Read Saluan AYUB 42 Bible Online

AYUB 42 - Saluan bible

AYUB 42

¹Tinaamanmo i Ayub na Tumpu, “Ku sumbu', na Belento, O Tumpu, memang talalo hondo Daka' na kuasa nu Belento; Belento moko ala hondo mombau maumo pa' apaa.

³ Belento nompokilawamo hi belengku, kadaka' aku baanimo na mombata-batai kapandean nu Belento bapikin padahan madi' ko anu ku pisumbu-sumbu'. Aku ola nombisalakon hahan anu madi' ku sumbu' aijo'mo hahan anu talalo hondo ku kabangangi aiya.

⁴ Belento nompoto'imo aku da mompotombihing de Belento motataemo, ka' montaami de nuipokilawamo nu Belento.

⁵U'utu mae, aku monsumbu' Belento ola anu ku hongo hi mian, panyo uuka aiya sinumbu'kumo na Belento kalana nompaha ahopmo.

⁶Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

⁷Salatan ilapasmo na notatae hi Ayub, Tumpu notataemo hi Elifas, “Ku tambuha'imo na beleyum ka' hi sangalu nu beleyum ua'aha aijo', kalana belemiu madi' mompoto'i anu ahi' sahondo-hondonyo mongkona Aku. Panyo i Ayub posaihonku aijo' madi' sumo aijo'.

⁸Jadi, uuka aiya alamae na sapi' lakinyo popitu', ka' domba lakinyo popitu', ka' lambamo hi Ayub. Lantas sombahkonmo na aijo' iwi-iwi' salaku koloban anu opotunu bau pongampuni belemiu. Nudoa'akonje i Ayub na belemiu ka' do'anyo Ku talimaje. Belemiu madi'mo Ku ambangi, maumo sabenannyo belemiu pantasmo na mohumpak hukuman. Belemiu madi' nompoto'i anu sahondo-hondonyo mongkona butong-Ku, padahan i Ayub na nontaloakonmo ahi'.”

⁹I Elifas, i Bildad tiba i Zofar, nombaumo apaa na anu pinokauhakonmo nu Tumpu ka' tinalimamo nu Tumpu na do'a i Ayub.

¹⁰ Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

¹¹Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

¹²Tuha'nyo nu kantumuu'an i Ayub aijo', nolabi-labimo na Tumpu nombalakati, ilingkuduannyomo na u'utu mae ia ma'isa pe'e tinokan nu balaa'. I Ayub kino mee'mo ka' domba 14.000, unta 6.000, sapi' 2.000, ka'keledai 1.000.

¹³Ia mohumpak mule' anak to momo'ane aha popitu', ka' aha totolu' na to ana-anak boune.

¹⁴Anak boune momona sinanggohannyo i Yemima, anak ko ohua'nyo i Kezia, ka' anu tatampalui'nyo i Kerenhampukh.

¹⁵Songko-songko na lipu' madi' ko langkoyang anu handa susumo aha totolu' na anak boune i Ayub. Aha binee'an pombagian halata' nu tuuma nu aha pokakana sumomo utus nu aha anu to momo'ane.

¹⁶Lapas aijo' i Ayub daagi' tinumuu' 140 taun na kinopinnyo, sahingga ia daagi' nontoa to maku-makumpunyo ka' to ana-anak nu aha.

¹⁷Lantas i Ayub sinilakamo, tempo'nyo aitu ia i langkai'mo hondo.