Read Saluan MAZMUR 129 Bible Online

MAZMUR 129 - Saluan bible

MAZMUR 129

¹Nyanyian mamba i tampat anu ko balakatnyo. O Israel, poto'i mae pa' mosia na beleyum sinakisa nu mian anu nonsampobali'mo, salatanmo pe'e beleyum daagi' olitau.

²“Aku sinakisamo nu mian anu nonsampobali' mae salatanmo pe'e aku daagi' olitau, panyo aha madi' noko ala nompatundu' aku;

³aha nombelaimo aku naleeng hondo i tundunku, susumo anu mompajeko nonseseki'imo mantan hondo i ale'.

⁴Panyo Tumpu anu adin hondo nompobebasmo aku da madi'mo binotuanan.”

⁵Bakas da batu-batu mian anu mongka'ideki Sion opatundu'mo ka' olaa'mo da mopalaimo.

⁶Bakas da aha sumomo hemput aita' mae i bawa nu atop anu i nanggasmo maumo ma'isa pe'e tinumuu';

⁷madi' ko anu monsabit ia kabai nonsewa'i i timpasnyo.

⁸To mia-mian anu motulu madi' montaloakon, “O'amalakon da beleyum nu balakati nu Tumpu kami mombalakati beleyum hi sanggo nu Tumpu.”