Read Saluan 1 TAWARIKH 4 Bible Online

1 TAWARIKH 4 - Saluan bible

1 TAWARIKH 4

¹Ka' mule' aiya sambagian na lee' i Yehuda: i Peres, i Hezron, i Karmi, i Hur tiba i Syobal.

²I Syobal atina'mo na tuuma i Reaya, i Reaya tuuma i Yahat. I Yahat kino anak mo'ane ua'aha: i Ahumai tiba i Lahad, Ahamo aijo' na mom polee' mae nu mian anu jojoong i kota' Zora.

³Anak mo'ane tumpe i Kaleb hi bengkele'nyo anu osa-osanggohi i Efrat, aijo'mo i Hur. Lee' i Hur aijo'mo na nombau kota' Betlehem, i Etam, i Pnuel, tiba i Ezer, aijo'mo na to ana-anak i Hur. I Etam kino anak mo'ane aha totolu', sanggo nu aha: i Yizreel, i Isma tiba i Idbas, ka' samian na anak boune sanggonyo i Hazelelponi. I Pnuel na nombau kota' Gedor ka' suele i Ezer na nombau kota' Husa.

⁵I Asyur na nombau kota' Tekoa ko bengkele'nyo ua'aha, aijo'mo i Hela tiba i Naara.

⁶Tiba i Naara ia kino anak mo'ane aha opat: i Ahuzam, i Hefer, i Temeni, tiba i Ahastari.

⁷Tiba i Hela i Asyur kino anak mo'ane aha totolu' aijo'mo, i Zeret, i Yezohar, tiba i Etnan.

⁸I Anub tiba i Hazobeba aijo'mo na to ana-anak mo'ane i Kos, mompolee' mae nu aha sa'anakan i Aharhel, anak i Harum.

⁹Daagi' ko samian na mo'ane sanggonyo; i Yabes; ia na lebe o'angga'i, panyo to utu-utusnyo sangga'at madi'. Ia sinanggohan nu tinanyo i Yabes, kalana talalo hondo nonsansala tinanyo tempo'nyo nohampeakon ia.

¹⁰Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

¹¹I Kelub utus i Suha kino anak mo'ane sanggonyo i Mehir. Anak i Mehir aijo'mo i Eston,

¹²ka' i Eston kino anak mo'ane aha totolu' aijo'mo: i Bet-Rafa, i Paseah tiba i Tehina, anu nombau kota' Nahas. Lee' nu mian haha aijo' jojoong i kota' Reka.

¹³I Kenas kino anak mo'ane ua'aha, aijo'mo i Otniel, tiba i Seraya. I Otniel suele kino anak mo'ane ua'aha, aijo'mo: i Hatat tiba i Meonotai.

¹⁴Anak i Meonotai aijo'mo i Ofra. Anak i Zeraya aijo'mo i Yoab, anu nombau Bangka'nyo nu aha to Tuka-tukang. Iwi-iwi' na mian anu jojoong i Bangka'nyo aijo' aha anu toto pande-pande na mombau apa-apaa.

¹⁵I Kaleb anak i Yefune, kino anak mo'ane aha totolu': i Iru, i Ela tiba i Naam. Anak i Ela aijo'mo i Kenas.

¹⁶I Yehaleleel kino anak mo'ane aha opat: i Zif, i Zifa, i Tireya tiba i Asareel.

¹⁷To ana-anak mo'ane i Ezra aha opat: i Yeter, i Mered, i Efer tiba i Yalon. I Mered no'osoa tiba i Bica anak boune nu Tomundo' Mesir. Aha kino anak boune samian, sanggonyo i Miryam, ka' ua'aha na anak mo'ane, sanggo nu aha i Samai tiba i Yisba. I Yisba na nombau kota' Estemoa. I Mered suele no'osoa tiba samian na boune anu nolengkat mae hi aha tulunan nu bansa Yehuda; anak nu aha anu to momo'ane aha totolu': i Yered, anu nonombau kota' Gedor, i Heber suele anu nombau kota' sokho, ka' i Yekutiel suele anu nombau kota' Zanoah.

¹⁹I Hodia no'osoa tiba utus boune i Naham. Lee' nu aha aijo'mo na mompolee' mae nu aha sa'anakan i Garmi ka' aha sa'anakan mae i Maakha. Aha sa'anakan i Garmi jojoong i kota' Kehila, ka' aha sa'anakan i Maakha jojoong i kota' Estemoa.

²⁰I Simon kino anak mo'ane aha opat: i Amnon, i Rina, i Benhanan tiba i Tilon. I Yisei kino anak mo'ane ua'aha: i Zohet tiba i Ben-Zohet.

²¹Sala'samian na anak i Yehuda sanggonyo i Sela. Lee'nyo mae aijo'mo i Er anu nombau kota' Lekha i Lada anu nombau kota' Maresa Aha sa'anakan anu pande na montonun hude lenan i kota' Bet-Asybea i Yokim Mian anu jojoong i kota' Kozeba i Yoas i Saraf anu no'osoa tiba to bou-boune nu aha mian Moab ka' lapas mae po'ule'mo ninsusule' i Betlehem. Daputan aijo' anu po'ule'jo tinulis, ingala i sa'angu' na tulisan anu pininmo hondo.

²³Aha iwi-iwi' anu lewa' mombau gumbang ka' kuhon anu obee' hi tomundo' ka' jojoong i kota' Netaim tiba kota' Gedera.

²⁴I Simeon kino anak mo'ane aha olima': i Nemuel, i Yamin, i Yarib, i Zerah, tiba i Saul.

²⁵Lee' i Saul aijo'mo: i Salum i Mibsam i Misma i Hamuel i Zakur i Simei.

²⁷I Simei kino anak aha 22: 16 na mo'ane ka' 6 na bouene. Panyo aha sampoto'utusan mae i Simei, ola sangkiding na anaknyo. Lee' mae i Simeon madi' sumo konjoo'nyo nu lee' i Yehuda.

²⁸ Sampe tinoka hi Tomundo' Daud na nompalentah lee' i Simeon jinojoong i kota' haha aiya: Bersyeba, Molada, Hazar-Sual.

²⁹Bilha, Ezem, Tolad,

³⁰Betuel, Horma, Ziklag,

³¹Bet-Markabot, Hazar-Susim, Bet-Biri, tiba Saaraim.

³²Aha suele jinojoongmo i olima' na tampat sangga'at aijo'mo, Etam, Ain, Rimon, Tokhen, Asam,

³³ka' i kampu-kampung i tampat haha aijo' toka-toka i kota' Baal na kojo'onnyo i bahagian barat daya. Sumo aijo' na tinulis mongkona tundulannyo mae na tulunan i Simeon ka' tampat kinajojoongan nu aha.

³⁴Ka' mule' aiya na sanggo nu to kapa-kapala nu aha sa'anakan hi tulunan nu bansa i Simeon: i Mesobab i Yamlekh i Yosa anak i Amazia i Yo'el i Yehu anak i Yosibya (i Yosibya aijo'mo na anak i Seraya, makumpu i Asiel), i Elyo'enai i Yaakoba i Yesohaya i Asaya i Adiel i Yesimiel i Benaya i Ziza anak i Sifei (lundu-lunduannyo nu tundulan nu aha o tundun sule-sule' lengkat mae hi Sifei aijo'mo: i Alon, i Yedaya, i Simri, i Semaya). Kalana aha sa'anakan nompaka panjoo'mo,

³⁹sahingga aha sangga'at noliomo tampat namba i sasu kinsoban sampe tinoka koko kota' Gedor anu kiijo' mae i sa'angu' na bangka'nyo. I Sasu kabete'an nu bangka'nyo aijo' aha nohumpakmo padang anu molumba' hondo ka' mule' ewa hondo ka' ma'ima'an na pompotu'an potu'on nu aha. Naipuan mae da'erah aijo' kinajojoongan nu aha mian Ham anu tinumuu' sinanang hondo madi' ko anu lewa' nompoposia.

⁴¹Tempo'nyo i Hizkia tomundo' nu Yehuda lee' mae i Simeon ai-aijo'mo na nontumbuhi Gedor. Ingidean nu aha iwi-iwi' na kemah nu mian anu jojoong i kota' aijo' ka' aha mian nu Meunim, lantas i laa'mo nu aha na mian anu jojoong i kiijo'. Lapas aijo' aha jinojoongmo i kiijo', kalana manjoo' na hemputnyo padang pompakan potuu'on nu aha.

⁴²To ana-anak i Yisei aijo'mo i Pilaca, i Refaya, tiba i Uziel na nontaluaya' sahingga aha 500 na mian sangga'at anu aha mae tulunan nu bansa Simeon nolalinmo namba i Edom sasu kabete'an.

⁴³Singkapmo pinatean nu aha iwi-iwi' na mian nu Amalekh anu daagi' tinontuha' i kiijo', lantas tinataapmo na aha i kiijo' mulai pe'e tempo'nyo aitu.