Read Saluan AYUB 17 Bible Online

AYUB 17 - Saluan bible

AYUB 17

¹Ukunku aku silaka malia'mo, malia'mo putus na nyawangku; memo hagum na anu daagi' hi belengku.

²Mian mompotimbalimo aku anu lewa' o'alu; tinoangkumo na aha talalomo ahi' hondo lewa' mae mompopihongo sisik.

³Aku aiya hodi' hondo na kinyonyoangku, O Tumpu Allah. Palesaya mae na aku! Daagi' ihe na monsangaja'i mae potataengku?

⁴Ginunggumanmo nu Belento na kinyonyoa nu aha sahingga madi'mo nangalati'; da boli aha mohungku'i mae aku uuka aiya.

⁵Susumo koonyo nu kantuang, ihe na mongkalak sangalu kalana molio ka'untungan, to ana-anaknyo saidi' mae na mohumpak balosnyo.

⁶Uuka aiya aku lewa'mo mae opopihongoi kantuang monsisik anu madi' ma'ima'; aha toka mae montupe'i ohupku.

⁷Matangku pinahamo kalana lewa'mo i humang; songko-songko na butongku nagesukmo hondo.

⁸Mian anu bala'iman, tinolokengkengmo ka' binangangmo; mian anu madi' ko kasala'annyo, nonsangkamo aku madi' palesaya hi Tumpu.

⁹Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

¹⁰Panyo de bisuannyo belemiu iwi-iwi' toka mae, madi' ko samian anu pande na bapikin toka mae.

¹¹Kantumuu'anku pinala'iankumo, iwi-iwi' na anu tinanga'ankumo madi'mo sinidahanku; ka' suele madi'mo ko anu daagi' iwi-iwi' na anu i niat mo nu kinyonyoangku.

¹²Panyo anu monsampobela' mae aku nompoto'imo, ‘Pihi aitu sumomo sinaa ka' jingka ohanimo mae bete'.’ Panyo sinumbu'kumo i uno nu kinyonyoangku na kantumuu'anku aiya sabole-bole ahi' pintung.

¹³Ola dunia nu kapatean na ku taha'imani, i kiijo'mo na kahoyotanku i uno nu kapintungan.

¹⁴Hagumku ku sanggohimo “Tuumangku”, ka' santo ia-ias nu tano' anu mongkaanmo butongku ku sanggohimo “Tinangku” ka' “Utuskumo boune.”

¹⁵Iya na bau daagi' kataha'imananku; ihe na montoa kabilahian anu ku humpak?

¹⁶De aku mintatau'mo i dunia nu mian anu sinilakamo, madi'mo daagi' ko anu ku taha'imani.