Read Saluan MAZMUR 101 Bible Online

MAZMUR 101 - Saluan bible

MAZMUR 101

¹Mazmur i Daud. Aku monyanyiakonmo kanonongan ka' ka'adilan, hi Belento, O, Tumpu, na nyanyian anu bau pompuji'ku!

²Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

³kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

⁴Aku madi'mo mombau anu tageo' ka' madi'mo maninggalum i kalakuan anu ma'idek.

⁵Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

⁶Ku ka'ima'i na mian anu tulu-tulutan hi Tumpu; aha timbali jojoong i laiganku. Mian anu tumuu' madi' ko kasala'annyo atina' na timbali mombau anu ku palentahkon.

⁷Anu sola mongakali balang nu mian madi' timbali jojoong i laiganku; mian anu baleko' madi' moko ala mompaha ahop tiba aku.

⁸Sansinaa toka sansinaa na aku lewa' mompatei to mia-mian anu ma'idek na kinyonyoa i uno nu lipu' aiya. Iwi-iwi' na mian anu nombaumo han anu ma'idek ku pateimo da madi'mo ko anu jojoong i uno nu kota' nu Tumpu.