖⲞⲤ.