Read Saluan NEHEMIA 7 Bible Online

NEHEMIA 7 - Saluan bible

NEHEMIA 7

¹Salatan pagan mesen aijo' jinadimo na binau, pinokaungkumo da tumbannyo opaha pokonamo. Lantas mian anu monjagai sabatan daka', to panya-panyanyi ka' aha to mia-mian nu Lewi pinokaungkumo da mombaumo kalajanyo nu aha toto samian.

²Anu mompalentah kota' Yerusalem binee'kumo hi utusku i Hanani ka' hi Hananya, anu montalenga'i benteng, kalana ia na molingkudui mian sangga'at, mabuhuk hi Tumpu Allah ka' timbali opalesaya.

³Pinoto'ingkumo hi aha, “Sabatan Daka' nu Yerusalem timbalije otuhea'akon de sinaamo ka' tionyo ahi' otumbanmo ka' osupati'mo ma'isa pe'e to mia-mian anu monjaga haha aijo' minsusule'mo, de madi'mo monjaga malom. Ka' mule' o'atunmo ahi' na mian nu Yerusalem anu monjaga, sambahagian i tampat-tampat ponjaga'an ka' sambahagian mule' mian anu molonda i da'erah duhu-duhuk i laigan nu aha.”

⁴Yerusalem kota' anu daka' panyo ola sangkiding na miannyo, ka' ma'isa manjoo' na laigan anu binau.

⁵Kalana aitu Tumpu Allah nombalakatimo aku da noko ala nomposihuk mian da'isan ka' to pola-polaya'nyo, ka' mule' to tu'a-tu'anyo nu aha, da timbali ku bilang na aha anu tuli-tulis i daputan nu tundulan nu aha. Tempo'nyo aitu i humpakumo na tulisan mongkona aha to mia-mian anu momona ninsusule' mae lengkat i Babel pinomboan aha. Lantas aiyamo na anu sinisikakon i kitab daputan anu i humpakumo na tulisan aijo':

⁶Manjoo' na aha to mia-mian anu binoamo i Babel nompala'imo mae Propinsi Babel lantas ninsusule'mo i Yerusalem ka' Yehuda, toto samian nompanjolongimo kota'nyo. Aha pininmo na tinumuu' i Babel pinomboan aha, salatanmo pe'e aha binoa nokiijo' salaku mian anu i hakop i Tomundo' Nebukadnezar.

⁷To pola-polaya' nu aha aijo'mo, i Zerubabel, i Yesua, i Nehemia, i Azarya, i Raamya, i Nahamani, i Mordekhai, i Bilsan, i Misperet, i Bigwai tiba i Baana.

⁸Aiyamo na daputan nu aha toto sa'anakan mae na mian nu aha Israel, ka' mule' konjoo'nyo nu mian hi toto sa'anakan mae na aha anu ninsusule'mo mae lengkat i Babel pinomboan aha: i Paros — — 2.172 i Sefaca — — 372 i Arakh — — 652 i Pahat-Moab (lee' mae i Yesua tiba ka' i Yoab) — — 2.818 i Elam — — 1.254 i Zatu — — 845 i Zakai — — 760 i Binui — — 648 i Bebai — — 628 i Azgad — — 2.322 i Adonikam — — 667 i Bigwai — — 2.067 i Adin — — 655 i Ater (biasa osanggohi i Hizkia) — — 98 i Hasum — — 328 i Bezai — — 324 i Harif — — 112 i Gibeon — — 95

²⁶To mia-mian mompolee' nu aha anu jinojoong i kota' haha aiya, anu suele ninsusule'mo lengkat mae i Babel pinomboan aha: Kota' Betlehem ka' Netofa — — 188 Anatot — — 128 Bet-Asmawet — — 42 Kiryat-Yearim, Kefira tiba Beerot — — 743 Rama tiba Gaba — — 621 Mikhmas — — 122 Betel tiba Ai — — 123 Nebo sangga'at — — 52 Elam sangga'at — — 1.254 Harim — — 320 Yerikho — — 345 Lod, Hadid tiba Ono — — 721 Senaa — — 3.930

³⁹Aiyamo na daputan nu aha sa'anakan mae nu to ima-imam anu ninsusule'mo mae lengkat i Babel pinomboan aha: i Yehuda lee' i Yesua — — 973 i Imer — — 1.052 i Pasyhur — — 1.247 i Harim — — 1.017

