Read Saluan 1 TOMU-TOMUNDO' 22 Bible Online

1 TOMU-TOMUNDO' 22 - Saluan bible

1 TOMU-TOMUNDO' 22

¹I labi ngohua' na taun na kinopinnyo madi'mo toho' nahampate na Israel tiba Siria.

²Panyo' tinoka i taun kino totolu'nyomo, i Yosafat tomundo' nu Yehuda nambamo siningkabot tiba i Ahab tomundo' nu Israel.

³Ma'isa pe'e i Yosafat tinoka pinoto'imo i Ahab hi to sulu-suludadunyo anu matangkas na pangkatnyo, “Da osumbu' nu belemiu, saba' kota' Ramot anu aijo' i da'erah Gilead, kita na tumpunyo! Kadaka' madi' po'ule' o'alanto hi tomundo' Siria?”

⁴Sahingga salatan i Yosafat tinokamo, pinokilawamo i Ahab, “Mongka'oho' na belento mamba tiba aku montumbuhi Ramot?” “Timbali! Kita mamba hingga-hinggat. Suludadungku anu lumajang tengke ka' anu monsake'i ajahan manintuangmo tiba suludadu nu belento anu lumajang tengke ka' anu monsake'i ajahan.

⁵Panyo lebe ma'ima' opokilawanto pe'e hi Tumpu.”

⁶Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

⁷Panyo i Yosafat daagi' nompokilawa, “Pa' aiya mae madi' mo ko nabi sangga'at bau pompokilawanto?”

⁸Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

⁹Sahingga ilagamo i Ahab na anu ko pangkatnyo mokalaja hi tomundo' lantas sinainyomo na ia da sampa mamba mompoboa i Mikha.

¹⁰Tempo'nyo aitu, i Ahab tiba i Yosafat nompusokmo baju' pesalin, sinumuhangmo i kadela kasuhangan nu tomundo' i tampat pongututan gandum koko sabatan daka' nu kota Samaria, hau-haunyo aitu to nabi-nabi tinokamo mae nangadap na aha mompoto'i apa-apaa na anu jadi' aiya mae i ahop.

¹¹Sala samian na nabi haha aijo' sanggonyo i Zedekia anak i Kenaana, nombau tanduk, besak na tinutuk, lantas pinoto'inyomo hi Ahab, “Aiyamo na anu kokoonyo nu Tumpu, 'Tiba tanduk anu susumo aiya na bau pompatei nu belento Siria ka' bau pohopu'i aha.’ ”

¹²Iwi-iwi' na nabi sangga'at sinitujumo ka' notatae “Tumbuhimo na Ramot Belento tomundo' mohumpakmo ka'untungan na mahampate. Tumpu na mombee'i ka'untungan mahampate hi belento Tomundo.”

¹³Tempo'nyo aitu mian anu sinai mamba mompoboa i Mikha, nompoto'imo hi Mikha, “Iwi-iwi' na nabi sangga'at nompoto'imo ka'untungan mahampate anu jadi hi tomundo' aiya mae i ahop. De timbali belento Tuuma suele mompoto'i anu ma'ima' na jadi aiya mae i ahop susumo hi aha.”

¹⁴Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na pinoto'imo nu Tumpu hi belengku!”

¹⁵Salatan i Mikha tinokamo hi ahop i Tomundo' Ahab, i tomundo' nompokilawamo, “Pa' timbali na aku tiba i Tomundo' Yosafat mamba montumbuhi Ramot, kabai madi'?” “Tumbuhimo!” na koonyo i Mikha. “Mohumpakmo ka'untungan na mahampate. Tumpu na mombee'i ka'untungan mahampate hi belento Tomundo'.”

¹⁶Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

¹⁷ Binalosan i Mikha, “Tinoangku na suludadu nu Yizreel nosungke-sungkehetmo i bungkutnyo haha aijo'. Aha susumo domba anu madi'mo ko polaya'nyo, ka' tinaloakonmo nu Tumpu na aha, 'Mian haha aiya madi'mo daagi' ko polaya'nyo pobakasmo da aha minsusule'mo mae ma'i-ma'ima'.’ ”

¹⁸Lantas notataemo na i Ahab hi Yosafat, “Misa' totu'u ahi' na anu tinaloakonku? Madi' toho' ia mompoto'i mae anu ma'ima' hi belengku apaa na anu jadi aiya mae i ahop! Saja' anu toto ide-idek!”

