Read Saluan MAZMUR 61 Bible Online

MAZMUR 61 - Saluan bible

MAZMUR 61

¹Anu mongkapalai panyanyi. Okuti'akon kasapi. Nyanyian i Daud.

²Potombihingakon mae na anu ku kakase aiya, o, Tumpu, inau'akon mae na do'angku aiya.

³Majo'on i laiganku na aku aiya mongkakase hi Belento, kalana madi'mo ko anu ku taha'imani. Belentoje na momboa aku i tampat popalaian da madi' ko anu mompoposia tampat anu talalo hondo matangkas madi'mo ku poko ala otoka;

⁴kalana hi Belentomo na pihohunganku, tampat anu mahoson hondo madi' nupoko ala nu sampobali'ku mompinsoopi mae.

⁵Bakasmo da aku sidu-sidutu' jojoongmo i kema' nu Belento, da madi'mo ko anu mompoposia i uno nu polipik nu Belento,

⁶Kalana Belento nohongomo apaa na anu jinanji'kumo, o, Tumpu, ka' mombee'mo mae hi belengku pusaka' nu mian anu tulu-tulutan.

⁷O'amalakon da itomundo' mantan na umunnyo sampe molundu-lunduakon tulunan na ia tumuu'.

⁸O'amalakon da ia mompalentah sampetoka sidu-sidutu' salaku tomundo anu pinile'anmo nu Belento o, Tumpu, jagai mae na ia nu kalibosan ka' kanonongan nu Belento.

⁹Sahingga aku saja'mo manyanyi, nyanyian anu bau pompuji' Belento, ka' mule' mongganapimo anu jinanji'kumo sansina toka sansinaa.