Read Saluan AYUB 23 Bible Online

AYUB 23 - Saluan bible

AYUB 23

¹Panyo tinaamanmo i Ayub, “Aku notambuha'mo ka' notusa'mo hi Tumpu Allah; madi'mo ku poko intim apaa na anu ku oa'i susa' aiya.

³Ah, paya', de bisuannyo ku sumbu' na kajojoongan-Nyo, da aku mamba singkabot tiba Ia.

⁴Da hi Iamo na ponsisikanku apa-apaa na anu jinadimo i butong ku aiya, ku lubatakonmo aiya i nganga'ku na potatae anu bau kahondoanku.

⁵Aku kahanda' monsumbu' pa'apaa na anu Nu poto'i mae, ka' pa' mosia na ia montaami mae.

⁶pa' ia memang mompotoamo mae ahi' kakuasa'annyo hi belengku? Madi' mule'! Ia tantu mohongo mae ahi' potataengku?

⁷Aku madi' ko kasala'an jadi timbali ahi' mompototu'u butongku i ahop-Nyo, jadi aku nu poto'imo mae madi'mo mohumpak hukuman sampe toka sidu-sidutu'.

⁸Iliongkumo na Tumpu Allah pa' kiijo' mae i kinsoban, pa' kiijo' mae i kabete'an, pa' kiijo' mae i Selatan, pa' kiijo' mae i Utara, panyo iyaya mae madi' ko Tumpu Allah; ka' madi' kinabotku na Ia.

¹⁰Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

¹¹Aku tulu-tulutanmo hi Ia ka' mohongo-hongomo; madi'mo toho' aku mosele mompala'i jalan anu pinotiju'Nyomo.

¹²iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

¹³Tumpu Allah aijo' madi' mongabali'; madi' ko anu moko ala mongewa Ia. Ia moko ala mombau apaa na anu Nu ka'ima'imo, ka' nu tuka'mo.

¹⁴Apaa na anu tinanga'an-Nyomo obau hi belengku, nu baumo, ka' daagi' manjoo'na anu tinanga'an-Nyomo misa' ola aijo'.

¹⁵Kalana mongkabuhuk Ia, aku i lakatnyomo; de talalomo aku mompotutugakon iwi-iwi' aijo', mompaka pabuhukmo na aku.

¹⁶Anu Daka' hondo na kuasanyo nohungku'imo iwi-iwi' na kabaanianku, Aku nabuhukmo kalana Tumpu Allah, misa' kalana pikat taha-tahahumo, maumo pintung aijo' nontikubimo aku, ka' nongkukubimo ohupku.