⁴³Aha sa'anakan mae i Lewi anu ninsusule'mo mae lengkat i Babel pinomboan aha aijo'mo: i Yesua ka' i Kadmiel (lee' mae i Hodewa) — — 74 Anu mahaik musik i Laigan nu Tumpu (lee' mae i Asaf) — — 148 Anu monjagai sabatan daka' i Laigan nu Tumpu (lee' mae i Salum, i Eter, i Talmon, i Akub, i Hatita ka' i Sobai) — — 138

⁴⁶Aiyamo na daputan nu aha sa'anakan mae anu nokalaja i Laigan nu Tumpu anu ninsusule'mo mae lengkat i Babel pinomboan aha: i Ziha, i Hasufa, i Taboat, i Keros, i Sia, i Padon, i Sebana, i Hagaba, i Salmai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Meumin, i Nefusim, i Bakbuk, i Hakufa, i Harhur,

⁵⁷Aha sa'anakan mae to posa-posaihon i Salomo anu ninsusule'mo mae lengkat i Babel pinomboan aha: i Sotai, i Soferet, i Perida, i Yaala, i Darkon, i Gidel, i Sefaca, i Hatil, i Pokheret-Hazebaim, i Amon.

⁶⁰Iwi-iwi' na lee' mae nu aha anu nokalajamo i Laigan nu Tumpu ka' to posa-posaihon i Salomo anu ninsusule'mo mae lengkat i Babel pinomboan aha, konjoo'nyo 392 na mian.

⁶¹Aha to mia-mian anu nambamo mae lengkat i to kota-kota' Tel-Melah, Tel-Harza, Kerub, Adon tiba Imer, konjoo'nyo 642 na mian tibamo aha sa'anakan mae i Delaya, i Tobia tiba i Nekoda; panyo aha madi'mo nonsumbu-sumbu' sisikonnyo totu-totu'u na aha aitu pa' memang lee' mae nu bansa Israel.

⁶³Ka' mule' suele pa' aha sangkuka na aha sa'anakan mae nu to ima-imam madi'mo nohumpak tulisan anu monsisikakon mompolee' mae nu aha. Aha sa'anakan mae haha aijo' aijo'mo, i Habaya, i Hakos tiba i Barzilai. (Mian mompolee' mae nu aha sa'anakan mae i Barzilai anu no'osoa tiba boune lee' mae nu aha sa'anakan i Barzilai anu kiijo' mae i Gilead ka' lantas aijo' ia nompakemo sanggo nu lee' mae nu aha sa'anakan nu moniannyo). Kalana aha madi' noko ala nonsisikakon totu-totu'u pa' ihe na mompolee' mae nu aha sahingga aha madi' otalima na bau imam.

⁶⁵ Gubernur nu aha da'erah Yehuda nontewa'mo aha madi' timbali mongkaan kaanon anu sinombahkonmo hi Tumpu Allah, opakeakon je ahi' Urim ka Tumim nu samian na imam da opokilawa pe'e hi Tumpu Allah.

⁶⁶Mian haha aijo' anu ninsusule'mo i lipu' nu aha lengkat mae i Babel pinomboan aha konjoo'nyo 42.360 na mian. Ka' mule' sangga'at to mia-mian posaihon nu aha konjoo'nyo 7.337 na mian ka' to panya-panyanyi konjoo'nyo 245 na mian. Aha suele nomboamo mae manjoo' na binatang nu aha, aijo'mo: Ajahan — — 736 Bagal — — 245 Unta — — 435 Keledai — — 6.720

⁷⁰Manjoo' na aha to mia-mian da'isan nombee'mo bau pontulungi da boli maboat na mongongkosi bau pompoko'ima'i Laigan nu Tumpu: lengkat mae hi gubernur — — 8 kilogram na mosoni' — 50 mangko anu opake de monsombahmo Tumpu — 350 jubah anu nupusok nu imam lengkat mae hi to kapa-kapala nu aha anu sa'anakan mae: — — 168 kilogram na mosoni' — 1.250 kilogram na salaka lengkat mae hi to mia-mian sangga'at — — 168 kilogram na mosoni' — 140 kilogram na salaka — 67 jubah anu nupusok nu imam

⁷³ To ima-imam, to mia-mian nu Lewi, to mia-mian anu monjagai sabatan daka' i Laigan nu Tumpu, to panya-panyanyi kanjoo'annyo na aha te mian da'isan biasa anu mokalaja i Laigan nu Tumpu, osainsanggo-sanggomo iwi-iwi' na mian da'isan nu aha Israel, jojoong i to kota-kota' ka' i kampung toto ise-ise' i da'erah Yehuda.