Read Saluan AYUB 41 Bible Online

AYUB 41 - Saluan bible

AYUB 41

¹ Pa' nupoko ala nu hakop na buaa' Lewiatan ola o hakop nu pompeka ikan? Pa' nupoko ala nu puuti na jila'nyo nu kahohon anu lewa' opake bau pompuuti?

²Pa' nupoko ala nu tali idongi na suungnyo kabai kakait besak opokona i ngahangnyo?

³Te ia timbali mongkakaase hi beleyum da ia opobebas? kabai monsale' hi beleyum mongkakaase da okalibosi?

⁴Te ia timbali mombau kasangaja'an tiba beleyum, ka' mojanji' saja' mompopi'i' apaa na anu nukahanda'i nu beleyum?

⁵Te beleyum timbali monsegoti ia susumo tomonsi' anu opotuu', anu momposanang to posa-posaihon aha to bou-boune?

⁶Te ia timbali nupodagang nu to mia-mian anu polioannyo momeka ikan ka' obagi-bagiakon hi anu badagang?

⁷Te timbali nu susuk nu beleyum na kilitnyo nu talombo' anu mimpanga' totolu' na matanyo kabai nubunu' nu beleyum nu sosuduk sahingga lampasan i ubaknyo?

⁸Soba sintung na ia mau ola minsan saba' madi'mo daagi' beleyum po'ule' mongulit; pahantuda'an aijo' madi'mo daagi' nukolilimi nu beleyum sampe toka sidu-sidutu'.

⁹Batu-batu mian anu montoa ana Lewiatan, timbalimo lundeng tohahumpukmo ka' poso'mo.

¹⁰Ia motomuhukmo de oliko na ia aijo' hoyo-hoyot; mau samian madi' ko anu baani tuminjo i ahopnyo.

¹¹ Ihe na moko ala montumbuhi ia ka' madi' konaon? I dunia aiya madi' ko anu moko ala mombau sumo aijo'.

¹²Soba imbo' da Ku sisikakon na butong nu Lewiatan mongkona kahosonannyo ka' balu-balu' nu butongnyo anu ontinganan hondo.

¹³Madi' ko samian na anu moko ala mombeak baju'nyo anu pinusoknyo tudu-tudu, kabai molampas baju' anu nupusok nahampate.

¹⁴Ihe na moko ala mombengat sumbangnyo anu mahoson hondo aijo'; anu ko bese'nyo ka' okabuhuk?

¹⁵Tundunnyo sumomo ahi' kanta anu pinaha kunsu-kunsunmo pinaha poka-pokampa'mo sumomo ahi' batu na ko belengnyo.

¹⁶Nompaha utu-utunimo, ka' kinampitmo hondo, sahingga maumo mombun madi' moko ala minsoop i unonyo.

¹⁷Kanta aijo' mahosonmo hondo na nompaha kampi-kampit sahingga madi'mo opoko ala oga'a-ga'atakon.

¹⁸De binatang Daka-daka' aijo' samba'in tolojuhutmo mae na jingkanyo; matanyo jolingkabanmo mae sumomo batu nu sinaa anu bete'mo mae.

¹⁹Apu tolosumbu'mo lengkat mae i nganga'nyo; bohotika' nu apu mokakambumo noyaya.

²⁰Tibuk kopuha-puhamo lengkat mae i suungnyo, sumomo ahi' tibuk nu kau' anu pinosunmo i patu nu kuhon.

²¹Sawonyo mompomoak oba nu apu; moak nu apu mosabatmo lengkat mae inganga'nyo.

²²Tundunnyo mahoson hondo, sahingga iwi-iwi' mabuhuk i ahopnyo.

²³Madi' ko anu madi' mahoson ikilitnyo madi' bisa mobeak kalana sumomo ahi' aja' na ko kuutnyo.

²⁴Atenyo madodo hondo sumomo batu, madi' toho' mopanga-panga' na bapikin mahoson ka' mokuut hondo sumomo ahi' batu anu bau ponggiling.

²⁵De ia tuminjomo mian anu baani maid'mo ko kabaniannyo, timbalimo lundeng kalana talalomo hondo nabuhuk.

²⁶Madi' ko bajak anu moko ala mombelai ia; talombo', pana' kabai sosuduk madi' moko ala molaniti ia.

²⁷Besak nu anggap ola sumo santo hempu-hemput na ko muyuknyo ka' tambaga' ola sumo kau' anu ingojoponmo na ko nguha'nyo.

²⁸Madi' ko pana' anu moko ala molaa' ia; batu obunu'akon hi ia ola susumo hat na nu oa'i.

²⁹Amangkun nu anggap ola sumo santake na hon nu hemput anu nanggasmo; ia ola kumojo de mian mombunu'akon sosduk hi ia.

³⁰Sonukunyo aijo' i kompongnyo sumomo kubengan nu kasa anu matajom hondo na puusnyo. Sumomo ahi' anu bau ponsapahi, aijo'mo na bau pongkulanyo hensek ka' biniha'nyomo.

³¹Ambai kinulanyomo totu-totu'u sahingga sumomo uee anu lumua'mo. Sumomo ahi' pamutu' anu pinolanya'anmo anu nimbuha'mo na i lumua'.

³²Ia nompala'imo lawo nu tengkenyo anu lonyingkaban, ambai pinotimbalinyomo buha' anu mompute'.

³³I bawo nu tano' madi'mo ko anu mongkakanai; binatang anu madi' monsumbu' mabuhuk, aijo'mo ia!

³⁴Maumo binatang anu talasanggo, panyo ia na montoa sumo anu madi' kokaliangannyo; iwi-iwi' na binatang anu mahangas iamo na tomundo'nyo.”