Read Saluan MAZMUR 48 Bible Online

MAZMUR 48 - Saluan bible

MAZMUR 48

¹Mazmur nu aha sa'anakan i Korah.

²Memang talasanggo ahi' na Tumpu ka' talalo ahi' opuji', ikota' nu Tumpu, ipuge'nyo anu susi'.

³ Sion, puge'nyo nu Tumpu natunjomo ma'ima' hondo kota' nu Tomundo' anu Talasanggo momposanang songko-songko na dunia.

⁴Tumpu jojoong ipuri-puri-Nyo, ka' taalu' posi iamo ahi' na monjagai Ia.

⁵Soba toa na to tomu-tomundo' sinihukmo; aha tinokamo mae kahanda' montumbuhimo mae.

⁶Panyo salatan nontoamo puge'nyo aijo' aha binangangmo; aha kinalangkabutmo ka' nalaimo kalana biningongmo.

⁷Ikiijo' mae aha ilakatnyomo kalana nabuhukmo ka' nalanitmo, susumo boune anu kahanda'mo mohampeakon anak,

⁸susumo kapan anu ihansunanmo nu antong anu daka' hondo.

⁹Susumo anu ihongontomo, uuka aiya tinoantomo, i Kota' nu Tumpu Anu Balakuasa hondo. Kota' aijo' atina'mo na Kota' nu Tumpu-nto, Nu sangaja'i sampe toka sidu-sidutu'.

¹⁰I uno nu Laigan nu Belento opotutugakonmo mami na kalibosan nu Belento o Tumpu.

¹¹Sanggo nu Belento tinogilelemo ka' pinuji'mo isongko-songko na dunia, Belento adin na mompalentah.

¹²Sahanyo layat nu Sion tiba Yehuda montaligalaimo ka' lame'mo, kalana Belento nohukumo anu mongewa mae aha.

¹³Tikubimo na Sion, ka' tamtambioloimo na ia, ka' soba lekeng na menaranyo.

¹⁴Soba palahatikan na pagannyo mesen, soba palesa na bentengnyo, da belemiu timbali monsisikakon hi lee' nu belemiu:

¹⁵“Iamo na Tumpu, Tumpu-nto sampe toka sidu-sidutu', Ia na molaya' kita sampe toka sidu-sidutu'.”