Read Saluan KAJADIAN 7 Bible Online

KAJADIAN 7 - Saluan bible

KAJADIAN 7

¹Lantas notataemo na Tumpu hi Nuh, “Ku toa na beleyum montuluti pongka'oho'-Ku. Jadi, pinsoopmo i uno nu kapan atina' tiba bengkele' nu beleyum ka' to ana-anak nu beleyum.

²Boa toto popitu' na ngahannyo moto osoa na tomonsi' ka' binatang sangga'at anu timbali okaan, panyo anu madi' timbali okaan ola toto sangahan na moto osoa. Bau na aijo' da ngangahan nu binatang daagi' ko anu madi' mohopu' ka' po'ule' ko pintu-pintuangnyo i dunia.

⁴Daagi' pintu sinaa aku mombulokakonmo mae ujan, anu madi' ko kabatannyo sampe patompulu' na sinaa patompulu' na pihi na kopinnyo, da anu ko nyawanyo bibinaung-Kumo aijo' silakamo.”

⁵Lantas i Nuh nombaumo iwi-iwi' apaa na anu pinalentahkonmo nu Tumpu hi ia.

⁶I Nuh umunnyo 600 mo na taun tempo'nyo kino iyaba' i dunia.

⁷ I Nuh ka' bengkele'nyo ka' to ana-anaknyo tiba to bengke-bengkele' nu aha ninsoopmo i uno nu kapan aijo' da boli nu silakai nu iyaba'.

⁸Sa'angu' na lakinyo ka' sa'angu' na behenyo toto sangahan na tomonsi' ka' binatang sangga'at — anu timbali okaan kabai anu madi' timbali okaan —

⁹ninsoopmo i uno nu kapan aijo' hingga-hinggat tiba i Nuh susumo anu pinalentahkonmo nu Tumpu Allah.

¹⁰Salatan pinitun sinaamo iyaba' tinokamo moleetabimo dunia.

¹¹ Tempo'nyo umun i Nuh 600 mo na taun, kona i tanggan sampulu'mo ka' popitu' bitu'on ko ohua'nyomo, iwi-iwi' na matanyo nu uee i aluk nu dunia nobiha'mo. Iwi-iwi' na sabatan nu uee aita' i langit tinontuhea'mo,

¹²ka' ujan tinudunmo patompulu' na sinaa, patompulu' na pihi na kinopinnyo.

¹³I sinaamo aitu suele na i Nuh ka' bengkele'nyo ninsoopmo i uno nu kapan aijo' tiba aha totolu' na anaknyo aitumo i Sem, i Yafet, ka' i Ham tiba to bengke-bengkele' nu aha.

¹⁴Hingga-hinggat tiba aha ninsoopmo suele toto sangahan na tomonsi' ka' binatang sangga'at, anu manyaam ka' anu ma'ela', anu daka', ka' anu ise'.

¹⁵Sa'angu' na lakinyo ka' sa'angu' na behenyo toto sangahan na anu ko nyawanyo haha aijo' ninsoopmo i uno nu kapan aijo' hingga-hinggat tiba i Nuh.

¹⁶Susumo anu pinalentahkonmo nu Tumpu Allah hi ia. Salatan iwi-iwi' ninsoopmo tinumbanmo nu Tumpu na sabatan nu kapan.

¹⁷Iyaba' aijo' noleetabimo pinatompulu' na sinaa na kinopinnyo, ka' uee aijo' natangkasmo hondo, sahingga kapan aijo' i lumantomo.

¹⁸Uee kino poli-poliba'nyomo, ka' kapan aijo' i lumantomo aita' i bawo nu uee.

¹⁹Uee aijo' nompaka pintuangmo na ko tangkasnyo, sahingga i lingkupnyomo na bungkutnyo anu toto tangka-tangkas.

²⁰Uee saja'mo nompaka po'insu' sahingga ko tangkasnyo pinopitu'mo na meten na pinolingkupnyo to bungku-bungkutnyo.

²¹Tumpu nonsilakaimo iwi-iwi' na anu ko nyawanyo i dunia aiya; Manusia, tomonsi' ka' binatang i katano'an anu ise', ka' anu daka'. Anu madi' sinilaka ola i Nuh ka' iwi-iwi' na anu kiijo' hingga-hinggat tiba ia i uno nu kapan aijo'.

²⁴Uee aijo' madi' tinolo tutus, 150 na sinaa na kinopinnyo.