Read Saluan MAZMUR 111 Bible Online

MAZMUR 111 - Saluan bible

MAZMUR 111

¹O puji' na Tumpu! Totu-totu'u na kinyonyoangku montalima kaseh hi Tumpu hau-haunyo kiijo' hi aha mian anu palesayamo hi Ia anu binalagombumo.

²Totu-totu'u okabangangi hondo na apa-apaa anu binaumo nu Tumpu, pantasmo na oselidiki nu to mia-mian anu mongka'ima'i.

³Pakalaja'an nu Tumpu talasanggo hondo ka' talalo o puji', ka'adilan-Nyo sampe toka sidu-sidutu'.

⁴Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

⁵Ia mombee'i anu okaan hi mian anu tulu-tulutan, ka' saja' monginau' palajanjian-Nyo.

⁶Ia nompotoamo kuasa-Nyo hi mian anu palesayamo hi Ia, ka' nombee'imo aha tano' pusaka nu to bansa-bansa.

⁷Tumpu adin ka' manonong i han apa-apaa nu anu Nubau, iwi-iwi' na palentah-Nyo timbali otaha'imani.

⁸Atulan-Nyo opake sampe toka sidu-sidutu' totu'u ka' adin na mompojalan.

⁹Ia nompobebasmo mian anu palesayamo hi Ia, ka' nombaumo palajanjian anu sampe toka sidu-sidutu' tiba aha. Iamo na Tumpu anu susi' ka' baani!

¹⁰ Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!