¹⁹ I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

²⁰Tumpu nompokilawamo, 'Ihe na moko ala mamba pagala monsale'i i Ahab da ia mongka'oho' mamba mahampate da ia matemo mae i kiijo' i Ramot i da'erah Gilead?' Malaikat haha aijo' nontaami madi' pokakana samian ka' samian.

²¹Ahennyo tinokamo na malaikat samian. Ia nokiijo'mo oha-ohani hi Tumpu ka' notatae, 'Akuje na pagala monsale'i ia.'

²²'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

²³Po'ule' mule' i Mikha notatae, “Ya, sumo aijo'mo na anu jadi! Binaumo nu Tumpu na nabi i Tomundo' haha aijo' da mombaleko'i i Tomundo' kalana tinantukanmo nu Tumpu na i Tomundo' mohumpakmo balaa'!”

²⁴Sahingga nokiijo'mo na i Nabi Zadekia nongohani i Mikha, lantas i hapa'nyomo na ohupnyo lantas notatae, “Madi' toho' na Roh nu Tumpu mompala'imo aku ka' monsampo sisikmo beleyum?”

²⁵Tinaaman i Mikha, “Nu toaje pa'apaa na anu jadi saidi' mae de beleyum minsoopmo i sa'angu' na salipi' maninsuluk.”

²⁶“Hakop na ia aitu!” na koonyo nu palentah i Tomundo' Ahab, “Ka' boa na ia hi Amon, anu mongkapalai kota, ka' hi Yoas anak nu Tomundo'.

²⁷Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

²⁸I Mikha notatae, “De belento Tomundo' minsusule'mo mae ma'i-ma'ima', nyata' taalu' Tumpu memang madi' nompoto'i mae susumo anu pinoto'ingkumo! Iwi-iwi' na anu sinihuk i aiya timbalimo sakisi.”

²⁹Lapas aijo' i Ahab tomundo' nu Israel ka' i Yosafat tomundo' nu Yehuda nambamo nontumbuhi kota Ramot i da'erah Gilead.

³⁰Notataemo na i Ahab hi Yosafat, “Aku mompusok baju' sangga'at da madi' ko anu monsumbu' ka' suele mamba mahampate, panyo' beleyum na mompusok baju' pesalin nu beleyum.” Jadi tomundo' nu Israel nompusokmo baju' sangga'at salatan nambamo nahampate.

³¹Tempo'nyo aitu aha tolumpulu' ka' ohua' na talenga' anu mongkapalai gombuan nu suludadu anu sinumake' i kareta bau pahampate nu aha mian Siria pinalentahmo nu tomundo'nyo da samata-mata ola tomundo'nyo nu aha Israel na otumbuhi.

³²Jadi salatan tinoamo nu aha na i tomundo' Yosafat, aha iwi-iwi' nonsangkamo tukoonyo nu aha, aijo'mo na tomundo' nu Israel. Kalana aijo' tinumbuhanmo nu aha na ia.

³³Panyo' i Yosafat nolobo'mo, sahingga sinumbu'mo nu aha taalu' aijo' misa' ahi' tomundo' nu Israel. Lantas aha madi'mo nontumbuhi ia.

³⁴Madi' sinangka-sangka samian na suludadu nu Siria nompana'akon pana'nyo pa' moya na ahopnyo anu kahanda' nu pana'. Padahan hihis nu pana'nyo aijo' nongkonamo i Ahab, kinotopnyomo na baju' anu pinusoknyo mahampate, kinonanyo i pompaha kaitannyo, “Aku kinonaonmo!” na koonyo i Ahab hi anu mompojalan karetanyo. “Pobalikmo ka' boamo na aku, pala'imo na tampat pahampatean aiya!”

³⁵Panyo kalana sabole-bole mahampate, i Tomundo' Ahab sinatinjonyomo ia tinonganmo aijo' suha-suhang i karetanyo montoa mokiijo' suludadu nu Siria. Baso' nu belanyo jinumujumo nokaiyong i salo nu karetanyo sinongkomo na salonyo. Salatan nalomo, ia sinilakamo.

