Read Saluan MAZMUR 66 Bible Online

MAZMUR 66 - Saluan bible

MAZMUR 66

¹Anu mongkapalai panyanyi. Sa'angu' na nyanyian. Taligalai lame-lame' na Tumpu, o, belemiu mian anu jojoong i songko-songko na dunia!

²Panyanyimo ka' popodaka' na sanggo-Nyo, oholomati na Ia nu nyanyian anu bau pompuji-puji'.

³Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

⁴Songko-songko na dunia tinolodupumo nonsombah Belento, aha nanyanyimo nompuji' sanggo nu Belento.”

⁵Tokamo mae ka' tonto'i apaa na anu binaumo nu Tumpu, totu-totu'u okabangangi hondo na anu binaunyomo iwi-iwi' hi aha mian!

⁶ Ambai ingabali'-Nyo tinimbali tano' anu kinantisanmo, mompolee' mami notaapmo nokiijo' i santoanyo i lumajang tengke. Sahingga kami i lame'mo kalana palabuatan-Nyo.

⁷Ia baani hondo na mompalentah ka' kopinnyo, sampe toka sidu-sidutu'. Iwi-iwi' na bansa nujagai nu Tumpu, da anu lewa' mombau gau' ma'idek madi' timbali ko bubuun hi Ia.

⁸Opuji' na Tumpu mami, o, to bansa-bansa, loobo'akon daka-daka' na belemiu mompuji' Ia!

⁹Ia nonjagaimo mae kami da sabole-bole tumuu', ka' madi' mompojohok kami da silaka.

¹⁰O, Tumpu Belento nonguji'mo mae kami susumo mian anu nonsuangmo tambaga i apu da osumbu' na tambaga aijo' pa' totu-totu'u madi' ko galo'nyo.

¹¹Pinojohokmo nu Belento na kami da kinonamo nu so'o, ka' binee'anmo nu Belento kalaja na kami anu maboat hondo.

¹²Pinojohokmo nu Belento na kami da pinahampeja'akonmo nu anu monsampobali' mae kami; kami so'mo nontului iyaba' ka' apu. Panyo uuka aiya kami binoamo mae nu Belento i tampat anu manjoo' hondo na hasinnyo ohumpak i kiijo'.

¹³Aku momboamo i laigan nu Belento koloban anu opotunu ka' ku ganapimo na anu jinanji'kumo hi Belento.

¹⁴janji' anu tinaloakonkumo tempo'nyo aku tinokanmo nu kasusa'an.

¹⁵Ku sombahkonmo hi Belento na koloban anu opotunu, anu pinile'ankumo na binatang, aijo'mo, mee', domba ka' sapi' lakinyo, tibuknyo mintotonjomo mokiita' i langit.

¹⁶Tokamo mae ka' potombihingmo, o, belemiu iwi-iwi' mian anu tulu-tulutan, da ku sisikakonje hi belemiu na anu binaumo nu Tumpu hi belengku.

¹⁷Aku nongkakasemo nomoita tulung hi bele-Nyo; uuka aiya ku nyanyimo na bau pompuji' Ia.

¹⁸De bisuannyo aku sanang na mompotutugakon kalakuan anu ma'idek, tantumo Tumpu madi' mompotombihing mae.

¹⁹Panyo Tumpu nompotombihingmo mae aku, Ia nonsetujuimo apaa na anu kinakase'kumo.

²⁰Aku mompuji'mo Tumpu Allah kalana Ia nombee'imo mae apaa na anu pinoitangkumo i do'angku, ka' madi' kokamingkotannyo na mongkalibosi mae aku.