Read Saluan MAZMUR 141 Bible Online

MAZMUR 141 - Saluan bible

MAZMUR 141

¹Mazmur i Daud. Aku mongkakase hi Belento, o, Tumpu, lia-lia' tulungiakon mae na aku! Potombihingakon mae na aku de aku mongkakase momoita tulung hi Belento.

² Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

³O, Tumpu jagaiakon mae na nganga'ku ka' mule' jagaiakon mae na biwingku.

⁴Pojo'onakon mae na aku da madi' ko kahanda' mombau anu ma'idek. Boli opojohok na aku maninggalum tiba mian anu palaganta ka' mongkaanmo hingga-hinggat i bau-bauon nu aha.

⁵De mian anu manonong mompokinde'i mae aku, ka' madi' tageo' na kinyonyoa mondoke mae aku, aijo' sumomo lanya' anu talalo hondo ma'ima' hi belengku. O'amalakon da aku montalima ahi', kalana aku saja' balado'a madi' montalima aha. Palabuatan ma'idek nu aha.

⁶De to mia-mian anu mongkuasai aha otuamo i to tunge-tungebe nu batu, nu akuije nu aha taalu' apa-apaa na anu tinaloakonkumo memang totu'u ahi'.

⁷Bukunto iwi-iwi' opaha taumo i sohipi' nu kubulan sumomo batu anu nahutemo i tano'.

⁸Panyo aku sabole-boleh montaha'imani Belento, o, Tumpungku, boli opojohok na aku silaka, kalana aku mihohung mo hi Belento.

⁹Jagaiakon mae na aku da madi' nukona nu so'o anu pinokona pohakop aku, nu talong nu mian haha aijo' anu ma'idek na kinyonyoanyo.

¹⁰Bakas da posi so'o nu aha na mongkona aha, panyo o' amalakon da aku na salamat ahi'.