Read Saluan MAZMUR 38 Bible Online

MAZMUR 38 - Saluan bible

MAZMUR 38

¹Mazmur i Daud tempo'nyo ia nonsombahkon koloban salaku peringatan.

²Tumpu boli mae mohukum aku kalana Belento notambuha'mo, boli monsakisa mae aku kalana Belento pinusamo.

³Pana' nu Belento nolampasmo nombelai mae butongku, lima nu Belento ku oa'i naboatmo hondo na nontanomakon mae aku.

⁴Tahahumo ahi' na sakitku kalana tambuha' nu Belento; madi'mo daagi' ko anu mahoson i uno nu butongku kalana dosa'ku.

⁵Aku nolomosmo i uno nu iaba' kasala'anku, dosa'ku talalomo ahi' nompiboati mae aku.

⁶Songko-songko na belangku ninana'mo ka' nabusikmo, kalana aku nimbalu-balu'mo mian anu ponga'.

⁷Aku dinumukumo ka' tinadungkungmo sansina-sinaa aku mangkuyumo ka' sinusa'mo na kinyonyoa.

⁸Sakit nu sihabi mompapumo mae butongku, madi'mo daagi' ko anu mahoson i uno nu butongku.

⁹Aku nohintutumo ka' madi' daagi' kokahosonan aku nolohehengmo kalana kinyonyoangku madi'mo sinanang.

¹⁰O Tumpu nu sumbu' iwi-iwi' apaa na anu ku indi, pengeluhanku madi' tompohowini hi Beleyum.

¹¹Sulengku nangada'mo kahosonanku imadi'anmo matangku montoa me opiha-pihau'.

¹²To sanga-sangalungku madi'mo mae ko anu mongohanii kalana panyakitku, pakalaus to julu-julungku mae nompolilitmo mae aku.

¹³Mian anu kokahanda'mo mompatei mae aku, nontanda'imonu so'o bau pohakopnyo aku; aku kakokahanda'mo monsilakai mae aku, notomuhukmo mae kahanda'mo mompatei mae aku.

¹⁴Panyo aku sumomo ahi' mian anu mabongon mamadi' mohongo sumomo ahi' mian anu momo' madi' motatae.

¹⁵Memang ahi' totu'u, aku sumomo mian anu madi' mohongo, sahingga kalana aijo' aku madi' monggagakon.

¹⁶Panyo aku na montaha'imani ahi' Belento o Tumpu ka' Belento, o Tumpungku nontaamimo mae aku.

¹⁷Boli opojohok na sampobali'ku sanang na montoa mae kasusa'anku, boli opojohok na aha motatae buulonmo de maluanyo aku bata-batamo.

¹⁸Me ise-ise' aku nanabu'mo, memo ahi' saja' aku mongoa'i sakit.

¹⁹Ku akuimo na dosa'ku iwi-iwi'; kinyonyoangku bata-bata na mompotutugakon kasala'anku.

²⁰To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

²¹Mian anu mombalosi ka'ima'an nu palabuatan ma'idek mongewamo mae aku, kalana aku na mombau ahi' palabuatan anu ma'ima'.

²²O Tumpu boli opala'i na aku, boli matikojo'on aiya hi belengku o Tumpu-ngku.

²³Tokamo mae lia-lia' montulungi aku, o Tumpu anu momposalamat mae aku.