³⁶Lantas sinaa ohanimo makakinsap pinalentahmo na suludadu nu Israel iwi-iwi' da minsusule'mo i kota' nu aha ka' da'erah nu aha toto samian,

³⁷kalana tomundo' nu aha sinilakamo. Lantas ninsusule'mo na aha ka' i lamunmo nu aha na i Ahab kiijo' i Samaria.

³⁸Hau-haunyo karetanyo binaso'anmo i kolam Samaria i kiijo' daagi' ko toboboune anu lewa' masala' mindi' ka'dedeng nonjila'imo baso' anu aijo' i kareta, madi' sala' susumo anu pinoto'imo nu Tumpu.

³⁹Sisikon sangga'at mongkona i Tomundo' Ahab, ka' mule' mongkona istana gading, ka' iwi-iwi' na kota anu binaunyomo, tinulismo i kitab Sisikon nu to Tomu-tomundo' Israel.

⁴⁰Salatan i Ahab sinilakamo, binolosakonmo nu anaknyo i Ahazia, na tinimbali tomundo'.

⁴¹I taun ko opatnyomo na i tomundo' Ahab nompalentah Israel, i Yosafat anak i Asa tinimbalimo tomundo' nu Yehuda.

⁴²Tempo'nyo aitu umunnyo tolumpulu'mo ka' olima' na taun. Ia nompalentah i Yerusalem inguampulu' ka' olima' na taun na kinopinnyo. Tinanyo sanggonyo i Azuba anak i Silhi.

⁴³Susumo i Asa, tuumanyo, i Yosafat suele nombaumo apa na anu ma'ima' i mata nu Tumpu. Madi'mo hondo-hondo pinobee'nyo na to momo'ane ka' to bou-boune bakalaja i tampa-tampat nu mian masala' salaku bau ponsombah nu aha pilogot i uno nu kalaja'annyo anu binaumo nu mian salatan pe'e mae i Asa Tuuanyo. Panyo tampat ponsomban pilogot haha aijo' madi' ingideannyo. Aha mian da'isan daagi' saja' monsombahkon koloban ka' kamangian i tampat aijo'. I Yosafat nombaumo manjoo' hondo na kapal Tarsis da mamba mongala mosoni' kiijo' mae i Ofir, panyo' kapal haha aijo' madi' jadi namba tinalabut kalana na'idekmo kiijo' i Ezion-Geber. I Tomundo' Ahazia anu lengkat mae i Israel nonsale'imo da anu mokalaja i kapalnyo mamba hingga-hinggat tiba anu mokalaja i kapal hi Yosafat, panyo i Yosafat madi' mongka'oho' padahan ia mompaha sumbu hondo tiba tomundo nu aha Israel. Salatan i Yosafat sinilakamo ia i lamunmo i tampat pinolamunan to tomu-tomundo' i kota' Daud. I Yoram anaknyo na tinimbali tomundo nombolosakon ia. Sisikon (...)

⁴⁴

⁴⁵

⁴⁶

⁴⁷

⁴⁸

⁴⁹

⁵⁰

⁵¹

⁵²I taun kosampulu'nyomo ka' popitu' na i Tomundo' Yosafat anu lengkat i Yehuda nompalentah, i Ahazia anak i Ahab tinimbalimo tomundo' nu Israel, lantas nompalentahmo Israel ingohua' na taun na kinopinnyo kiijo' i Samaria.

⁵³Ia binaladosa'mo hi Tumpu, kalana nombatukimo apaa na anu binaumo nu tuumanyo tiba tinanyo ka' mule' apaa na anu binaumo i Tomundo' Yerobeam anu nonsaduakonmo mian nu Israel nombaumo dosa'.

⁵⁴Ia nomsombahmo Baal ka' nompalesayamo ia. Ka' susumo tuumanyo anu nompalentahmo ma'isa pe'e kino ianyo, ia mule' suele nonsabapimo da Tumpu pinusa, Tumpu Allah anu nu sombah nu mian Israel.