Read Saluan MAZMUR 136 Bible Online

MAZMUR 136 - Saluan bible

MAZMUR 136

¹ Pontalima kaseh hi Tumpu kalana Ia manonong; kalibosan-Nyo sampe toka sidu-sidutu'.

²Pontalima kaseh hi Tumpu Anu Matangkas na Kuasanyo; kalibosan-Nyo sampe toka sidu-sidutu'.

³Pontalima kaseh hi Tumpu Anu Daka' na Kuasanyo; kalibosan-Nyo sampe toka sidu-sidutu'.

⁴Ola Ia na anu nombaumo han anu okabangangi toto daka-daka'; kalibosan-Nyo sampe toka sidu-sidutu'.

⁵ Kalana kapandean-Nyo Ia nompotimbalimo langit; kalibosan-Nyo sampe toka sidu-sidutu'.

⁶Ia nompokabamo tano' i bawo nu uee, kalibosan-Nyo sampe toka sidu-sidutu'.

⁷ Ia nombaumo anu monjingkai mae aita' i langit; kalibosan-Nyo sampe toka sidu-sidutu';

⁸batu nu sinaa da mongkuasai sinaa; kalibosan-Nyo sampe toka sidu-sidutu';

⁹bitu'on ka' mandala' na mongkuasai pihi; kalibosan-Nyo sampe toka sidu-sidutu'.

¹⁰ Pinatean-Nyo na to ana-anak tumpe nu Mesir, kalibosan-Nyo sampe toka sidu-sidutu'.

¹¹ Israel sinabatakon-Nyo lengkat mae i Mesir; kalibosan-Nyo sampe toka sidu-sidutu';

¹²kalana lima mahoson ka' baani; kalibosan-Nyo sampe toka sidu-sidutu'.

¹³ Ambai Gelagah biniha'-Nyo; kalibosan-Nyo sampe toka sidu-sidutu';

¹⁴Israel mian anu pinalesayamo hi Ia tinapakon-Nyomo nokiijo' i santoanyo; kalibosan-Nyo sampe toka sidu-sidutu'.

¹⁵Panyo tomundo' nu Mesir tiba suludadunyo i lomosan-Nyomo; kalibosan-Nyo sampe toka sidu-sidutu.

¹⁶I laya'-Nyomo na mian anu pinalesayamo hi Ia notulu i tampat padang anu mateges; kalibosannyo sampe toka sidu-sidutu'.

¹⁷Pinatundu'Nyo na to tomu-tomundo' anu toto babaani; kalibosan-Nyo sampe toka sidu-sidutu';

¹⁸pinatean-Nyo na to tomu-tomundo' anu talasanggo; kalibosan-Nyo sampe toka sidu-sidutu'.

¹⁹ Sihon tomundo' nu Amori; kalibosan-Nyo sampe toka sidu-sidutu';

²⁰ ka' og tomundo' nu Basan; kalibosan-Nyo sampe toka sidu-sidutu'.

²¹Lipu' nu aha binee'Nyomo hi mian anu pinalesayamo hi Ia; kalibosan-Nyo sampe toka sidu-sidutu';

²²ahamo Israel posaihon-Nyo, na tumpunyo; kalibosan-Nyo sampe toka sidu-sidutu.

²³Ia madi' mongkolilimi kita, tempo'nyo kita pinatundu'mo; kalibosan-Nyo sampe toka sidu-sidutu'.

²⁴Pinobebas-Nyomo na kita da boli nu patei nu mian anu monsampobali' mae; kalibosan-Nyo sampe toka sidu-sidutu.

²⁵Batu-batu anu ko nyawanyo Nu bee'i mongkaan, kalibosan-Nyo sampe toka sidu-sidutu.

²⁶Pontalima kaseh hi Tumpu anu mongkuasai langit; kalibosan-Nyo sampe toka sidu-sidutu'.