Read Sahu Yohanes 2 Bible Online

Yohanes 2 - Sahu bible

Yohanes 2

¹Toma wangere ma soi ro'ange toma limau Kana daeraha Galilea, 'age rema laya molo'ara. Toma laya gena-ge, Yesus 'ai ngina 'age ḏi'i.

²Yesus re 'Ai me-mete'e ananga sanga saele ḏi'i toma laya madutu.

³Wakutu toma laya gena-ge manga dodahe 'anggur ri moini, Yesus 'ai ngina mo kanau ra Yesus, “Ananga manga 'anggur ri moini.”

⁴Yesus 'a sangoro, “Meme, i'a sa'olo no siajele ra Ngoi?! Ma 'orasa enanga 'i ngadolo nyangu di'a Ngoi ta siajele toma ngowa-ngowa'a mangale Ngoi nena-ne 'a guna.”

⁵Mada'a Yesus 'ai ngina mo kanau i'a toma falalomu-falalomu, “ 'A'a ḇato 'oru ga'a Unanga 'o kanau ra ngini.”

⁶Toma ngi'i gena-ge 'age tampayanga maḏi rarama, ga'a rimoi re rimoi nyengara sigonyo'o ḇanyo ḏa litere latu moi. Ḇanyo gena-ge ya sidodahe di'a ya sisoso'o manga giama re rou, mete'e Yahudi manga 'atoranga, la Ma Jou'ongu Madutu ya'u dawongo ananga.

⁷Yesus 'o kanau toma falalomu-falalomu gena-ge, “Tampayanga-tampayanga na sigare ḇanyo.” Ḏua ananga ya sigare ḇanyo singadolo roma-romanga.

⁸Ḏua Yesus 'o kanau ra ananga, “Nange-ne ni falo ḇanyo toma tampayanga ceka'a ua re ni gasa i'a toma laya ma sae'e.” Ḏua ananga ya si'a'a mete'e ma tero sa'olo Yesus 'o kanau.

⁹Laya ma sae'e 'a tai'i ḇanyo gena-ge ga'a ri dadi 'anggur. Unanga masiretene 'a waro ua 'anggur gena-ge le'a ino, pa'i falalomu-falalomu masiretene ga'a ya falo ḇanyo gena-ge, ya waro. Ḏua laya ma sae'e 'o masebanga i'a toma geri molo'ara na-nau'u,

¹⁰kara 'o kanau i'a ra unanga, “Biasa ḏua na'o laya so'o nena-ne, ngowa'a 'aḏi siḏagi siḏa 'anggur lai sa'i. Maha ngowa'a raḏi 'etolo, kara siḏagi 'anggur ma kuranga sa'i. Mada'a ngana no gogono 'anggur lai sa'i singadolo 'orasa nange-ne!”

¹¹Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

¹²Togumu i'a Yesus 'o tagi toma limau Kapernaum, re 'Ai ngina, 'Ai no-nongoḏu re 'Ai me-mete'e, ananga 'aḏi tagi mamete'e ra Unanga. Ananga mo-moini 'aḏi tegoro toma limau Kapernaum ḏa wangere muḏuo i'a.

¹³Wakutu Yahudi manga wangere Paskah sa'i ri ngadolo, Yesus tagi toma limau Yerusalem.

¹⁴Ra Ma Jou'ongu Madutu 'ai Wala ma soana, Yesus 'o oḏi'i ngowa-ngowa'a 'aḏi mawu'unu sapi, doba, namo dara, re ngowa-ngowa'a ga'a sijala pipisi, ananga gena-ge 'aḏi tegoro 'age remanga meja.

¹⁵Ḏua Yesus 'o 'a'a ja-ja'olo reo gumi re 'O dusu'u ananga mo-moini ga'a mawu'unu, re manga doba re sapi ra Ma Jou'ongu Madutu 'ai Wala ma soana. Re Unanga 'a sipagara ngowa-ngowa'a ga'a sijala pipisi manga meja, singadolo ananga manga pipisi matai are.

¹⁶Re Unanga 'o kanau i'a toma ngowa-ngowa'a ga'a 'aḏi wu'unu namo pombo, “Supu toma ngi'i nena-ne, re gasa mo-moini ninga namo pombo nena-ne. 'Ari Ḇaḇa 'ai wala, awa na sidadi bu-bu'unu ma ngi'i!”

¹⁷Ḏua 'Ai me-mete'e ya si'elingi ie bu-bula'a toma Boku 'Ofi-'Ofi ma dara ma betongo so'o ne: “ 'Ari dadalara di'a 'Ani wala, ḏuanga i'a 'i sigasa ngoi tari sengene.”

¹⁸Mada'a Yahudi manga bi-biri'i 'aḏi tuntutu ra Unanga 'aḏi kanau, “Sijumu ga'a hera-heranga rimoi ra ngomi, la ngomi ma waro mangale Ngana rani kuasa di'a no 'a'a mo-moini gena-ge.”

¹⁹Yesus 'o sangoro ananga, “Na ruba Ma Jou'ongu Madutu 'ai Wala nena-ne re toma wangere ro'ange, Ngoi dadunu ta simomi'i.”

²⁰Ḏua ananga gena-ge 'aḏi kanau, “Sanga ua! Ngomi mi 'a'a wala nena-ne 'i oromo 'orasa ma di'ara musungu nyagi rata re rarama, re Ngana nga'unu na simomi'i pa'i toma wangere ro'ange ma dara ḇato?!”

²¹Mada'a Yesus 'ai maksudu ua mangale Ma Jou'ongu Madutu 'ai Wala, enanga gena-ge 'Ai lese masiretene.

²²Ḏuanga i'a wakutu Ma Jou'ongu Madutu dadunu ro si'ahu Yesus moju, pasala i'a 'Ai me-mete'e ananga ya si'elingi ie Unanga 'ai demo-demo gena-ge. Sababu gena-ge, ananga 'aḏi ngaku 'oru ga'a 'i silefo toma Boku 'Ofi-'Ofi ma dara re 'oru ga'a Unanga ro siajele ra ananga.

²³Wakutu Paskah ma Wangere, Yesus 'age toma limau Yerusalem, ngowa'a manga repe 'aḏi ngaku Unanga sababu ananga 'aḏi oḏi'i 'Ai ga'a hera-heranga.

²⁴Mada'a Yesus masiretene 'o ngaku ua ananga gena-ge, sababu Unanga 'a waro ngowa'a mo-moini manga 'akala re sinyingara ma dara.

²⁵Unanga 'o paralu ua duga re domolo mangale manusia manga de'oso re ḏegoro, sababu Unanga masiretene ra waro 'oru ga'a 'age toma manusia manga 'akala re sinyingara ma dara.